في محرابُ عينيكِ اضعت وجودي

في محراب عينيكِ أضعت وجودي ١٨ الأخير

✏✏روز علي .
.
#rose_____ali
.

مر الاسبوع بين غياب حسام وبين الشيخة ورزالتهة وحجيهة بخصوص اسد . جوعان شربي وكلي كمطي رضعي راح تموتي متعرفين تربين . . واني اتخبل ولا تكولي كمطي وشدي بالحبل . عندي حظينة حلوة تتلبس مثل جسم السمكه ويرجع عليهه لفاف يلف داير مداير الجسم . متقبل عليهن الة ام الحبل ومنا هو متنحس ومنا هاي ميسون تتنعوص وتتموع طكت روحي .واني تفكيري وعقلي مشغول خاف سمعت كلامنة اني وصفية .

اخذت الجهال وطلعت اتمشى بالحديقة . شفت ولد اول مرة يفوت بوجودي للبيت .واول مرة اشوفة . بس عينة صلفة ولا وخرهة مني .
.
_ نيالهم .ع هيج عيون

داليا .
مجاوبتة اخذت الجهال وفتت للبيت .جانت ميسون واكفة باب المطبخ ومكتفة ايدهة تباوع بنظرة مو طبيعية فتت للصالة كعدت الجهال ورجعت للمطبخ باوعت عليهة شفتهة راحت علية . لحكتهة بخطوات هادئه اليم الباب اسمعهة تكلة .
.
ميسون . سعدون شبيك . شو كاعد تتغزل بيهة كدامي
.
سعدون . انتي دشوفيهة مو جنهة ملاك . حقه حسام من حارب اهلة علمودهة. مصبوبة صب من الله . بس لازم اوكعهة .
.
يمه متت خوف من كللهة هيج . نهزمت للصالة ركض . كعدت يم الشيخة وسكنه. شوية وفاتت ميسون . بقيت اني اسولف ويه الشيخة وسكنة .

حسام .
كظيت هالاسبوع كله بالتحقيقات وتعب وشغل راسي ما اكدر احكه . كمل الاسبوع واني قلبي نار انتظر ابراهيم يخابرني خلص دوامي اجه وقت نزولي للعمارة . كملت وطلعت . بنص الطريق خابرني ابراهيم .
.
📞☎️📞☎️ . ابراهيم .
.
حسام . ها ابراهيم بشر

ابراهيم . شلونك ابو حور .
.
حسام . الحمد لله .
.
ابراهيم . جبتلك شلون دليل . . بس ارجع واستلمة .
.
حسام. اي والله عاشت ايدك . جاي انة بالطريق .
.
ابراهيم . خوش . شوف لا تجي علية . انه اجيك . احسن . خاف تصير سالفه منا منا .
.
حسام . خوش انتظرك .
..
.
داليا .
. كاعدة بالصالة يم الشيخة وسكنة . اسولف واريد الهي نفسي من الي سمعتة من سعدون . مشفت غير حسام طب للبيت
صح كنت مشتاقتلة بس بهاي اللحظة كنت محتاجة احظنة . كمت عليه حظنتة مثل الشي الي يجي بالوقت المناسب ردت بحظنة أحس بالأمان منة . هو بقه شوية حاظني وباسني من راسي . وخرني منة راح ع الشيخة .
.

حسام . شلونج شيخة .
.
الشيخة . هلا يمة . شلوني هم حظي المصخم محد مفرفح قلبي غير حرمتك الي متسمع كلام .
.
حسام . يمة هي من يوم يومهة متسمع كلام . .
.
باوعت ع داليا وغمزت الهة هي ابتسمت .
.
كعدت بالصالة . شلت اسد ابوس بي وحور يمي . . اجوي مازن ورعد وسامي وسعدون وهاي اول مرة يفوت حرمت علية يجي للبيت من جبت داليا لهنا لحد اليوم . لان ادري بي عوينجي داليا جانت واكفة بنص الصالة . اباوع على سعدون عيونة عليهة مركزها راد ياكلهة وهي لابسة دشداشة رياضية مخصرة عليهة وشعرهة نازل بطولة خزرتهة . واحرك الهه عيوني اريدهة تروح متروح .
سويت نفسي شهكت وصرت اكح . كمت اشرب مي هي لحكتني . لزمتهة من زندهة قوي .
.
ولج شكد عينج صلفة . مو ااشرلج روحي منا خل اشوفج تطلعين كدامة .