في محرابُ عينيكِ اضعت وجودي

في محراب عينيكِ أضعت وجودي ١

✏روز علي .
.
شلونكم متابعين . هذا اول بارت وياكم . واتمنالكم قراءة ممتعه   ولتنسون تصويتكم واي ملاحظه عدكم .  كتبوهة  الي .  ..

😍😍لوف يو   

اصعب شي بالحياة من تثق بشخص ثقه عمياء. تثق بي لانه تحبه تثق بي لانه تعتبره كل شي بحياتك .. تتخلى عن الدنيا كلهه الاجلة. والخاطر عيونة  . رغم كل هذا الحب الي تقدمة اله يأذيك بس انت تتغاضة عن اذيتة  تعمي عيونك عن اخطائة  وبالنهاية متحصل منة غير الخيانة  ومن تواجهة . ساعتهة راح يعرف هو خسرك . راح يعرف نفسة خسر شخص مستحيل يلكة  قلب ثاني يحب مثلة .يجي يعتذر ويتوسل بس شنو الفايدة .اذا هو كسرك وحطم قلبك الى اجزاء مثل المراية من توكع  و تتكسر  عجبا راح تكدر ترمم جروح قلبك بأعتذار منة او بدمعة من عينة  . مستحيل و صعب .. لكن ممكن تتناسة الموضوع وترجع الحياة مثل مكانت بس تبقة الغصه بداخلك انت الوحيد الي تحس بيهة . انت الوحيد الي تتأذه بسببهة .
.

على قدر المحبه تجيك الاذية   يعني بأختصار ع كد ما تحب ع كد ما تتأذه . لذلك لحد يحب بكل طاقته وقوته بقو و عوفو مكان واتركو فكرة بعقلكم  انه بيوم من الايام ممكن هذا الشخص الي تحبة يتخلى عنك او يخونك .او يغدر بيك . بقو فرصه النفسكم مجال الروحكم لا تحبسوهة بقفصهم . انطوهه حرية حتى بيوم الي نتأذه بسببهم نكدر نتحرر منهم . ..
.

بغداد .
_________

ولج هذا جزائي   هذا جزاء حبي الج  ولج اني تركت اهلي وعشيرتي وربعي وناسي علمودج  وعفت ديرتي واجيت اعيش هنا خاطر كلت ما تتحمل تعيش عيشتنه خاطر  ما احد يمسج بكلمة ويضوجج ولج شنو انتي من بشر .
.
سحر .  (بصايح )  كاافي موتتني  كل هذا من ايدك  . انت الي خليتني اخونك  اني هم الي احتياجات  احتاج حب وحنان وعطف وانت عندك اهم شي شغلك . يا كال الدوام يا حجة لواء فلان يا مقدم مدري منو  ضجت منك كرهتك اتمنى اخلص منك اليوم قبل باجر   . خانكني تعرف شنو خانكني  لا تخليني اطلع لا تخليني اطب اريد اعيش مثل صديقاتي اني ندمانة لان ارتبطت بيك ندمانة .طلكني ماريدك بعد ماريدك .
.

عفتهه وكعدت على القنفة نهد حيلي بعد ما موتتهة كتل بالحزام  هاي زوجتي الي حبيتهة ومتت عليهه حاربت اهلي الي رفضوهة تركت بنت عمي الي جان ابويه ناطي كلمة العمي عليهة صح هم ماريدهة بس كسرت كلمة والدي   . كسرت كلمه شيوخ الخاطرهه .ومن يوم  متزوجتهة مرتاحيت ماعدهة شغله غير الصرف والصالونات وبيت اهلهة حتى اكلي مو مثل الناس اتمنى يوم ارجع من دوامي والكي جدورة ع الطباخ كله من برة حتى ملابس متغسل كله غسل وكوي   وماعدهة غير كلمة جيب فلوس وجيب فلوس . البيت كل يومين والثالث جاية وحدة تنظف الهه وكل هذا واكول ميخالف اذا عليةش متدلل على منو .  صح ما اخليهة تطلع وتفتر بس البيت اهلهة كل بين يوم ويوم اوديهة  وقت خفاراتي هي بيت اهلهة   تالي هيج تجازيني .