في محرابُ عينيكِ اضعت وجودي

في محراب عينيكِ أضعت وجودي ١٤

✏✏ روز علي 
.
rose_____ali .
.

مرت الايام  وداليا حبيبتي صارت احسن وطلعت الاربعين مالتهة  ومالت اسد . .  التهيت بالشغل .بين دوامي بغداد وبين الديوان وية رعد  . وبين البيت الي دا ابني . استلمتة شركه تركية .  اليوم نازل البغداد ورايح اعقد ع حبيبتي بعد اصرار من ام حسين . رغم طلاقي منهه باطل لان بأعتبارهة كانت حامل بس شسوي للاوامر  مشيت ع رأيهة  كلة في سبيل  . حتى نرجع لهنا  كعدت من الصبح ويه  الصلاة  . غسلت وبدلت .ونزلت لكيت الحجية كاعدة بوستهة .
.
الشيخة .  وين رايح .
.
حسام . عندي شغلة . اروح اجيبهة  واجي . بس اعرفي بس اجي راح تفرحين فرحة مو طبيعية  .
.
الشيخة. ان شاء الله يبعد روح امك . ترد بالسلامة.
.
حسام .
طلعت من البيت وتوجهت البغداد البيت عمي  اخذتهم ورحنة للكاظمية . دخلنه للامام حتى نعقد  وفهمت الشيخ بالموضوع و وضح انه الطلاق باطل  رغم هذا مقتنعت ..  عاد النة العقد   ياله اقتنعت وارتاحت .  طلعنة رحنة تغدينة . ورجعنة للبيت .
هي كانت مجهزة جنطهم   وشغلاتهم . اني وحسين شلناهن خليناهن بالسيارة .  وبقت هي تودع بأهلهه حسين شايل حور وهي شايلة اسد من بطنة ملبسته اوفر  نيلي وابيض  وبي قبعه نيلية. وحذاء طالع يجنن ينوكل .
.
ام حسين   هاج يمة هاي سبع عيون علكيهة بصدرة وديري بالج ع جهالج ونفسج وان شاء الله من يكمل بيتج اجي ابات يمج .
.
داليا . اروحلج فدوة   ماماتي راح اشتاقلج والله . 
.
ابو حسين . عوفوهة بنتي يمي  تدلل علية  هاي .بابا   ابقي انتي وخل حسام ياخذ  جهالة .
.
داليا . يمه لو اموت .ههههه
.
ابو حسين . ها بابا تبيعينة علمود بزازينج .هههههه
.
ام حسين .  اي غير جهالها .  ههههههه
.
اي يمه ضحكي هي قابل وين رايحه هنا شمرة عصا .

داليا . حبيبتي ماما .
.
ام حسين . ياله ماما الله وياكم  رجلج  ينتظر وراكم طريق يحرسكم علي  . ما اوصيج عينج ع جهالج .  خصوصا حور صايرة حركة .

هاي مرت اكثر من اربعين يوم واسودي حبيبي شوية نشنش ومدبدب  واهلي جانو متخبلين بي .رغم عمرة الصغير جانو من واحد يحجي ويا يبتسم وهمة يطيرون . اليوم  راجعين البيت اهلة ما انكر خايفة وضايجة  بس كال و وعدني اقل شي شهر شهرين نبقة يمهم ونتحول البيتنة  الجديد  او نرجع هنا .
.
حسام . خوما جوعانة ..انزل اجيبلكم شي .
.
داليا . لا حبيبي بالجنطة اكو عصير  وبسكت انطيهم الحور خل تاكل خاف جاعت . 
.
حسام . والشيخ  مجوعان .
.
داليا . هذا اني انطي اكلة يمي.
.
حسام .زين ابو ميصير ياكل .
.
داليا . حساااام (بدلع ) .
.
حسام . ياروحة وقلبة . شلون حترضعين حبيبتي  . شنو ناويه تشوفين العالم وتنطين درس عملي بالرضاعه .ادري مفتحة سبيل اني
.
داليا . لا حبيبي شنو السالفة عندي شال خالتة بالجنطة اخلي ع رقبتي وصدري وارضع 
.
حسام  . اريد من الله بالبيت هيج ترضعين كدام احد شلون ابتلي بيج .
.
داليا . لا ما اسويها.  بس خليك ريلاكس .  اكول حبيبي جبت المهد.
.
حسام . اي جبتة  وان شاء الله بس نكعد بيتنة الهم غرفة خاصة.
.
سمعي حبيبتي . تذكرت اي شي يحجو بخصوص البيت لا تجاوبين . اي شي يكولون كولي بكيف حسام . ماشي . مو يكلك ذبهة براس عالم واطلع سالم . لو شنو يحجون ذبيهة براسي .