في محرابُ عينيكِ اضعت وجودي

في محراب عينيكِ أضعت وجودي ١١

.
🖋🖋روز علي ..
.
#rose_____ali .
.
آول مشآوير العمر چآنت عيونك !
.
______

مشت الايام والشهور  . وحملي بدة يبين ووتكبر بطني .
  اكثر فترة تأذيت بيهه هي فترة الوحام . اول ٤ شهور . متت بيهة جنت مستحيل اكدر اكل شي او اشتم ريحة  اكل اتخبل عشت على الحليب وع التفاح بس .هذا الي اكدر اكلة ونفسي متلعب منة . تعبت وانتهيت وكل يومين والثاني حسوني  معلكلي بطل مغذي .  لو بالمستشفى . فترة حملي كلهة  معافوني  بابا وحسين وماما فوك راسي والله تجي ايام حسين ينام ويايه بنفس الغرفة  خصوصا اذا تمرضت واذا اروح للدكتورة كلهم يجون . . حبيبتي حور يمي وياية وياية  . حسام بين فترة وفترة من الباب يجي يشوفهة ومن يوم الي جاب حور  للمستشفى اني من بعدهة  مشفتة  .  وحتى من يجي يشوف حور احس قلبي يركض الة قبل روحي بس اقوي نفسي واعاندهة  بحيث حتى من الشباك ما اباوع علية  . كسرانة الي وجرحة الي كبير وعميق ما اكدر اتساهل حتى وية نفسي    فتت بشهري وزاد تعب الحمل .  جنس الجنين عرفتة من اني وبشهر السادس .  ولد .   بابا وحسوني  حارو شنو جهزولي سودة عليه حسوني شيجيب اله يجيب الحور .
.اليوم صارلي عشرين يوم بشهري .  حسين العصر اخذني اني وحور  للحديقة  نتمشة وتعشينة ورجعني . ماما مقبلت تجي رجعنة تقريب ساعة  ١٠  بدلت الحور ونيمتهة  واني هم بدلت وتمددت بالفراش . مكدرت انام حسيت اوجاع تجيني وتروح . بقيت كاعدة  .  كمت توضيت وخليت شال على راسي واخذت القران . قريت سورة مريم وسورة الانشقاق  اوجاعي بدت تزيد  . باوعت ع الساعه صارت ب ٢ . مكمت اتحمل بعد نزلت ع ماما . .
.
ماما .
.
ام حسين . ها حبيبة بيج شي .
.
داليا .
محجيت هزيت راسي بأي . ونزلت دمعتي . من الالم .

اخذتني ماما كعدتني بالصالة  وهي صعدت . واني وين اكدر اكعد من الوجع وكفت ولزمت الحايط بأيد والايد الثانيه ع بطني . ودموعي تصب طلع بابا من الغرفة شافني هيج اجة  وكف كدامي حاير شنو يسويلي . راحت ماما كعدت حسين ونزلت هي شايلة الجنطة  مالت البيبي ومالتي جابتلي صاية  من عدهة  كنت لابسة  دشداشه قصيرة  . تعاليك  . لبستني ماما الصاية .   وطلعنة  . للسيارة .
..
ماما وحور شلون .
.
ام حسين . بقة حسين يم حور نايمة  . قابل اشلشل نومة الطفلة واجيبهة .
.
ابو حسين . ميحتاج يجي حسين  . اني وياج كافي .
.
داليا .
وصلنه للمستشفى  نزلت وماما كايدتني والوجع يزيد عندي بوقت الوجع اريد اتنفس ما اكدر حتى حركه ما اكدر اتحرك اجمد بمكاني .  صعدوني الصاله الولادة واجن الدكتورات طكولي مي الراس بالمكص . وسوو تخطيط النبض الطفل . سولي تحاليل .  بس الدكتورات كلهة التمت علية  وصارو يسألوني اشوف القلق بعينهم .
.
الدكتورة .   ماما انتي بيج سكر لو لا .
.
داليا . لا مابية  شي .
.
اسمع دكتورة  دكول للثانية . الطفل حجمة  مو طبيعي . اعتقد بي شي . .
.
داليا . احس روحي انتهت    اخاف صدك بي شي . بقيت اقرا ايات واندعي . واكول ادركيني يا زهراء   ادركني يا صاحب الزمان طفلي امانتك .   . الى ان ولدت بالموت الاسود . احس حتى عيوني تقلعت من الوجع والضغط والدفع  تخيطت عشر خياطات . .  اخذو الدكتورات بسرعة  وخلو سوار برجلة  مكتوب بيه اسمي مشفت شكلة  بس شفت من يخلون السوار برجلة  .  اخذو  للخدج . سولة تحاليل كاملة .حسب مكالت الدكتورة   ولقحو  اكو  لقاح اول ٢٤ ساعة ينأخذ . كملو تحاليلة واجن الممرضات بدلو ملابسي وطلعوني للغرفة  . علكولي مغذي  
.
ارتاحيت . احس نفسي شكد صرت خفيفة .  ماما وبابا  واكفين يمي . اجت الدكتورة .
.
الدكتورة . داليا علي   مو .
.
ام حسين . بلي دكتورة  .
.
الدكتورة . اريد جنسيه الاب والام . حتى نسوي البيان .
.
ام حسين . عدنة بس جنسية الام . الاب مو هنا بغير محافظة وعسكري ميكدر يجي .
.
الدكتوره . ماشي . مادام عسكري راح اتساهل لعيونهم يستاهلون    جيبي جنسية الام .   وبصراحة جنة شاكين . بوضع الطفل انه بي شي .من حجمة
.
بس ما شاء الله كل شي مابي وصحتة  ممتازة  وعال العال .
.
ام حسين . ليش دكتورة شبي حجمة  .
.
الدكتورة . هذا حفيدكم طلع عين امة  . ما شاء الله اجاكم مثل الاسد وزنه ٥  كيلوات ونص .
.
ام حسين . صلوات على محمد وال محمد .بس بطنهة  مجانت كبيرة .
.
الدكتورة . اكو بطن تربي الطفل وهي صغيرة . واكو بطن كبيرة ويجي الطفل حجمة صغير مالهة علاقه بالحجم .  شنو ناوين تسمون الطفل .
.
داليا .  اسد .
.
ام حسين . شلج بهالاسم .
.
داليا . ماما اني اريدة  اسد . فدوة .