في محرابُ عينيكِ اضعت وجودي

في محراب عينيكِ أضعت وجودي ١٢

🖋روز علي .
.
rose_____ali
.
نايمه بالصالة ع الجرباية واباوع ع اسد بالكوة يفتح عيونة . سمعت صوت  برة .  وحور تصيح  بالحديقة خفت لا وحدهة  خاف تتأذه .او توكع . كمت بهدوء وع كيفي من مكاني بعدني ما اكدر اتحرك وخصوصا ١٠ خياطات . داخلية وخارجية
  . موتتني كمت مشيت ع كيفي وهدوء  وصلت للباب مالت  المطبخ صارو كدامي رياجيل معكلين .  قلبي صار  يرجف  ومن بينهم صوتة . طلعت امي من الغرفة وتحجي .  وابوية اجة من باب المطبخ شايل حور .
.
ام حسين . شكو منو هذولة .
.
ابو حسين ..حسام جايبهم وجاي . يريد يرجع داليا .

داليا .
اخذت حور وفتت للصالة   رجعت كعدت ع كيف و بهدوء وبخفه بمكاني  تألمت شوية  وتغيرت تعابير وجهي . عقلي مشغول معقولة حسام جاي يرجعني ليش وشغير رأية .  بكيفة وع مزاجة . ومن غير  خفت لايشوف اسد او يعرف بي . .

اجه بابا علية .
.
ابو حسين . ها بنتي شلونج .  اسد شلونة  .
.
داليا .  الحمد لله بابا . بخير .
.
ابو حسين . خوما نايم جوعان .
.
داليا . لا ماما شربتة  شوية مي وشكر . وشربتة ممة.  وشبع ونام . 
.
ابو حسين ..  خير ان شاء الله .  خابرت حسين اخوج يجي .  حتى يكون حاظر ..
.
داليا.  هم ذولة منو .
.
ابو حسين . جايب ويا. عمامة و ولد عمامة واخو شيخهم ..وجايبة ضباط ويا .
.
داليا . وشنو راح يسون يعني قابل راح يغيرون رأيي ..
.
ابو حسين ..على راحتج بابا . الي تشوفي انتي يصير ويتنفذ . تبقين بنتنة واميرتنة  وبعيونة . 
.
داليا .تسلملي بابا . 
.
ابو حسين . يالة عيب خل اروح يمهم اقدملهم جاي .
.
داليا ..ليش مدزيت على عمامي او ولدهم ..
.
ابو حسين . لا ماريد احد يسمعج كلمج وعمامج اعرف عقلهم شنو .  شفتي عمج رياض من حس زعلانة كلج ترجعين غصباً عنج ماعدنة نسوان تزعل ..
.
داليا . بس بابا انت دافعت عني .
.
ابو حسين . ميخالف بابا ماريد انطيهم مجال ولو واحد % يحجون عنج اذا بوجودج او بغيابج .
.

.داليا .
راح بابا للمطبخ اخذ الصينية من امي . اول مطلعت شفت ولد تلكا واخذ الصينية منة . جتي امي كعدت يمي . واني بداخلي جنت مشتعلة نار ومادري شبية . 
.
حسام ..
اكثر لحظة جنت خجلان بيها هي هاي . من كاعد اني بين العالم وعمي ابو داليا يحجي . وانة ماعندي رد ..
.
ابو حسين . اني بس هالبنية عندي . وبنفس الوقت غالية علية . ما احب اشوفها مكسورة او ضايجة او مقهورة.  اني من يمي اتأذة . واعتقد انتو  كلكم عدكم بنات وتراعون الله بيهن .  حسام غلط بحق بنتي وطلكها  من ما يقارب سنة او اقل . وتركها . ونهى كل شي بدون حتى ما يبرر او يوضح النة السبب . وهي عانت ماعانت بسبب هالشي . وعليه اني ما مستعد ارجعهة اني بس بنت وحدة عندي .
.
رعد .  الله بالخير حجي  . . الله بكتابة العزيز الكريم  يكول بسم الله الرحمن الرحيم ومن اياته ان خلق لكم من انفسكم ازواجاً  لتسكنو اليها وجعل بينكم مودة ورحمة .
.
اذاً قبل كل شيء .المودة والرحمة موجودة بين الزوجين .  حياتهم تنبني ع المسامحة والتغاضي والتنازل والاحترام  والتقدير  مو سهل على الانسان ان يفقد اليف روحه وشريكة . مو سهل فراقها ولا سهل فراقه . وخصوصاً اذا كان بينهم طفل .. حسام غلط بحق ام حور وهسة جاي وعارف بغلطة . ورايدها وشاريها . وما مستعد الخسارتها ..لان ام حور . ما تنوصف والنعم منها ومن تربيتها .
يقول واحد من الادباء .
.
رفيقة عمري .هل لجرحي بلسمُ  فراقكِ ادماهُ وما انقطع الدمُ .
مددتُ يدي حتى اذا ما رددتها الى اليد مما ينزف الجرح عن دمُ
.
واحنة جاين هنا وملتمين وية هالوجوه الخيرة والطيبة ما نريد نخرب بيت ويصير بينهم طلاق حتى وان كان حلال فيبقى ابغض الحلال عند الله .   وما نريد منكم غير تنطو فرصة يرجع عائلتة ويصلح غلطة .
.
حسام . عمي انة كدام الكل اعتذر منك  ومستعد اعتذر منها  .
.
حسين . من رخصتك يابة  .  من رخصتكم حجاجنة وشيابنة  وكل الاجاويد الكاعدة .. كلكم ع راسي وكل الاحترام والتقدير الكم . . اني من الاخير  ما اقبل ترجعلة .
.
صارت ضجة بالاستقبال والكل تحجي .  حجة واحد من الشيوخ ..
.
_ من رخصتك وليدي .  صلو على محمد وال محمد .