💜💜💜💜💜💜💜💜💜💜💜💜💜💜💜
اعلِموا حبيبي عن حالي لطفاً .....
اصبحت اخرس لن ينطق لساني.....
لا استطيع ان افعل شي .....
اقتلوني لطفاً.....
احترقت من شدة عشقه...
اطفئوني رجاءً...
•••••••••••••••••••••••••••••••••••••••••••
💟💟💟💟💟💟💟💟💟💟💟💟💟💟💟
احس احد ذب عليه نار واني اقرا الي مكتوب لو هسه اشوفه كدامي لهذا العار الطايح الحظ ميبرد كلبي اله ادفنه الحيوان شلون كاتب كلام بالعظم ولا يمكن الاي بنية يتوجهلهة هيج كلام ومتنهار بس اريد اعرف ليش هيج يتهمهى شنو شاف عليهة وحجة هذا الكلام القذر
طلعت برا اشم هوى لان احس نفسي فقدت اعصابي ممكن ارتكب جريمة بأي احد هسه وره شويه دخلت
توجهت لغرفة الطبيب اسأله عن حالهة
الدكتور// ابني صار ضروري اختك تدخل مصح وتتلقى علاج نفسي ومنا لباجر راح نخليها ع المهدئات لان بس تصحى ممكن تأذي روحهة والمقابيلهة هسه هيه بمرحله عدوانيه يشوفهة دكتورهة هناك احسن
محمد// دكتور اختي مصح متدخل هي مو مخبله علمود اخليهة ويه المخابيل بعدين هي حالة صدمة وعصبيه والصبح ان شاء الله مابيهة شي
الدكتور// ابني ليش مدتتقبل اختك صار عدهة انهيار ثاني وسببلهة ضعف بالاعصاب العقلية والجسدية ماطول بعدهة ببدايتهة حتى نلحك نعالجهة اذا تأخرنه ممكن تتفاقم حالتهة
محمد// طلعت من عنده واني احس الدنيا سودت بوجهي مستحيل ابويه يقبل يدخلهة مصح اكيد راح يجيبلهة احسن الدكاتره للبيت
صار الصبح واني عيني مشافت النوم اجة ابويه من الصبح وعلي وامي
حجيتلهم ع الصار البارحه وكلام الدكتور امي هبط ضغطهة وابويه كام يحلف ويتكفر بنته متطب مصح مثل متوقعت
اجة الصبح الدكتور المشرف ع حالتهة طب فحصهة وسوا هواي تحاليل ومفراس وطبقي محوري
رحنه الغرفتة حته يشرحلنه شنو النتيجة
الدكتور// مجنت متوقع الصدمة تكون بهل قوة بحيث تسببلهة انهيار ثاني ولتقنعوني علمود نفصلت هيج صار بيهة المهم هذا امر يخص الدكتور الراح احولهة علي هو يتفاهم وياكم بس لازم تعرفون ليلك ايدهة اليسرى صار بيها رعاش وكل ما تجيهة بعد الحالة يزيد عليهة ومن تهدئ تخف بس تضل الرجفة
علي// زين دكتور يعني هذا الرعاش يضل طول عمرهة لو حته تحسنت حالتهة النفسية
الدكتور// لا اذا تحسنت واستمرت ع الدواء والجلسات الي راح ينضمهن دكتورهة تبدي تروح بس مو بسرعة يعني احتمال تضل سنتين او خمس سنوات لان الاعصاب اذا تضررت بصعوبة ترجع تتشافى
محمد// طلعنه من عنده واحنه بحالة يرثى لها منعرف شنحجي وشنكول
ابوليلك// باعو من باجر واحد منكم يروح يحجز عند الدكتور اسعد لان هو يعرف حالتهة وتجيبون احسن الممرضات الها واحسن الاجهزة الطبيه وتنصبوهن بغرفتهة بنتي متطب مصح لو اعرف ابيع روحي
