في محرابُ عينيكِ اضعت وجودي

في محراب عينيكِ أضعت وجودي ٤

✏✏روز علي .
.
‏وغازلها قائلاً :
كيف حالك ياقطتي
أجابت مبتسمة :
بخير يا أرواحي السبعة
____
.
حسام .
سديت الموبايل ورحت اركض البيت ابو حسين .وضل بالي لان حور هم هناك . اباوع الناس ملتمة ويتصايحون  يريدون يفتحون الباب  ركعت الباب وادك  بيها  متفتحهة .  تالي عبرت من فوك الباب .  واخت حسين واكفة بالطرمه وتبجي وترجف .  وعينهة ع الاستقبال .
.شافتني اخترعت .
.
داليا . أنت منوووووو

حسام . شبيج يمعودة .. حور وين . (بصايح)
.
داليا .  حور  جوة .
.
حسام . وين جوة . احجي بنت الكلب وين جوة . انعل عشيرتج اذا صار بيهه شي .
.
داليا .

.((من سألني ع حور عرفتة ابوهة . لان اني بالاساس مشايفة شكلة .او حافظة شكلة  وحتى لو شايفتة فممركزة ع وجهة ))

جوة بالبيت هنا مابيهه  شي . و خلي بالك .  مستعده انطي روحي ولا يصير بيهه شي .  ولعلمك هالمرة غلطت عليه مرة ثانيه متلوم اله نفسك . مبقة علية غير بس اشباه الرجال

حسام . 
انزعجت من طريقة كلامها بس ما رديت عفتهة تحجي وتدردم واني خابرت على الاطفائية اجوي  ركضت للاستقبال . ردت  اشوف اكدر اسوي شي  مكدرت ماخذه القنفات والبردات .  والناس التمت كلهة بالباب  والاطفائية صارت قريبةمن صوت الصفارات بينت . و ولد يشلبهون ويعبرون من ع الباب .  .. وهي واكفة بالطرمة بلبسهة  وبشعرهة . ودموعهة الي مبللة رموشهة الكثيفة  . صايرة عيونهة مو طبيعية  بياضها الناصع  ولابسة اسود واصفر بنت الكلب تضوي  ضوي . من يمي فورت دمي ع تصرفها  جريتهة  من زندهة هي تخبلت نبتت اضافرهة بقوة بأيدي الي لازمهة بيهة وتحاول تبعدها. 
.
داليا . عوفني منو سمحلك تمد ايدك علية .
.
حسام .
جريتهة للمطبخ . ودفعتهة بنص المطبخ .وطلعت سديت الباب قوي وقفلتهه من برة   .بيها زلج
.
داليا . الحقير التافه  اني اعلمك . مو اني الي هيج اتعامل .كبر الهيج شكول . بيتك لو بيتنة 
.
طبيت للصالو لكيت حور تبجي شلتهة وصرت افتر بنص الصالة . تقريب ساعة كملو الاطفائية وطلعو  طفو الاستقبال . واني الوب بالمطبخ . باوعت ع حور نايمه بأيدي رحت نيمتهة بغرفة امي . واني لفيت شعري سويتة كباية وخليت كماشة  وبقيت افتر بالمطبخ ..

حقير  . حقير .  

وافرك بأيدي كلش وجعتني احس حتى اصابيعة انبتت من القوة .  احجي واني معصبة منة.  ومتنرفزة

.
حسام .
كملو الاطفائية وبقو يستكشفون . طلع تماس كهربائي ضاربة النقطة . غرفة الاستقبال كلهة انتهت بس البارود صارت الحمد لله محد تأذة . طلعت الناس وفتحت باب المطبخ  جانت هي واكفة وتصيح حقير .
.
عليمن حقير .
.
داليا . عليك .
.
حسام . كد هالكلمة انتي .
.
داليا . وتافة هم . وبعد اذا تريد هم عادي .لان اني ما احترم الرجال الي يمد ايدة ع مرة .
.
حسام . شو انتي ممترباية .منو ماد ايدة عليج . جا غير واكفة بنص الطرمة ومطلعة زنودج والولد يتشلبهون ع الباب  شتريدين اصفكلج  واشد كرون ستيل .
.