✏✏✏روز علي .
.
#rose_____ali
.
_____
داليا .
كتلة حبيبي كدامهن لان حسيتهن ضايجات من قربنة اني ويا فكلت عناد بيهن .
.
حسام .
جمدت بمكاني من كالت حبيبي احس قلبي دكاتة صارت الف واوضاعي تخربطت بقيت صافن بعيونهة الى ان صاحتلي مرة ثانية
داليا . حسام تعال اكل شبيك .
.
_______
مرت الايام . ومشت الامور عادي . بوجود حسام . اكون مرتاحة من مموجود اتجنب كل شي . لان بس يحجن ويذبن بسامير حصرة عليه اسوي شي .. خصوصاً اذا طلعنة بمكان ومن ارجع يسممني . واسااسا مطلعنة هواي بس كم مره . .. مره رحت اشتريت ملابس الي والحور ومرة رحنة اشترينة ثلاجة للغرفة وسرير وكنتور الحور . .ومرة ودينة حور للطبيب . حتى الحجية او الشيخة . اذا شافتني لازم تحجي كلمة تسمني سم بيهة . اكول معقولة اني ام اللسان ليش هيج ساكتة يمهن ٠ . . اما حسام . هالفترة احس بي تغير صار يحاول يتقرب مني لو كدامهن يحظني او بالاحرى كدام فرح . بس بالغرفة مناكراتنة ابد متخلص . . . اليوم الاربعين مالت عمو الكل متجهز حتى نروح . كعدنة صلينة .وبدلت اني لبست بنطرون جينز وقميص . وحذاء رياضي اسود . ولبست شال اسود هيج خليتة ع راسي لان صراحة اختنك وبدلت الحور وحسام غسل وصلة وبدل لبس قميص وبنطرون لون اسود . وساعتة ورش عطرة . بس يعجبني اباوع علية وع كشختة .طلعنة بس الشيخة وبنت رعد شيماء بقن بالبيت . حتى منطقتهم كلهة راحت ٤ كوسترات وسيارات صغار . . دا اصعد بالسياره ليكدام اجت فرح دفعتني . وصعدت بمكاني . اني هم محجيت صعدت ليورة اني وحور . ورحاب وصفية كعدن يمي
حسام جان واكف يم الكوسترات ويرتب بيهم . .
.
رحاب .جان لبستي ثوب مشلتح واجيتي
.
داليا . ما اعتقد لبسي بي شي مخل بالاداب . محتشم .
.
صفيه . مو جاية العرس ابوج بهيج لبس العتب مو عليج العتب ع الرباج . مكلج بفاتحة لو بأربعين تلبسين عباية.
.
داليا . سكتت مجاوبتهة بس احس دمي يفور . كلت خل اتجفة الشر . وبلكوة لازمه نفسي لا اغرد وياها واسحلهة هنا . بعدين كلت لا عيني الكثرة تغلب الشجاعة يروحن يكتلني
.
صفية . حبيبة فرح . ملاحظة احنة كلنة كرابة . وماغريب بيناتنه الة الشيطان .
.
فرح . وداعتج . هسه نقرالة كم اية وننفخ علية ونرجعة مين مأجة . .
.
داليا .
بقن يحجن بيناتهن . الى ان اجة حسام صعد سكتن التفت ع فرح وحجة .
.
حسام .
نزلت اني وداليا . كتلهة صعدي رايح اشوف الكوسترات بقيت انظم بالكعده هواي اجوي اسااسا احنة عزمنة الكل يعني هذا شي متوقع . خلصتهم تنظيم . وصعدت بالسيارة . التفت لكيت فرح كاعدة يمي .
.
شتسوين هنا كاعدة.
.
فرح . ها مو ماكو مكان بأي سياره .
حسام . تجين ع عيني وراسي حالج حال رحاب وصفية . تكعدين ليورة . هذا مكان داليا . ممنوع اي وحدة تكعد هنا غيرهة . . ياله نزلي .
.
التفت ع داليا .
وانتي شعندج كاعدة ليورة . ياله تعاي يمي . ممنوع تبعدين عني .
داليا . ياربي اروح فدوة كون ابوسك هسة . نزلت اني ومبتسمة . . صعدت بالصدر وهي كعدت ليورة . وحور بحظني نايمة
.
حرك السيارة . . وتحركت كل السيارات ورانة . مشفته غير اخذ ايدي وباسهة . وبقاهة بأيدة . وكل شوية ماخذهة يبوسها . . تصرفاتة راح تخبلني شبي هالرجال متقلب وبهاي حركاتة ديوكعني بقيت صافنة علية . بدون ما ادري وبدون ما احس بنفسي التفت علية وغمزلي وحجة
.
حسام . شبي الحلو صافن
.
داليا . صار وجهي دم . خصوصاً البنات كاعدات .
.
_____
.
فرح . شوفن اخوجن . (بهمس )
.
صفية . شوفي عندي فكرة اذا طبقناهة . ونجحت بعد لو تموت كدامة ميرجعهة .
.
رحاب .شنو .
أنت تقرأ
في محرابُ عينيكِ اضعت وجودي
Romantizmقصه باللهجه العراقيه . تفاصيلهه حلوة تابعوهه بقلمي الكاتبه روز علي . وفي محراب عينيك أضعت وجودي .... وبحثت عنك من موطن إلى موطن مثل غريب فقد لذة دياره ..
