•••••••••••••••••••••••••••••••••••••••••••💜💜💜💜💜💜💜💜💜💜💜💜💜💜💜
سأحملك باعماق قلبي للأبد كأمانة يحرم على تركها🖤
💜💜💜💜💜💜💜💜💜💜💜💜💜💜💜
💟💟💟💟💟💟💟💟💟💟💟💟💟💟💟
ليلك// فتت للبيت ومحمد يصنف عليه ويقلد شلون ابجي واحجي ويه عمو لكيت امي كاعده بالحديقة تنتظرني
ام ليلك// واخيراً شرفت الدايحة ام الشوارع
ليلك// عزا عزا عزا هاي كله اني اليسمعج يكول رايحه كازينو لما رحت لبيت عمي اهد عليهم
ام ليلك// شنو شنو تهدين
محمد// ايي يمه بنتج هدت ع بيت عمي ودگتهم
ليلك// انجب انت صير طباب خير
ام ليلك// هييي ولكم تعالوهسه تكولولي وين جنتو وليش ابوكم مرجع وياكم وشلون مسحلتو هاي العرمه
ليلك// يمة بله هل غلط تعالي اخذيلج راشدي وخلصيني
محمد// اي والله يمه راشدي على جلاق وخلصينه
ام ليلك// راح اكوم الطخ راس براس يربيي اني شجايني من وراهم غير الهم والشلعان كلب
ليلك// رحت اني ومحمد وحجينالهة السالفه كلهة ضلت دك وتلطم
ام ليلك// يايمه بنيتي هذا الجلب شلون يتجرء هيج يسوي لو صاير شي شكول شحجي نوب الفاهيه من جتي نامت ما كلفت روحهة تزل تسولفلي هسه يلا تفطنت
محمد// تعالي صدك انتي ليش هسه يلا تفطنتي
ليلك// حرت شجاوبهم ..... موو جنت تعبانه من البجي ومهدود حيلي ف كبل لفيت راسي ونمت
ام ليلك// حمدلله خلف الله ع ولد الحلال الي خلصوج
ليلك// اي والله ماما
كمت رحت الغرفتي شويه واجه بابا هم اخذله شوط رزاله شلون جيت وحدي وشلون طبيت بين الزلم وساعه يرزلني وساعه يكول عفيه ببنتي يستاهل اني من يمي حرت انقهر لو افرح هههه نمت وكعدت الصبح اخذت هدية النمر من زمان محضرتلهيا عبالي انطيها بعيد الجيش حته تصير رسميه بس ماطول اعترفلي يعني اجه وكتهة
وصلت للشغل كبل وعدل لغرفته دكيت الباب وفتت
.... صباح الورد والليلك
نمر// احلى صباح بالدنيا تعالي
ليلك// مسألتني ليش جايه بوجهي عليك
نمر// ميحتاج اسألج ليش تريدين تصبحين بوجه حبيبج
ليلك// يخرب بيت ثقتك
بس اني جايبتلك فد هديه ويايه
نمر// اه من هسه بدينه هدايه زين من المفروض اني اجيبلج
ليلك// ماكو فرق
يلا هاك متريد تفتحهة
