💜💜💜💜💜💜💜💜💜💜💜💜💜💜💜
تولعت بهواك انه.............ولع شاب😻
احس بنار دلالي..............ولع شاب🔥
دوة الدكتور ماينفع...........ولعشاب🌱💉
اطيباً من يمر شخصك عليه❤️🍃
💟💟💟💟💟💟💟💟💟💟💟💟💟💟💟
ليلك// مر اليوم طبيعي ونفس الروتين بس الفرق ماعندي دوام كلش ضوجه اني متعوده ع الحركة والهوسه هنا هدوء ماما بالمطبخ وبيبي بالغرفه وبابا بالمضيف ومحمد اصلا مدنشوفه بس ع الاكل واني مكضيتهة افتر وحدي بالبيت مثل الخبله ساعه اباوع تلفزيون وساعه اخابر فاطمه وع هل حال بس بالي كلش مشغول ع نمر شلون صار بس اريد اسمع اخباره اني شراح يصبرني شهر صعدت الغرفتي انام اجتي ماما
... تعالي تفضلي حبيبتي
ماما// لا عيوني بس دا اكلج ابوج يكول حضري روحج من الصبح حته يوصلنه البيت عمج بطريقه لان ميكدر يتاخر على شغله
ليلك// شوفي اني اذا اروح مو محبه بأحد بس حته اوكف ويه هاي المسكينه واصبرهة ف يعني لتحصروني هيج اني شوكت الحك احضر نفسي وملابسي وشعري ومكياجي وانتو ما شاء الله سويتوهن طبك حنه وزفه
ماما// يعني شلون نبطل علمودج افتهمي لازوم نروح ويه ابوج محد يودينه
ليلك// وبابا شوكت يروح ومحمد وين ميودينه هو
ماما// محمد من هسه راح يمهم حته يحضرون الطبخ والتحضيرات الباقيه وابوج يطلع ب ٨
ليلك// شنووووو والله ولا اروح يعني جايتني ساعه ب١٢ كلشي ممحضره تكوليلي ساعه ب ٨ نروح متكوليلي شنسوي هناك
ماما// لتشلعين كلبي ترا ذبحتيني على كلشي معانده الحياة متمشي على كيفج
ليلك// كتلج ب ٨ ما اروح عود اني من اكعد واتريك واطب اسبح واحضر ملابسي ومكياجي يلا اجي بسيارتي واصلا صار فتره مطالعه بيهة
ماما// خوش عليج بنت الشيخ طب بسيارتهة وحدهة لبيت عمهة المتروس زلم وشيوخ
ليلك// العندي كلته اليعجبه يضل يجي ويايه اهلا وسهلا والي ميريد بكيفه وتصبحين على خير .. غطيت راسي باللحاف شويه وسمعت ركعت الباب امي طلعت كمت طفيت الضوه ورجعت نمت
....كعدت ساعه ب ٩ نزلت البيت هددوء ماكو احد راحو وعافوني بسيطه عبالهم من يعوفوني راح يخرب واهسي وابطل تريكت وصعدت سبحت سويت جسمي بالشمع طلعت حطيت مكياج صارخ مال حفلات وسويت شعري كيرلي هو اسود وطويل كلش تعبني بس النتيجة حلوه رشيت مثبت مكياج لان راح ابقه بي لليل هسه بعدهة ١١ لبست بنطرون اسود وبدي نص ردن اسود وفوكاهن بشت احمر هذني مؤقت بين ما اطب للبيت وحذاء رياضي ذهبي طلعت من الكنتور الفستان حطيته بالعلاكه مالته والحذاء الكعب لبست الشال وشلت الغراض نزلت ميحتاج اقفل باب البيت موجودين الحراس اجاني السايق من شافني طلعت
الحارس// ها بنيتي اوصلج
ليلك// لا عمو اني اروح بسيارتي
الحارس// ع راحتج بنتي
ليلك// تسلم... لكيتهم محضريهة حطيت الغراض وحركت السياره وصلت بعد نص ساعه واكيد المضايقات بالطريق متخلص ما ادري شوكت يرتقون الهوسه باديه من راس الشارع اهووو هسه اني شراح يطببني مشيت وكفت بعد مسافه عن بيت عمي طبكت السياره قفلتهة ونزلت شلت الغراض ومشيت الدنيا احسهم عافو كلشي وضلو يباوعون وجع عبالك طابتلهم مصلخه نزلت راسي وفتت باب بيت عمو مفتوحه اكو مسافه بين الباب الرئيسي وباب المطبخ بيهة حديقة مترووسه زلم معگله وعلى طريق المطبخ جدوره وكلهة ولد واكفه اول مطبيت كلهة فكت حلكهة اني باوعت بالكاع ومشيت محسيت غير واحد وكف كبالي رفعت راسي
محمد// متبطلين من سوالفج وراسج اليابس
ليلك// خرعتني لا ما بطل هاك الغراض نكسرت ايدي
محمد// وسم هسه مو وكت غراض فوتي كبل لا علي يطيح حضي وحظج شوفي شلون ديشوط
ليلك// وطبه مرض لتخليني هسه اطب اكعد ويه الزلم وانزل استكان چاي
محمد// تسويهة يالخبله يلا طبي
ليلك// ماشي هاك المفتاح اركن السياره عدل
احمد// شلونج بنت العم
ليلك// باوعت بنظرة استحقار بطرف عيني.. بخير ورجعت احجي ويه محمد كأن مو موجود ... وديربالك ليشخطوهة الجهال
محمد//من عيوني بس طبي
ليلك// عبرته وطبيت اول مفتت تلكوني عماتي ونسوان عمامي وكرايبهم يصلون ع النبي ويبوسون عبالك طابتلهم نانسي عجرم علة كيفچن خيه وطبعاً نص حجيهن ما افتهمه صح اني انباريه بس معشت هنا وما اعرف لهجتهم حته بيبي متعرف هواي لان هي اصلهة بغداديه
ام ليلك// طبيت بينهن جريتهة لان راح يجعصنهة وكرصتهة وحجيت بصوت ناصي... هااي شجابج
ليلك//اني مو كتلج اجي ع كيفي وسويت الي كلته
ام ليلك// تدرين ابوج راح يطيح حضج ع هاي طبتج بهل شكل وفوكاها وحدج جايه
ليلك// ميكدر يسوي شي لان ممسويه غلط
ام ليلك// يارب صبرني راح تجلطني هالبنيه
ليلك// اكول وين العروس
عمة سها// فوك عيوني دتمكيجهة ام الصالون
ليلك// ها لعد اني صاعدتلهة
صعدت فوك ضليت اسلم ع البنات فتحت باب الغرفه ماكو نوره بس الكوافيره
... السلام عليكم
الكوافيره// وعليكم السلام تفضلي
ليلك// لعد وين العروس
الكوافيره// دخلت للحمام تلبس البدله
ليلك// ها .. رحت دكيت الباب مال حمام
... نوره حبيبتي
نوره// ام فارس شوكت اجيتي
ليلك// هسه اجيت تريدين اساعدج بشي
نوره// تعالي بس اريد احجي وياج
ليلك// وين يكفينه الحمام تعالي طلعي .. اشرت للكوافيره ... من رخصتج حبيبتي
طلعت نوره وصدمني شكلهة الظاهر جانت تبجي كبل حضنتني وكامت تشهك
نوره// ام فارس ما اريده ما اريده والله يضربني وما اكدر اتقبله احسه بكد بابا
ليلك// اششش اششش حبيبتي لتبجين شبيدي عليج
نوره// رفعت راسي باوعتلهة تكدرين تساعديني؟
ليلك// بشنو
نوره// حته ما اتزوجه
ليلك// يعني شسوي مثلا وهو مضل كم ساعه ع العرس
نوره// ساعديني انهزم
ليلك// كل عقلج دتحجين انتي
نوره// والله انتي بس طلعيني منا ومعليج بالباقي
ليلك// فالنفرض همزتج وين تروحين وانتي تدرين عمامج وولدهم واخوانج يحفرون سابع ارض ويطلعوج ويذبحوج بدون ميرفلهم جفن
نوره// لا ميكدرون
ليلك// شلون بله
نوره// جدي ابو امي ميدري بزواجي ولو يدري مستحيل يوافق ابويه حيل يحترمه ويخاف من عنده لان مصلحته عنده بالشغل ابويه من يوم النخطبت مانع عليه التلفون حته لا اكول الجدو وحته على ماما وهدد الكل محد يحجي
ليلك// وزين جدج شراح يسوي اذا دره
نوره// يكلب الدنيا علي واول شي يسوي ميخليني بعد ارجع البيت اهلي واعيش يمه واذا حاولت اقنعه يخليني اكمل دراستي
ليلك// لعد ليش مكلتي الخواتج يساعدوج قبل هالفتره
نوره// لان ادري كلهة ساكته ع الظلم وقابله بالي ديصير عداج انتي وما اكدر اتواصل وياج لان تلفون ماعندي
ليلك// ما ادري والله اوكفي خلي افكر
نوره// الله يخليج ساعديني
ليلك// فكرت بالسالفه زين .... موافقه
نوره// ما اعرف شلون اشكرج صدكيني
ليلك// اسمعي زين هسه تخابرين احد من بيت جدج يجي ياخذج من راس الشارع وساعه بال٣ مكيجي ولبسي بدلتج عدل وتحضري خلي كلشي طبيعي بين ما اني اشوف طريق نطلع من عنده
نوره// ميحتاج اكو ترك وره البيت كبل يطلع ع الشارع الخلفي
ليلك// ماشي
نوره// اي
ليلك// هاج التلفون انتي حافظه رقمهم
نوره// اي حافظه رقم بنت خالي
ليلك// اخذته دكت عليهة واتفقت ويه السايق مال بيت جدهة ... ها هسه تمام
نوره// تمام
ليلك// يلا راح انزل اني وانتي ضلي معبسه مثل قبل شويه حته لتجيبين شبهة
نوره// على امرج
ليلك// ووجع دا اكلج عبسي مو تتمضحكين
نوره// ههههه
ليلك// يلا اني رايحه ... نزلت جوه ضليت اتمشى بالبيت حته اشوف منين الطريق زين هاي اذا طلعنه من الترك منين نطلع ع الشارع اذا حته باب ماكو يلا اذا اضطرينه نصعد ع الحايط هههه
جنت صافنه حجت مرت عمي الثانيه بين الهوسه اييع شكد مكروهة هم هي وهم ابنهة احمد اني من يوم يومي اكرهة لان عينه زايغه وبس يذب حجي
ام احمد// اييي ام فارس ان شاء الله شوكت نفرح بيج
ام ليلك// شهل حجي ام احمد بعدهة البنيه صغيره
ام احمد// هاي بعينج صغيره بس هي كبرت وصار وكت تتزوج لو حاطتلج واحد جوه ايدج .. تحجي وتغمز
ليلك// راح اكوم اسحلهة من راسهة نوب تحجي وذني كلهن سكتن حته يسمعن .... والله يا عمه لا حاطه جوه ايدي شي ولا هم يحزنون بس لحد هسه ماكو ابن الحلال الي يعجبني واحسه يناسبني
ام احمد// لا لا اكو هواي بس انتي عينج معميه مدتشوفيهم
ليلك// ادري قصدهة ع السكط ابنهة.... اي صح اكو هواي بس اني اريد اتزوج رجال حوك مو بس بالاسم رجال وهو سوالفه طايح حضهة
بيداء(اخت احمد)// شتقصدين انتي
ليلك// شنو حبيبتي مسمعتج
بيداء// دا اكول شتقصدين شبيج طرشه
ليلك// لا والله حبيبتي بس اني ما افتهم ع لغة الحيوانات زين وبعدين الي بعبه صخل يمعمع 😉
بيبي// ها ها ها يا خيه شسالفتچن استحن شويه لا تضحكن الوادم علينه
ليلك// اخذت تلفوني وكمت اشرتلهة... سمعي كلام بيبيتج بعدج زعطوطه ع العرك ويايه .. عفتهن يحجن ادري بيهن كلهن يموتن من عندي ومو جديده اصلا كل مره تنتهي زيارتي كاتله وحده من بنات عمي ولما اوصل للبيت اشبع رزايل ولهذا السبب كام محد ياخذني يمهم رحت كعدت بالمطبخ صح هوسه وناس طابه وطالعه بس اهون من كعدتهن اخذت كرسي وكعدت بصف الباب الي يطلع ع الطرمه اليطبخون بيهة ضليت اكلب بالتلفون
احمد// السلام عليكم شلونكم بنات
...// وعليكم السلام الحمدلله
ليلك// مرديتله سويت نفسي مسمعت
احمد// شلونج ليلك اخبارج
ليلك// كلش اترفز من احد يصيحلي بأسمي وهو يتعمد يسوي هيج لواكه بس نمر من حقه يصيحلي بأسمي
.... عفواً دتحجي ويايه
احمد// ليش اكو احد غيرج اسمه ليلك
ليلك// اصححلك معلومه اسمي ام فارس وما اسمح الاحد يكول غيره
احمد// اسفين عيني نعتذر شخبارج بعدج تشتغلين لو بطلتي
ليلك// وليش ابطل
احمد// لا هيج دا أسال بس انتي الظاهر ضايجه
ليلك// اي والله وكلش هم
احمد// ماشي يلا اني اترخص
ليلك// .....
عمه سها//يمه هاي ليش هيج تحجين ويه ابن عمج
ليلك// شنو عمه شلون احجي ويا يعني قابل اخذه بالاحضان
عمه سها// بربج هو هذا اسلوب بعدلج شويه وتنطي راشدي الولد حس ع روحه وطلع
ليلك// وداعتج ماعنده كرامه كم دقيقه ويرجع هنا
عمه سها// ماما انتي ليش تكرهي مسويلج شي ترا اني ما ارضه ولد اخواني بيناتهم مشاحنات
ليلك// عمه خلينه واقعيين متشوفين نظراته شلونهة مال واحد منحط وياريت بس ويايه لا ويه كل البنات هيج
عمه سها// لا وين اكواني منتبهة بس انتي يباوعلج هيج يمكن يحبج
ليلك// طبه طوب يحبني ميحبني ع روحه اصلا اخر همي
عمه سها// يمه هو شناقصه جمال وشهاده وشغل وثقافه وكلشي ليش متتقبلي
ليلك// نسيتي اهم شغله وللاسف ماعنده وهي الاخلاق
عمه سها// ولج عيب يمه لتحجين هيج
ليلك// اوي عمه عوفينه من عنده خلي يولي
عمه سها// الحجي ضايع وياج اكوم اكمل شغلي احسن
ليلك// كلش ضوجتني صح هو بي كل الصفات الي كل بنيه تتمناها بس اني كبرت ع كرهة ما اكدر اتقبله وخاصه ان كمت احب نمر صح اني ما اعرف اذا يبادلني نفس الشعور او لا بس شي بداخلي يمنعني اباوع الغيره واسمح الغيره يباوع عليه بنظرات الحب واكثر شي مخوفني تعلقي بي ما ادري شنو مصيري ...
شفت الكل التهة يجهز نفسه هذا احسن وكت صعدت لكيت نوره وحدهة
... ها يلا كومي بسرعه نزعي البدله
نوره// اي اي تعالي ساعديني
ليلك// بسرعه نزعت البدله وفكت التسريحه ولبست العبا
... ها جاهزة
نوره// اي جاهزه يلا
ليلك// تعالي امشي ورايا بهدوء... نزلنه نتلفت خاف احد يشوفنه ماكو الطريق فارغ نزلنه بسرعه وفتحت الباب على كيف من طلعنه قفلتهة ورايا حته محد يحس
... ها وهسه شلون تعبرين
نوره// اوكفي خلي اصفط ذني الكراسي واعبر
ليلك// يلا بسرعه لحد ينتبه
نوره// صعدت ع الحايط بصعوبه وطفرت
ليلك// بصوت ناصي ..هااا خوما تكسرتي
نوره// لا لا بس ايدي نجرحت
ليلك// صعدت ع الكرسي اباوع عليهة كوه ... باوعي لج حطيتلج فلوس بلجنطه كبل بوجهج للشارع تاخذين تكسي وتروحين للسايق مال بيت جدج واول متركبين دزيلي رساله طمنيني
نوره// ما اعرف شلون اشكرج اليوم انتي ملاك الرحمه بالنسبه الي
ليلك// ولج روحي بسرعه بعدين عود شكريني
... راحت تركض للشارع من صارت بعيده وطمنت محد شافهة نزلت فتحت الباب وطبيت قفلتهة ورايه مشيت خطوتين جان امي تصير بوجهي
ام ليلك// هاي شدسوين
ليلك// اء..ءء. باوعت بصفي نتبهت موجود حمام ياربي هذا منين طلع حمدلله والشكر... باوعت ببراءه واشرت ... جنت بالحمام
ام ليلك// وشتسوين
ليلك// شنو السالفه يمه يعني شسوي بالحمام برايج
ام ليلك// لعد شبي وجهج مخطوف عبالك مسويه مصيبه
ليلك// هااا لاا مو اجتني الشهرية ومجنت محسبه حسابهة ف ارتبكت
ام ليلك// هاااا لعد دمشي روحي بدلي مضل وكت
ليلك// اي راح اروح... يبووو شهل مواقف البايخه امداج ليلك ملكيتي عذر اقذر وافشل من هذا ... رحت ركض لغرفه البنات جانو ديبدلون بسرعه بدلت حته لحد يلاحظ اني متاخره بسرعه عدلت شعري ولبست الفستان لونه ذهبي طويل مفصل ع الجسم ومن وره بي چاكه طويله عشقي الچاكات هههه من فوك ردان طويل ومستور بس الظهر كله مكشوف كملت نزلت جوه كعدت كامو الناس يجون وصارت هوسه اني اباوع عماتي والبنات مخبوصين فوك ووجوههم صفره اكيد عرفو نوره ماكو هههه حلو من تاخذ دور البريء وانت اساس المصيبه امي كامت من يمي واني ضليت كاعده احسن نفسي كامت تلعب من الملل كاعده بنص ذني العجايز اسمع سوالفهن التضحك ويباوعن عليه عبالك كاعده بينهن رقاصه من الملهى وحده دغ بالخ ويتبسبسن شويه واجتني ام نوره
ام نوره// بهمس يمه ام فارس ما شفتي نوره ندور عليهة ماكو ولج يمه كلبي راح يوكف تخزينه والله
ليلك// سويت روحي مصدومه ... يااا عزا عمه وين تروح قابل على بختج
ام نوره// يعني ما شفتيهة
ليلك// لا ما شفتهة
.... راحت عمه واني رحت للمطبخ حته اشرب مي لكيت امي ومحمد والبنات واكفين هههه اكيد كالو الامحمد لان الوحيد العاقل بالولد اول مطبيت محمد باوع عليه وابتسم وسوه حركه بمعنى بسيطه اني الج عززا اكيد طخت عنده خزرته ورحت وللترمز اشرب مي امي واكفه بظهري ومحمد مقابيلهة دا اشرب جان يحجي
محمد// هاي تلاكين اكو چلبه هنا بالبيت ساعدتهة حته تطلع
ليلك// غصيت بالمي كمت اكح
ام ليلك// كامت تطبطب ع ظهرهة .. يمه اسم الله شبيج بنيتي عين الما صلت ع النبي
ليلك// احس روحي دا اختنك واني اكح اجه محمد وخر امي وكام يدك ع ظهري مضروب الچلوه كسر ظهري
محمد// اسم الله خيتي اسم الله .... بهمس بسيطه اني اعلمج
ليلك// اححم اححححم عدلت نفسي ووخرت ايده ... بهمس ع شنو
محمد// لتغشمين نفسج ادري انتي هزمتيهه
ليلك// الله عليك لتحجي مو هيج السالفه بعدين افهمك
محمد// والله اذا محجيتلي اروح اكول الابويه
ليلك// اي والله احجي بس بعدين
رحت كعدت بمكاني كلهة ساعه ونكلب البيت كلب عمي تخربط وعمامي صارو بارود همزين ابويه مو هنا جان كلب البيت ع روسنه وطلع منو الساعدتهة
العريس اجه هد عليهم وصارت ملخ بهل اثناء دزتلي رساله نوره ان هي وصلت بيت جدهة وراها بنص ساعه جدهة خابر ع عمي والدنيا احتركت خطيه الولد الدزوهم يدورون عليهة يذبحوهة رجعو مثل الچلاب ههههههه ابد ممتندمه ع السويته هاي نتيجة سوء افعالهم لازم يتحملوهة مرت عمي اباوع عليهة من درت نوره ببيت جدهة طارت من الفرح وخواتهة هم المعازيم كلهة راحت احنه طلعنه من يمهم لان مضل احد سلمت ع الكل اخذت بيبي وماما ويايه لان ميصير اطلع باليل وحدي اجه ورانه بالسياره محمد حرامات مشفت علي جان تشمتت بي وصلنه للبيت كبل صعدت الغرفتي طبعاً بيبي كضت الطريق بجي ع عمو وحالته واني اكول بداخلي يستاهل الاكثر لان ضالم وامي تصبر بيهة طبيت للغرفه نزعت ملابسي ومسحت المكياج طبيت سبحت وطلعت حرامات مركصت اليوم ههههه راحت الكشخه ع الخالي بلاش طلعت من الحمام بدلت وطفيت الضوه حته انام شويه ونفتحت الباب كل قوتهة كمت مفزوعه
... شكويا ستار شبيك
محمد// تعالي هسه تسولفيلي ع المصيبه السويتيهة
ليلك// اهوووو ولا تكعد راحه ست حشوره
تعال اكعد
محمد// احجي كلشي من البدايه
ليلك//كعدت سولفتله كلشي ... ها بعدك تكول ع السويته مصيبه
محمد// والله يا اختي هو السويتي صح بس بي اغلاط
ليلك// محمد لتكلي اغلاط بنيه تريد تنقذ نفسهة من هالزواج شلون متريدني اساعدهة طبهم مرض همه محد فكر بيهة وبحياتهة شكو هي تفكر بيهم وبسمعتهم
محمد// مو شوفي هسه مو بس سمعتهم راح تتاثر حته سمعت ابويه وسمعتنه لان مهما يكون هيه بنت عمنه
ليلك// كلامك صحيح بس اني اشوف السويته صح ويستاهل التضحيه مهما يكون ع كولتك هيه بنت عمنه ويمجوز نتخلى عنهة
محمد// ما ادري والله بس هسه انتي متاكده محد يدري بيج انتي ساعدتيهة ولا احد يشك بيج
ليلك// لا طمن محد يدري ولو حته درو همه والي برجلي ميكدرون يسون شي
محمد// وابوج وعلي هم ميكدرون
ليلك// ماطول انته بصفي محد يكدر يسويلي شي وبعدين شحده هذا علي غير اني البارحه سكتتله الخاطر ابويه
محمد// هههه يمه منج ام اللسان
ليلك// تعال لك شلون تكول عليه اليوم چلبه
محمد// ههه هاي حته اتاكد انتي وره السالفه لو لا ادري بيج متسكتين وانتي ما قصرتي كبل غصيتي ههه
ليلك// حقير
محمد// خايسه
ليلك// اهوووو محمد مابيه حيل عركه والله تعبانه اريد انام
محمد// خاف من الركص ههههه
ليلك// وين يحسره اشو كلشي محصلنه يا خساره الكشخه
محمد// اي والله اني نقهرت ع الملابس وجنت ناوي اطلع قهر كلبي بالركص بس يا فرحه ما تمت
ليلك// امشي كوم اطلع بره اريد انام ووعد مني باجر اسويلك ملهى بالهول ونكلبهة دك وركص اني وياك بس خليني انام
محمد// ووجع راح اكوم اولي
ليلك// تسوي فضل
محمد// يلا تصبحين ع عياط ابوچ
ليلك// وانت من ضمن المترزلين حب
محمد// ههههه
ليلك// كعدت الصبح نزلت البيت هدووء اكيد هذا السيبق العاصفه رحت اشوف امي بغرفتهة عشر خطوات وره وخطوه كدام اخاف ابويه بعده مراح للشركه دكيت الباب واني اقرا ايات
.... ماما
ام ليلك// تعالي
ليلك// فتحت الباب همزين ابويه ماكو جريت نفس
... صباح الخير
ام ليلك// صباح النور خير شعندج شنو حلمانه بيه
ليلك// يعني ميصير اصبح على امي اله حلمانه بيهة
ام ليلك// ولج تعلميني بيج ادري جيتي تعرفين ابوج شسوه من عرف
ليلك// هسه ماطول تدرين ليش متكوليلي من البدايه بدون مقدمات
ام ليلك// اووف منج يعني شسوه طب للبيت ساعه ١٢ يهد ويصد ضل يعيط ويلوم بنفسه ممنع اخو ولا هل فشله الي صارت يكول سمعتنه صارت بالطين اهل العريس هادين مره لخ ع بيت عمج ونوره جدهة مانعهة ترجع يمهم بعد ومنع اي احد يجي يشوفهة
ليلك// تحجي واني اضحك بتشفي ... لتزعلين بس حيل ويستاهلون حته مره ثانيه لحد يضرب حجيي بعرض الحايط ويعرفون الله حق
ام ليلك// انجبي عيب عليج تتشمتين بابوج وبعمج
ليلك// نداريت اطلع هزيت جتفي .... اليجي من ايده الله يزيده
ام ليلك// شكد كلبه انتي ويرادلج تربيه
ليلك// عفت التربيه الابنج الچبيربعد عيني هههه
بيبي// طلعت من الغرفه وتمشي ع العوجيه .... هاي شكووو شبي علاوي ليش تحجين علي
ليلك// لا يمعوده شحجي دا اكوللهة والنعم من عنده وثلث انعام فوك ما امدح بي
بيبي// يمااااي يماااي من السانج ام البلاوي
ليلك// مابيه حيل اخذ وانطي وياج حجيه اروح اكل احسن تريدين اسويلج ويايه
بيبي// اي
ليلك// مر الاسبوع عادي ورجعت للدوام بس حيل كلبي ديوجعني ع فراك مفترس كلبي هههه يوميه اروح الغرفته بحجة شغل اباوع ع مكانه وارجع امداج ليلك معشتي الحب اله من راح نوب لاعندي رقمه لا عندي حسابه ع الانستا حته صوره ماعندي يوم عن يوم يزيد حبي وشوگي اله مر الشهر بس احس سنه كل وقتي وتفكيري هو مرات احس راح اتخبل من التفكير والذابحني اخاف يطلع مرتبط واني عايشه احلام ورديه صدك لو كالو الحب يسلب الواحد عقله اني الواقعيه وجديه بالعلاقات هيج يصير بحالي اني ام الكبرياء وعزة النفس هاي وين راحت كلهة هسه المفروض باجر يجي لازم انام من وكت حته اكعد الصبح احضر نفسي
