ليلك// ردت ادك اطمن عليهة كبل طبت عليه مستغربت طبتهة ولا تأخيرهة بكد مستغربت شكلهة عزا البارحه مابيهة شي شصايرلهة
.... سررى هاي شبي وجهج اصفر شصايرلج
سرى// كمت ابجي رحت حضنتهة
ليلك// شبيج حبيبتي كافي سكتي شصايرلج احجيلي شو تعالي كعدي احجيلي اخذتهة كعدتهة ع التخم واني جبت كرسي كعدت كبالهة
...... يلا احجيلي شصايرلج داح احس صار فتره مو ع بعضج
سرى// عفيه ليلك الشي الراح اكوللجيا محد يعرف بي بس اني واذا طلع من بناتنه احتمال اموت
ليلك// شبيج سرى خوفتيني شكو
سرى// كمت فقلت الباب وجيت كعدت حلفي ميطلع هل كلام من بيناتنه
ليلك// نشفت دمي عطت بيهة.... تحجين لو طلعين برا
سرى// لا فدوا راح احجي ما الي غيرج بس اريد اطمن
ليلك// عيب عليج هل كلام لازم تستحين من شوكت اني مطلعه اسرارجن
سرى// هاهيه راح احجي بس لما تسمعين كلشي يلا تحجين
ليلك//اي يلا احجي
سرى// كمت ابجي ... اني يمكن حامل
ليلك// كلبي حسيته كام يوجعني من كمية الصدمة مدا استوعب اللي دتحجي اكيد ناصبه عليه.... سرى بله لواكه احجي شصايرلج هسه عوفي الشقه
سرى// كمت ابجي بهستيريه ... ياريت ياريت ياريت اتشاقه اننننننييييي يممكن حااااامل
ليلك// احس عيوني راح تطلع من الصدمه بطني وجعتني وكلبي احسه ديتكطع واني اشوف اختي وصديقتي دتكول شي لو احجي للخبل ميصدك
..... بصوت ناصي حجيت واني احس روحي راح انفجر بيهة ... سرى سرى سرى كافي اهدي شوكت ومن منو وصار شكد مدا افتهم شي احجيلي
سرى// واني ابجي ... من صار المجمع عسكري واجوي بده ليث يتقربلي وتوددلي واني هم بديت يوم عن يوم انعجب بي وبكلامه العسل وشكله الحلو واخلاقه الاحلى كلش تعلقت بي وصارت بيناتنه علاقة صداقة بعدين هو اعترفلي بحبه وره شهرين واني هم اعترفتله ضلينه بس حجي بالتلفون ونظرات وهداية الى ان فديوم جان عندي خفر وهو هم جنه كاعدين الفجر بالغرفه مالته نسولف سوه شويه شويه طور الحجي وصار لمسات وبعدين كام يتقربلي واني هم تفاعلت ويا بده يبوس بيه واني مثل السكرانه ويا ما حسيت ع نفسي ولا ع اللي دا اسوي غلط شالني ع السدية وراح قفل الباب بده يجردني من ملابسي واني ابد معترضت الى اني اخذني مفكرت بوكتهة لا بالحلال ولا بحرام ولا بسمعه ولا بشي ضلينه الليل كله سوه وهو كالي شهر الجاي يجيب اهله ويتقدملي اني امنت اكثر مجان يهمني اي شي اكثر من عنده حتى اغلى شي عندي نطيتهيا بدون لحظة تفكير وكمنه من ليلتهة كل خفر اني ويا اجي لغرفته ونكضي الليل سوه وكل هالفتره اني الثوله ناسية شغلة الحمل لان جانت الدوره عادي تجيني ف متذكرت الحمل لحد اول بارحه بديت اتعب من اقل شي ونفسي تلعب واكل ما اكدر اكل جنت عبالي عندي التهاب بالاذن الوسطى الى ان البارحه الصبح من كعدت تذكرت الدوره متاخره صارلهة ٢٠ يوم اجيت واخذت شريط مال حمل حللت طلع ايجابي من شفته بديت اعرف ثمن الغلط اللي سويته وحجم الكارثه اللي سويتهة انهاريت وطبعاً كلت الليث وكالي خلي اهلي يجون راس الشهر البارحه بالليل اكثر من مرة حاولت انتحر بس مكدرت مهانت عليه نفسي ولا اهلي من يعرفون متت لان حامل بالحرام ف ملكيت احد يساعدني ويوكف وياي بهاي المصيبة غيرج
