في محرابُ عينيكِ اضعت وجودي

في محراب عينيكِ أضعت وجودي ١٥

.
✏ روز علي .
.
rose_____ali .

لمن تعرفين اهلج بذبحوج شعندج هناك . شعندج بهيج مكان . لو ما انتي جان عاجبج الموضوع . متروحين الهيج بيت ..
.

__ انه صح رحت . بس مجنت اتوقع البيت هيج . جنت اتوقع انظف ونطلع انة واختي  .
.
حسام . بلا كذب عاد . جان مقبلتي
.
__ انت جريتني من ايدي وبصراحة انة نعجبت بيك . لهيج ممنعتك
.
حسام ..شوفي اريد من الله هالسالفة تطلع العبد مخلوق .  انهيج والله انهيج . (بحده ) .
.
_____
.
صفية  . امشي رحاب .امشي . عزة بعينك حسام ..
.
رحاب . شبيج وين امشي .
.
صفية .  انجبي واسكتي كرميني بسكوتج بس .
.
بعد ما سمعت الحجي . اخذت رحاب كدتهة  من ايدهة  وجريتهة  ومشينة   فتنه للمطيخ . جانت داليا وسكنة  وسعدية  . وبنات خواتي كلهن يصبن العشا .
انه حجيت بدون ما اسلم .
.
هاي انتي هين ومتدرين عن هوا دار زلمتج ..
.
سعدية  . خيريج صفية . جايه والعفاريت تتنطط كدام وجهج والشر مالي عيونج
.
سكنة .  هدي بالله منو الي متدري عن زلمتهة . رعد يم حسام بالديوان .  وسامي. بعده معزل واجة ع جية ..
.
صفية  . انتي سكتي . اني احجي ع البغدادية . وهو صح . زلمتهة بالديوان . بس مو ويه رعد . ويه مرتة الثانية يتفق وياها ع اسم ابنة الجديد
.
.
داليا .
بقيت صافنة عليهه هاي شبيهة  . بس الهوسة  والخبصة  . 
.
حبيبتي لو تحجين منا الباجر مراح اصدكج
.
صفية  . والله عاد اذا مصدكتي يطبج مرض وفوكا  الف مرض انه علية سمعت الحجي ورحاب شاهدة وجيت اكلج .  اذا متصدكين . تكدرين . بنفسج تتمشين للديوان وتسمعين بأذنج .
.
داليا .
بقيت صافنة عليهه شحجي وشنو اكول شكلهة  مالت وحدة  متأكدة  . وجهت نظري الرحاب.
.
رحاب . والله خية  هذا السمعنا .
.
داليا.
تمشيت بخطوات متثاقلة  للديوان بدون ما اطلع صوت . وصلت قريب الباب   وكفت اسمعهة  تكلة .
.
__ حسام اترجاك . الخاطر الليالي الي كظيتهة  بحظني . بطني بعد كم شهر يكبر   وين اولي كدام اهلي وربعنة .
.
حسام ..كافي لغوة لج سمعتج بما فيه الكفاية صح سويت علاقة وياج  بس هذا مو  معناها انه هذا الطفل ابني .
.
لزمتهه من زندهه قوي وجريتهة
.
__ انه جيتك وترجيتك . وانت حتشمرني وتطردني .لا هاي من شيمة أفعالكم  . ولا هي من الاصول .  بس ع هذا تصرفك وياي راح ادفعك الثمن .  واله احجي للكل الطفل الي بطني هو ابنك . ابن حسام  .وافضحك بكل االديرة  ...
.
حسام .
جريتهه قوي من زندهه ودفعتهة بره باب الديوان . وكعت بالكاع . مشفت غير داليا ركضت عليهة تكومهة  ..
.
_____
.
سكنة . صفية  شكاعد تخربطين .
.
صفية . شبيج انتي هي معليج افتهمتي .  اذا ما اخذ بثار فرح انه مو صفية 
.
سعدية . صح فرح اختي بس باعتج يالثولة .
.
صفية . وانتي ظلي هيج بيعي بأختج .
.
سعدية . مبايعه بأختي . بس اعرف هي غلطانة وتستحق كل شي جرالهة  شرف الوادم وعرضهم مو لعبة  . ينرد لو بعد حين . ربج يمهل ولا يهمل 
.
صفية  .  اووي حتكوم تلغي الفهيمة  خل اولي  
.