في محرابُ عينيكِ اضعت وجودي

في محراب عينيكِ أضعت وجودي ٦

.كانت أنثى ان تكحلت . . حلت
و ان تبسمت .. سمت
و إن عشقت .. شقت

كان عليها أن تكون أقل جمالآ !

فلكي أصل اليها ..
أحتاج :
حظ ذلك الذي رسم منه خطآ مستقيمآ
أوصله بالقمر دون أن يتعثر بنجمة في طريقه !

حسام ..

مر ع زواجي شهرين قلبي صار يعشق كل شي بيهة اشتاق الهة واتحسر على لمسة منهه بس ماريد اخذ شي مو برضاتهة وبدون حبهة . بعد زواجي الاول كنت واثق من نفسي خلص مستحيل اتزوج بس هي فرت عقلي وسكنت قلبي . عيوني تلاحقهة وين متروح .. رغم شكد حبيت سحر بس عمري محسيت بالراحة وياها . بوجود داليا احس نفسي طفل وبحضن امة رغم ممحصل منهة شي هذا زواجي فرق كبير عن الزواج الاول من ناحية كل شي نظافة البيت نظافة الملابس الاكل حتى الحذاء الكي ممسوح اتذكر ابسط شي جنت من اريد جواريب اكلب البيت . هسه افتح جرار الجواريب كلهن الكاهن وحده بطن الثانية ومقسمة الجرار . كل زوج وحد . كل شي نظيف ومرتب حتى هي وحور اباوع عليهن ينكرطن كرط . حور غيرت جنسيتهة وسجلتهة بأسم داليا . يعني اسم الام صار داليا . بحكم معارفي ومكانتي كدرت اغير الجنسية مالت حور .. اتفقت وياها ابد متجيب طاري انه اني كنت متزوج وزوجتي ماتت . خلص هي زوجتي الاولى .. عذبتني ياله قبلت . عنادية بشكل مو طبيعي ولسانهة الطويل لحد هسة مكصر ويومية عركات اني وياها .بس ميخالف احس كل شي منها حلو . .
.
كعدت من الصبح اريد اروح للدوام كمت غسلت وبدلت لبست البدلة العسكرية من مستعجل ما اتريك بالبيت . وكفت ع المراية دك موبايلي باوعت رعد اخوية .
.
:📞☎️📞☎️
.
حسام . هلا رعد .
.
رعد . شبيك ما ترد بسرعة . شلونك خوية .
.
حسام . الحمد لله بخير . انت شلونك الاهل شلونهم .
.
رعد . على الله يا خوية . حسام بعد اخوك الوالد تعبان حيل
ويريد يشوفك يكول هو سندي وحزام ظهري . الوالد كلش كلش تعبان رد خوية الديرتك شوف ابوك والله حتى بجي يبجي ابوية مو مثل الاول .ابوية بأنفاسة الاخيرة اي دقيقة واي لحظة يسلمهه للباري حسام لو تلحك عليه لو ما تلحك .
.
حسام . رعد شبي ابوية .(بخوف )
.
رعد . الوالد عنده المرض الخبيث وهذه ايامة الاخيرة
.

حسام .
جنت واكف من سمعت كلام رعد . نهد حيلي كعدت واني افكر لو مهما يكون ابوية لو شنو يسوي يبقة هو ابوية .
.
لا يضل بالك خوية جاي .اليوم ان شاء الله .
.
رعد . خوية ومرتك
.
حسام . اجيبهة . بس لتكول الاحد انة جاي
.
رعد صار . يالة اودعناك .انتظرك
.
حسام . في امان الله .
.
سديت الخط . ورحت كعدت داليا .
.
حسام ..داليا . كومي فدوة . كومي اجهزي راح نروح للعمارة .
.

داليا . ((كمزت من مكاني )) اني هم اروح .؟؟
.
حسام .. لعد اروح وحدي . ابوية تعبان وطالب يشوفني ..
.
داليا .
نقهرت من شفتة يحجي وهو مثل المكسور يحجي بهدوء والخوف مبين بعيونة . كتلة .

ماشي بس خل نكول الاهلي .
.
حسام . من نطلع جهزي الجنط .
.
داليا . ليش كم يوم راح نبقة .
.
حسام . ماعرف . حسب صحة الوالد اخذي الي تحتاجي والمهم واي شي تريدي نشتري مناك . او نجي يوم ناخذ الي نحتاجة
.
داليا . ماشي .