في محرابُ عينيكِ اضعت وجودي

في محراب عينيكِ أضعت وجودي ١٣

🖋روز علي .
.
rose_____ali

مرت نص ساعة  وهي جوة بالطوارئ واني واكف بمكاني ميت خوف واروح وارجع بالممر . . اجة حسين وابو حسين من نهاية الممر .  .
.
ابو حسين . ها حسام . بنتي وين .
.
حسام . عمي بالطورائ   لحد هسة مادري .ومحد طلع من يمهة .رايح اشوف . احد ..
.
مشيت وصلت الباب الطورائ ردت افوت وكفني الحارس الواكف برة  رفعتلة الباج . كتله نقيب .

الحارس . ممنوع سيدي . 

حسام . لتخليني هسة ابتلي بيك عوفني  

فتت للطوارئ اباوع عليهة الدكتورات داير مدايرهة . جتني الدكتورة تركض تدفعني من ايدي. من (الزند ) دفعت ايدها  وكمت اصيح .
.
اذا متكولون شبيهة هسة اكلب المستشفى على روسكم .  واشوفكم نقيب حسام الدين شيكدر يسوي . ((بصايح))
.
الدكتور .  سيادة النقيب اسفين والله تعال على صفحة و افهمك ..بس لتعيق شغلنة اترجاك
.
زوجتك صاير عدهة نزيف . لان الي واضح بالولادة  ممنظفين بطانة الرحم . زين . ووصاخة الحمل كلهة  بداخلهة همزين صار عدهة نزف ونزل .والا كان تخثر وتجمد داخل الرحم وبمرو الوقت يتحول الى امراض سرطانية لاسامح الله .

شي ثاني تمزق بمكان الخياط  هم صاير   رجعنة رممنة  المكان بعد ما نظفنة الرحم . يعني مابيهة شي يخوف . الحمد لله . عدت سلامات .  بس بعدهم ديخيطون بالجروح

.بس ياريت لو تحظرولهة  ملابس . ملابسهة   كلهة  دم .

حسام .
بقيت صافن بوجه الدكتورة . شنو حمل شنو ولادة .  شوكت وليش اني ما ادري  .
.
دكتورة يعني زوجتي جانت حامل .
.
الدكتورة . اي نعم واضح جداً انه الولادة حديثة .
.
حسام .
طلعت من يم الدكتورة واني مفور . رحت شفت عمي وحسين واكفين . اخذت نفس عميق . وتوجهت الهم  . 
.
راح اسال سؤال واحد ..داليا جانت حامل .
.
حسين .
سأل حسام هذا السؤال بس اباوع ع عيونة لونهن احمر واعصابة ودماراتة بارزة  ضاغط ع ايدة . جاوبتة
.
اي حامل وجابت  . 
.
غمض عيونة واخذ نفس .
.
حسام .  شنو جابت 
.
حسين . ولد . وسمتة اسد .
.
ابو حسين .  ابني مو وكت هالكلام . خل تطلع بخير وسلامة ..
.
حسام . ماشي الله كريم . بس ليش عمي ضميتو علية .
.
ابو حسين .  خل تكوم بالسلامة ولكل حادث حديث . شكلولك جوة.  
.
حسام .  والله ياعمي مادري شلون اكلك بس تكول ممنظفين بطنها من سوالف الحمل .  حسين . ياريت لو تروح للبيت تجيب الهة ملابس نظيفة . يريدون ملابس  . 
.
حسام .
راح حسين  بقيت اني وعمي . بس لحظتهة لو يمي هي الزمهة واموتهة لان كل شي صار مينطيهة الحق تضم عني . وتخفي ابني . كعدت ع الكرسي وصرت اهز برجلي واكل بروحي من الغضب والعصبية .  مرت تقريب الساعه اجه حسين شايل جنطه اخذتهة  وانطيتهة  للدكتورة الي بالطوارئ . وره شي نص ساعة   طلعوهة  بالسدية  فوتوهة  من يمنة ومعلكين الهه دم ومغذي بطل بصف بطل  . وهي نايمة  .  ودوهة للغرفه الخاصة  .   . حجيت ويه الدكتورة .
.
دكتورة  نكدر نشوفهة هسة
.
الدكتورة . اي عادي . بس خلوهة ترتاح   لان تعبت .  بأعتبار عادت الولادة من جديد .  . والحمد لله ع سلامتهة 
.
ابو حسين . الله يسلمج بنتي  
.
حسام .
فتنة  للغرفة اني وحسين وابو حسين . جانت هي نايمة .  والايد البيهة كانيولا ع بطنهة . وشعرهة صاير ع وجهة . اباوع عليهه وجهة اصفر وشفتهة بيضة . وشعرهه نازل ع وجهة . تقربت منهة . كعدت يمهة وهي نايمة. بقيت صافن عليهة وداخلي ميت قهر ع الي بيهة  . وبنفس الوقت ضايج ومقهور من تصرفهة . بقينه كاعدين يمهة الى ان فتحت عينهة   اول مشفتهة  فتحت ابتسمت بوجهة  .
.
الحمد لله ع السلامة ..
.
هي محجت هزت راسهة  بأبتسامة .
.
ابو حسين . الحمد لله على السلامة  بنيتي هيج تقلقيني عليج
.
داليا . الله يسلمك بابا (بتعب )
.
حسين . عوبة هيج تموتيني رعب . والله هاي مصارت مناكل من وراج بس الهبطات
.
داليا . ههههه هاي ضريبة الاخ الاكبر (بتعب )
.
حسين . عمي منريد شي بس صيري زينة وهاهية .
.
شوفي هاي امي راح تتخبل عليج   صار كم مرة تتصل  
.
📞☎️ .
.
حسين . هلا بنبع الحنان . لتخافين وكل شي مابيهة
.
ام حسين . الحمد لله . راح اموت من خوفي . يمة عيوني انت اذا مابيهة شي . طلعوهة هذا ابنهة شبع بجي 
.
حسين . ان شاء الله . هسة  اشوف الدكتورة شتكول
.
ام حسين  . سلملي عليهة مااكدر احجي الجهال بس يتباجون .
.
حسين . الله وياج يمة  .
.
يابه اني رايح اسأل الدكتورة اذا نكدر نطلعهة . لان امي مدتكدر للجهال .
.
ابو حسين . جاي وياك ابني .
.
داليا .
فتحت عيوني اول شخص شفته حسام . فعلا لحظة  الشفتة  حسيت شعور يختالف .  هدوء وامان .  وشفت بابا حبيبي وحسوني . بقو كاعدين يمي شوية الى ان طلعو راحو ع الدكتورة . بقيت وحدي اني وحسام  .. قرب راسة يم اذني .كان يحجي وهو صاك ع اسنانة