💟💟💟💟💟💟💟💟💟💟💟💟💟💟💟
غزال الكون ما يشبه ......... غزالي🦌
ومثل غزوة حرب حبگ......غزالي😍
مثل ما كالها ناظم ...........غزالي🤵🏻
گلي يحلو شجابك عليه💜🥰
💟💟💟💟💟💟💟💟💟💟💟💟💟💟💟
نمر// بديت اصحى فتحت عيوني بثقل اباوع اني متمدد واكو الم بكتفي لحظات وتذكرت شصار واخر شي اتذكره من ليلك خلتني ع السديه وبعدهة ما اعرف شصار ليلك اي ليلك وينهة كمت بسرعه من كعدت والالم موتني شفتهة كدامي نايمه ارتاح كلبي كدرت شويه اخذ نفس انتبهت جرحي نزف عادي مو اول مره انصاب جانت يم راسي الصينيه مال الاسعافات حاولت اجرهة حته اغير الضماد وكعت وصار صوتهة قوي
ليلك// من التعب نمت واني محاسه ع روحي ما ادري شكد مر وكت كعدت ع صوت قوي كل الي بالي طبو علينه وذبحو نمر كبل كمت كعدت واني كلبي يدك سريع من الخوف واعيط نمر شويه بده عقلي يجمع اباوع كاعد كبالي يباوع عليه بقلق ضليت صافنه علي مدا استوعب شويه وحجيت
....شوكت كعدت
نمر// ضلت صافنه بوجهي عبالك كدامهة شبح
...مصار دقايق اسف فززتج
ليلك// كمت اتقربت علي شفت الصينيه بالكاع وجرحه دينزف .... جنت تريد تغير ضمادك مو
نمر//اي انتي الي طلعتي الطلقه
ليلك//هممم ..اخذت القطن والشاش غيرت الضماد بدون ما احجي ولا كلمه احس روحي راح انفجر الصار هواي عليه مدا استوعب شي حتى مدا اعرف شدا اسوي وشنو ردة فعلي اريد احضنه اريد اروح اريد ابقه ما اعرف شسوي
نمر// مددت وبدت تغير الضماد اباوع على وجهة ملعوب بيهة طوبه وباجيه لما كايله بس ملامحه جامده متنطي اي تعبير هذا هدوئهة خوفني شبيهة شصارلهة.....اجوي العساكر
ليلك//اي ...جان متمدد واني مدنكه علي اشتغل
نمر// لزمت اديهة ...ليلك باوعي عليه شبيج دتخوفيني احد سوالج شي باوعي بعيوني
ليلك// تجمدت من لزمني باوعت بعيونه ضليت صافنه علي
نمر// حجيت بحده لان خوفتني ممعقوله هذا حالهة لان تصوبت وعالجتني بالنسبه الهة شغله عاديه اصابتي خوما هيج يصير بيهة ويه كل مريض ..احجي وياج كولي شبيج
ليلك//اباوع عله عيونه صارن ازرك مخبوط باحمر من العصبيه والتعب من خشن صوته عليه متحملت انهاريت حسيت وصلت حدهة كعدت ع السرير مقابليه شمرت الغراض الي بايدي وخليت ايدي ع وجهي وكمت ابجي بحركه
نمر// بجيهة خبلني اريد احرك الدنيا كمت افور كمت بسرعه كعدت وخرت ايدهة من وجهة وكمشت وجهة بايدي
ليلك// لزم وجهي واني اختنكت من البجي عاط بيه جفلت
نمر// احجييييييي شبيييييييج
ليلك// وخرت ايده بعصبيه وكمت اعيط ... تسألني شبيج كل هذا الصار وتسألني ليش تبجين هو شنو الميبجي بحالتي برمشة عين حياتي تصير بخطر وما اعرف شنو مصيري وبالحظه الانسان الي يكدر ينقذني ويطلعني من هل وضع الكه دمه بطوله ولازم بايدي هاي بايدي اعالجه وحدي واني اصلا ما اعرف اذا هو عايش لو ميت اشوف وجهة اصفر ومينطي ردت فعل شتريدني اسوي هااا لك اني اوس لا اعرفه ولا يعرفني صدمة موته اسبوعين يلا كدرت اتخطاهة وهسه انته ردت تموت بين اديه وبين كل هاي الحرب الصايره بره وماكو احد يمي يساعدني تريدني ما انهار اصلاً اني مستغربه من نفسي شلون لحد هسه واكفه ومستحمله تدري اني جذبت ع اهلي وكتلهم كلشي ماكو بس حته ما اعوفك واروح ويضل الندم ياكلني وجايني هسه تعيط وتكلي شبيج هاااا
