💟💟💟💟💟💟💟💟💟💟💟💟💟💟💟
خيطت الشفايف خاف چلمه اطيح
شكثر شايل حچي لملگاك حضرته
🥀🥀🥀🥀🥀🥀🥀🥀🥀🥀🥀🥀🥀
مو كلمن يفارك گالو يموت
انت بصفي كاعد وانه ميت
💟💟💟💟💟💟💟💟💟💟💟💟💟💟💟
ليلك// خابرتنه ناز كالت همه بالطريق راح يجون بسرعه طلعنه وكفنه بالباب اني وفهد والحجيه جوه نامت خطيه من التعب
... اكلك صدك شسمو
فهد// والله مادري همه كلساع براي
ليلك// رحمة على روح امك هو انت شتدري
فهد// اعصابج ليلي
ليلك// حقك هذا تاثير عدم النوم كمت تخرط
فهد// يمه شبيج كبيتي هاي فوك مادلعج يابه يطبج وجع
ليلك// صخونه اي والله
....شويه واجوي نزل اسد وبيده الطفل وناز نزلت جود سوده عليه تعبانه صاير وجهة اصفر وام جود وياهة
اسد// هاج ليلك اخذي طببي جوه لبيبي بين ما اروح اساعدهم نطبب جود
ليلك// ضليت واكفه متصنمه كبل خلاه بحضني حته منطاني مجال احجي صح هو مو اول طفل اشيله بس خفت لا اوكعه لان ايدي ترجف
ضليت اباوع ع الطفل واباوع بوجه فهد مصدومه وكلبي يدك سريع
فهد// شبيج نخطف وجهج اول مره تشوفين جاهل
ليلك// ااااا لا ... صحيت من صدمتي وخرت البطانيه اشوفه يمةةة فدوا ماشاء الله ثلج مثل امه وجهة مورم مدري هو سمين
.... فهد شوفه شلون حلو
فهد// اي ولج طالع عليه فدوه
ليلك// باوعت علي بطرف عيني ونداريت فوتته جوه وهمه بره نطيته لبيبي وضلت تصلي ع النبي خطية كامت تبجي فرحانه
ناز// طببنه جود كوه تمشي اول ما فتنه بيبي كامت تباركلها ... خليناها ع الجربايه الي بالصاله عمه غطتهة كلنه كعدنه يمهة
فهد// مبروك خويه يتربه بعزك ... راح حضن اسد
ليلك// مبروك الله يحفظه
اسد// الله يبارك بيكم تسلمون
ليلك// رحت ع جود كعدت بصفهة حضنتهة .... مبروك حبيبتي
