في محرابُ عينيكِ اضعت وجودي

في محراب عينيكِ اضعت وجودي ٢

✏✏ روز علي .
.
اما بعد:
ثم اني قـلت لها ؛
ضعي من رماد الحرب كحلاً ودعيـها تَموت رميـاً برماح عينيك
فلما تكحلت نسيت بريقها بين خطوط وجنتي فلم تعد تبصر غيري...
..
حسام .
كعدت من نومي ساعه ٧:٣٠ كمت غسلت وبدلت وحظرت نفسي لبست بنطرون وقميص وساعتي وعطري وكفيت اردان القميص طبكتهة . رشيت عطري ندكت الباب طلعت لكيت حسين واكف بالباب
.
اهلا ابو علي . تفضل .

حسين . اهلا بيك . لا والله جيت عليك .
.
حسام . جايك بس البس حذائي العفو .
.
لبست حذائي وطلعت اني و هو جان واكفلي بالباب اني وياهم حايط على حايط . فتت للاستقبال . الي لاحظتة انه الاستقبال مفصول عن البيت مو من ضمن بناء البيت مثل الديوان  وهالشي معروفة بيوتنة بي  وافضل هيج يكون  البيت معزول عن الاستقبال .. فتت ما شاء الله فخم لكيت رجال كبير و ولد .

السلام عليكم .
.
الكل . وعليكم السلام
.
حسين . ابو حور . اعرفك الوالد .
.
يابة . النقيب حسام ابو حور .
.
حسام .اهلا وسهلا . ابو حسين . تشرفت بمعرفتك .
.
ابو حسين .اهلا بيك . النه الشرف حظرة النقيب .

حسام . لا عمي يا نقيب اعتبرني ابنك . هههههه .
.
ابو حسين .هههههه  خير ان شاء الله .
.
حسين . ابن عمي  . كاظم . .
.
حسام . اهلا وسهلا . .
.
كاظم . اهلا بيك .
.
ابو حسين . ياله تفضلو العشا جاهز . واني ميت جوع هههههه .
.
حسام .
كعدنة اربعتنة ع السفرة . جنت ميت جوع بوقتهة مماكل شي من الصبح واني عمري كله مماكل هيج اكل طيب اكلت تقريب اكثر من نص دجاجة .من غير بقيه الاكلات وهمة اكلو الظاهر تأخيري مجوعهم . كملت وكلت الحمد لله .
.
كاظم . من رخصتكم هسة  اجي .
.
ابو حسين . مرخوص ابني . .
.
حسام . مشكورين ابو حسين سفرة دايمة ان شاء الله . وعاشت ايد الحجية .
.
ابو حسين . بالعافيه . بس هذا كله ايد بنتي . الحجية ملكه كاعدة هنا . هههههه .
.
حسام . الله يخليهة الك . مبينة معدلة .
.
ابو علاوي اريد اغسل اذا متصير زحمة .
.
حسين . اي ابو حور

اخذتة و صلتهة للمغسلة . .المغاسل مالت الاستقبال صايرات وراها بالحديقه الخلفية ((حمامات خاصة )) .
.
حسام . مشكور ابو علاوي تعبتك .
.
حسين . غالي ابو حور من رخصتك هسة اجي . .

رحت فتت للبيت لكيت امي متمددة ع القنفة بالصاله وبالكوة تتنفس .
.
يوم شبيج .
.
ام حسين . مابية يمة . بس شوية مالي خلك . روح على ضيوفك يوم ..
.
حسين . يا ضيوف يمة صدك تحجين .
.
بقيت كاعد يم امي واهفيلهة وجبتلهة مي غسلت الهة وجهة . وجبتلهة دواها . وبقيت كاعد يمهة  .
.

داليا .
طلعت من الاستقبال بعد ما جهزت السفرة . وسمعت اصواتهم اجوي طلعت اباوع من شباك المطبخ كل شي ميبين شبابيكنة مشجرة ميبين منهه شي وامي بالمطبخ يمي تسوي جاي صبيت الهه عشا بالصينية وخليتهة تعوف الجاي .
.
ماماتي حبيبتي روحي تعشي انتي وراج دوة ياعمري . وماريد تاكلين متأخره حتى معدتج متتأذة ..
.
ام حسين اي والله يمة حجيج صدك .
.