✍روز علي .
.
#rose_____ali .
.
تغيبُ الروح عن چسّمي
وترد روحِي بمراسَيلك .
._______
٠حسام ..
فتحت عيني بتثاقل رفعت راسي شفت وحدة نايمة بصفي . هذا حالي من اسبوع بيت صاحبي شرب ونسوان . هالاسبوع كلة يومية هيج كضيتة . كرهت حتى البيت بسببهة من اسوي هيج احس نفسي انتقم منهة . ابو داليا يتصل بية ما اجاوبة بعد الاصرار والتكرار بالاتصال من ابو داليا .فتحت خط .
.
📞☎️📞☎️ .
حسام . الو نعم .
.
ابو حسين . ادري احنة مو بعينك على الاقل احترم عمرنة .
.
حسام . عمي محشوم . بس هاهية بنتك يمك وبنتي يمي وكل واحد يروح بطريقة . انة بنتك طلعت من نفسي مابيدي شي .وفترة وتجيهة ورقة طلاكهة .في امان الله عمي . احجي واسمع صوتهة تصيح
.
داليا . اريد بنني اذا مرجعتها اكلب الدنيا عليك
.
حسام . احتركي بالنااااار مثل ما حركتيني بنارج . .
سديت الخط . ورجعت ع الي بين ايدي كنت لحظات اقرف منهن ولحظات اشوفهن داليا واطلع غضبي بيهن رغم شكد ما اذي بيهن ميحجن . حيوانات مو بشر .
.رجعت ثاني يوم الصبح للبيت تلكتني امي .
الشيخه . وينك شصاير بحالك . من الله لا ينطيهة هالبغدادية شسوت بيك .
.
حسام . دمرتني يمة دمرتني كسرتني انه حسام اعترف كسرتني مرة اكثر مرة حبيتهه وامنت بيهة و وثقت بيهة
طعنتني بظهري .
.
الشيخة . يمة اجيبلك اغاتهة لاتسوي هيج بنفسك ومن باجر اخطبلك فرح .
.
حسام . ماشي . يمة خطيبهة وخلي بالج اريد ازوج بسرعة خل شي بسيط بيناتنة بدون هوسة وبدون خبصة تقبل اهلا وسهلاً ما تقبل مشكلتهة .
.
كنت ما احس شنو اسوي واي شي اسوي اريدة يكون انتقام اريدهة تتجرع الالم وتحس بالي دا اشوفة يومية بسببهة .اموت الف موتة من اقرا الرسايل بالموبايل واحاول احقق واكتشف منو هو حلفت بس اعرفة منو . موتة يصير على ايدي . عفت امي وصعدت للغرفة . كل شي يخصهة موجود ملابسهة مماخذتهن اتذكر ضحكاتهة وسوالفهة وجرئتهة ويايه السانهة الطويل . واهتمامها بأدق التفاصل كعدت بالكاع واخذت جكارة وصرت ادخن واتذكر كل شي حلو وياها . نزلت دموعي وانه هيج ابجي ع مرة انه الي بفاتحة ابوية منزلت دموعي عليج تنزل من طيح الله حظي .
مرت الايام ومر شهر ع الي صار ولحد هسه طلاك محكمة ممطلك . كلبي ماينطيني . ما اكدر اخطي هاي الخطوة . .امي خطبتلي فرح . واساسا اني بعد ما الي نفس بالزواج بس كله علمود حور وعلمود اقهر داليا . عقدت عليهة وجبتهة
هي وافقت على كل الاشياء الي طلبتهة . مسوينة شي لان ابويه مطالعة راس السنة . بس سويت هالخطوة يمكن جان بعقلي تكون كسر الهة . . ..جهزت الهة غرفة ثانية وغرفة داليا قفلتهة قبل ما افوت للبيت .اخذت حباية هاي تخليني مو بوعيي ..بقيت برة كاعد يم الولد شوية وفتت للبيت قبل مانصعد للغرفة سلمن عليهة البنات وحظننهة
.
صفية . ها شغلي مو جاب نتيجة . ((بهمس))
.
فرح . اروح فدوة الج والتفكيرج بس خايفة .خايفة ليعرف شي .
.
صفية . شمدري يمعودة ومراح يفتح هيج موضوع وية اي احد
.
حسام . يالة ممتشاوفات (بصايح ) .
أنت تقرأ
في محرابُ عينيكِ اضعت وجودي
Romanceقصه باللهجه العراقيه . تفاصيلهه حلوة تابعوهه بقلمي الكاتبه روز علي . وفي محراب عينيك أضعت وجودي .... وبحثت عنك من موطن إلى موطن مثل غريب فقد لذة دياره ..
