••••••••••••••••••••••••••••••••••••••••••
💟💟💟💟💟💟💟💟💟💟💟💟💟💟💟
العقل مشوش گ تلفاز قديم 📺
💜💜💜💜💜💜💜💜💜💜💜💜💜💜💜
ليلك//بعد يومين اجوي امه وخالاته ونسوان عمامهم حته يشوفوني همه صح شايفيني قبل بس ابد ممختلطه وياهم
كلت المحمد وهو كال الامي شويه عارض لان يعرفني ماحبه بس قنعته صح اني ضايجه من امي بس ماكدر اكطع علاقتي بيها حاولت ماحجي وياها فتره بس مكدرت
لبست بنطرون اسود وقميص طويل احمر عريض وبالوسط حزام ذهبي عريض فتحت شعري الاسود مسويتله شي هو طبيعته حلوه وخليت مكياج خفيف وشمرت شال ذهبي ع كتفي خاف يطب احد
نزلت جوه للمطبخ وهمه كاعدين بالاستقبال شافوني البنات
ناز// والله عمي يا حظه وائل السافل
جود// اي والله ميستاهل هالجمال
ليلك// كافي تره خجلت
جود// يله عوفي الخجل وتعالي ودي العصير
ليلك// اكلكم بنات اريد اكللهم شي بس متردده
ناز//شنو
ليلك// اريد اكللهم ع ايدي والفتره الي مرت عليه بس طبعاً ماكول السبب الحقيقي حته ابري ذمتي وميعيروني بعدين
جود// اي احسن زين تسوين
ناز// يارب يتراجعون عن الزواج
ليلك// هههه عادي عادي
جود// يله حبيتي روحي
ليلك// اخذت الصينية ورحت اول مفتت الانظار توجهت الي توترت ايدي حسيتها راح تفقد السيطره وتوكع الصينية كبل خليتها ع الطاوله ووزعتلهم ماريد افشل روحي من اول مره
رحت كعدت بصف بيبي وجتي ناز وجود يمي بدو يسولفون ويحجون وكلساع وحده سائلتني سؤال عبالك تحقيق
همه يحجون واني بغير عالم حزن بداخلي جبير عمري متخيلت اتزوج هيج زواجه اهلي مو يايه عبالك لقيطه والشخص الراح اتزوجه اكرهة
طول الكعده وامه تكصني من فوك ليجوه ضايقتني نظراتها مثل ابنها بالضبط
قطعت كلامهم
....ممكن بس احجي شي
الكل// تفضلي
