محمد//طلعنه الصبح اني وعلي رحنه للمجمع تفاجئنه من شفنه التفتيش والسيطرات كوه دخلونه تكول طاب معسكر كلت لعلي ..... هاي شصاير هنا
علي// ولك هاي شلون داومت هنا ام فارس
محمد// والله ما ادري بس مستحيل اخليهة تجي بعد شايف المكان شلون مكلوب
علي//ييي صح يلا امشي خلي ننزل
محمد// نزلنه طبينه ردنه نشوف الضابط المسؤل ع المجمع كالتلنه الممرضه انتظروا هسه ابلغ دكتور نمر
.... اكلك علي سمعت اسم الدكتور شنو
علي// اي نمر ههههههه
محمد// والله ولكيتي ابو فارس يا ام فارس
علي// انجب ولك هيه اصلا بعد شيجيبهة هنا
محمد// والله اذا شفته حلو وشاب هسه اخذ معلومات اهله ونروح نتقدمله حته نزوجه اختنه
علي// تضل طول عمرك ملطلط ..... طلعت الممرضه كالت تفضلو ..دخلنه
محمد//سلمنه ع الدكتور مبين انسان محترم اخخ ربي هذا ولد واني ولد شهل جمال والرجوله الشايله ما شاء الله هذا لو يتزوج اختي يصير انتاجهم يطك بالكاع هههه
علي//سلمنه عليه كال تفضلو كعدنه
نمر// فاتو ثنين زلم واحد لابس عربي مبين ابن شيوخ والثاني لبس عادي بس كشخه ما ادري ليش حسيته اخو ليلك لان نفس العيون يمكن
.... تفضلو شتشربون
علي// تسلم هذا من فضلك بس احنه جاييك بشغله وان اشاء الله محلوله
نمر//الاكدرله اسوي بس ما عرفتني بحضرتكم
علي//اني اخو المحلله اللي تشتغل هنا الجبير وهذا اخوهة الاصغر مني
نمر// مستغربت عرفت ع شنو جايين ..... اتشرفت بيكم اعرف الشغله الجاييني عليهة بس تعذرني ما اكدر اسوي شي
علي// دكتور انت تعرف هاي اختنه مستحيل انخليهة داوم بهيج مكان وتعرض حياتهة للخطر وشغله الخفارات منكدر نبيت بنتنه بره الناس شتكول علينه واحنه سمعتنه اهم شي
نمر// لعد من هيج خايفين عليهة شكو مخليهة داوم بيج مكان اصلا.....اخي هاي قوانين ولازم تتطبق احنه منريد احد يخسر شغله بسببنه واحنه هنا مؤقتاً
محمد// دكتور اذا انتو علمود محد يخسر شغله فلتخاف اختي ممعتازه الشغل وعايشه بخير من الله هي داوم بس لان تحب هاي الوظيفه مو الغير شي
نمر// وانت مثل مكلت لان تحبهة منريد نأثر ع احد
محمد// اصلا بس تعوف هذا المكان تفتحلهة مختبر خاص يعني هم ماكو تأثير
علي// دكتور بله هل حجي الزايد اختي مداوم هنا
نمر// كيفهة لداوم واني اتخذ اجراء بحقهة وابلغ الوزاره
محمد// ويعني شراح يسوولهة الوزاره راح يبطلوهة اشو احنه نريد هيج
نمر// فاهم الشغله غلط انته تعتبر منتسبه للدوله هيه والمنتسب اذا قصر بواجبه عقوبته السجن وليس الفصل
علي// دكتور انته شدتحجي ترا هيه مو غصب البنيه متريد داوم
نمر// تعذروني ما اكدر اسوي شي القرار بيدهة لو داوم لو نلقي القبض عليهة
محمد// اباوع ع علي اريد اشوف شراح يسوي بشنو ورطتي روحج يا اختي اوووف
علي// صفنت شويه افكر هسه شسوي بالحالتين هيه متضرره اذا داومت راح تلزم خفارات والله اليستر واذا مداومت راح تتجرجر للسجون تالي عمرنه اختنه تنذب بالسجن ياربي رحمتك
نمر// اباوع عليهم وجهم انكلب همه حقهم بس ما بأيدي شي هاي الاوامر
علي// انته من يا عشيره
نمر// من ال...... ليش تسأل
علي// داوم هنا بس بشرط ولان انته المسؤول هنا لازم تنفذه
نمر// باع هذا يتشرط..... عفواً اختك مداوم عند الخلفني حته تتشرط عليه اني مثلهة هم موظف
علي// عوف الوظيفه هسه احنه دنحجي من رجال الرجال وانتو معروف عن عشيرتكم النخوه
نمر// هذا وين يريد يوصل....لتكول شرط مول طلب هيج يله اكدر اساعدك
علي//ماشي اطلب منك وعد رجال انو اختي هنا داوم بس بأمانتك وتحميهة وكأنو اخوهة يمهة ومتسمح الاي شي يأيذيهة واذا فديوم صارلهة شي انته المسؤول وبوكتهة تصير شغله عشاير واذا انته وياهة صارلكم شي هم ناخذ حقنه من اهلك لان احنه دازين اعز شي عدنه هنا وانته صرت المسؤول
محمد// هذا شديحجي علي كل عقله ردت احجي اشرلي انو اسكت
نمر// طلبه فاجئني وبنفس الوكت معجبني نبرته مال تهديد ... وليش اني بالذات تطلب مني هيج اكو هواي غيري مسؤولين هنا
علي// لان قبل جان عند ابوي صاحب من نفس العشيره ويكول ابوي هو واهله جانو ما يكولون كلمه اذا ما ينفذوهة لو على كص ركبتهم واني كتلك واريد اشوف صدك كلام ابوي لو الزمن تغير
نمر// كلامه احرجني ما اكدر ارده لان تصيرمحلوه بحقي .... ماشي موافق انطيك كلمه ما يصيرلها شي لا تخاف
محمد // اوف يا علي شسويت هسه تتخبل ام فارس جيب اليقنعهة
علي//من كالي هيج ارتاحيت هو مبين خوش زلمه كلش ارتاحيتله حسيته كد المسؤليه
نمر// بس لازم تبدي من باجر داوم لان الشغل ديزيد
علي//مثل متريد
محمد//طلعنه واني بس احجي ع علي كال اني اقنعهة بس لازم نتفاهم ويه ابويه حته هم يحجي وياها
