في محرابُ عينيكِ اضعت وجودي

في محراب عينيكِ أضعت وجودي ٣

✏✏روز علي .
.
.

#قالت قل لي شيئاً
#قال لها امام سحر عينيك
تعطلت كل الحروف
._____

داليا .
كعدت من الصبح خابرت ع ابو الخط عمو ابو رضا . كتلة ما اروح للدوام اليوم صح مبقة شي ع الامتحانات ونخلص نفتك من الدراسه كرهت روحي بسببهة  و خابرت ع سارة بلغتهة  بقت تحجي وتغلط . سديت الخط . ورجعت نمت . صارت ساعه ٩ كعدت . غسلت ونزلت . .
.
نزلت سمعت صوت طفل يتنعوص بغرفة ماما . تفاجئت .
.
منو جاي من الصبح . رحت الغرفة ماما . لكيت بنوتة تجنن اية من الجمال عيونهة وبياضهه تخبل لعابة رحت شلتهة . لعبت نفسي من ريحتهة . اخذتهة للمطبخ . اني وشايلتهة احجي .
.
ماما هاي بتمن هيج جايفة ع امهة. لو ما امهة وصخة متصير هيج ريحة بنتهة
.
ام حسين . انجبي هاي بنت حسام جوارينة امهة متوفية الله يرحمهة
.
داليا . يا خطيه . الله يرحمهة  مادري غلطت ع المرة خطية . . بس شعجب جابها  عدنة .
.
ام حسين . ماعندة احد . يخليهة يمة . وهو عندة انذار . كايلة الاخوج  فد اسبوع يالة ينزل .
.
داليا . زين ماعدهة ملابس جان اني غسلت الهة هسة .
.
ام حسين . لا بس عاف المفتاح هنا . كال اذا ترودن شي . تلكو بالبيت معرفت شنو اجيب
.
داليا .
كلش نقهرت عليهة والطفلة بس تتنعوص ومتنحسة و وصخة وشعرهة اصلا يابس . ومهوش . وهي شكد حلوة ياربي . .
.
ماما . يصير اروح اني . البيتة . توصليني اخذ ملابس الهة واجيب اشياء تحتاجهة .
.
ام حسين . ها راح تتحملين المسؤولية . ماما وينج وين تعتنين بطفل
.
داليا . ليش ماما شبية هم يصيبني اجر . يتيمة . خطية . ودشوفيهة شلون ضايجة من وصخهة وهي وين جانت وهيج وصخة .
.
ام حسين . واني ادري با يمة يكول  يم عمتهة  مدري وين .
.
داليا . شكد حقيرة عمتهة من عايفتهة هيج .
.
ام حسين . شعليج بالناس لتشيلين غيبة  .تريكي وريكيهة  وياج . حتى اوصلج البيتة . تاخذين الاشياء الي تحتاجيهة وترجعين
.
داليا . اوك . فدوة الام القلب الطيب . فدوة الأحن أم بالدنيا
.
كعدت تريكت اني والبنوتة الحلوة وريكتهة وياية  جانت ميتة جوع . اصلا تبجي ع اللكمة تريد تاخذهة من ايدي .بس وكلتها اشياء خفيفة  . وسلكتلها بيضة ع النص .

كملت وغسلت الهه وجهة وايدهة وعفتهة بالمطبخ . وصعدت بدلت  ونزلت و امي لبست عبايتهة وطلعنة رحنه البيت جوارينة النقيب  حسام .
.
فتنة للبيت ياربي مو بيت . هوسة الملابس واصلات للمطبخ . المواعين والكوابة بكل مكان . كارتونات اكل المطاعم .ضجت من يمي واحس اريد اهجم على هذا البيت اريد انظفة . جسمي نمل من الوصخ  . وكمت احس جسمي بووخ .

ام حسين .راح اعوفج لان الجدر ع النار . دا احمس البامية . اخذي شتحتاجين الهة وخابريني اجيج
.
داليا . اي ماما ميخالف

الله جابهة الي . راحت امي . اني طلعت سديت الباب . وشفت الحجلة مالت حور خليتهة بيهة  وفتت افتر بالبيت . ورجعت فتت للغرف وحده مالت اطفال وحده للكبار . فتت الغرفه الاطفال كلت اكيد هاي مالت حور .شكلهة يجنن تركية ونازكهة بس كاتلهه التراب . رصاصي فاتح كلش ع بياض
.