في محرابُ عينيكِ اضعت وجودي

في محراب غينيكِ أضعت وجودي ١٧

✏ روز علي  
.
rose_____ali .
.

نزلت طلعت للديوان جان بيتنة مخبوص وهوسة .  فتنة  للديوان اول ما شافني عمي وصاني ما احجي كلمة . الة للاخير.   سلمت وكعدت براس الديوان .
.
الله بالخير .
.
الكل الله بالخير .
.
ابو ميسون .  .الصار هيج وهيج سمعنة وعرفنة وفهمنة السالفة هسة  احنة  بنتنة  يمك لابدة (خاتلة) .  عمامنة فدوة اروحلكم قبل ما نبدي  عدنة شرط اجاودينة السموحة منكم

.ابو حيدر (عم حسام ) . .تفضلو .
.
ابو ميسون . ما يتفضل بيك عدو . احنة الجماعة اصحاب الانة  واصحاب القضية . المطلب منكم بعد الاذن من جناب شيوخنة الاكباارية . الي تفضلو ويانة وشرفونة بحضورهم . لان احنة اتفقنة ما نعبركم . والله الكريم .
.
الكل . والنعم والنعم .
.
ابو ميسون . ولا نجي نسويلنة سنينة ونعر صيرة ابختنة احنة بختنة بضبط الله . حتى تشوفون تسامحنة رغم السالفة جايدة ومعروفين احنة السالفة نخليهة بعنوانها وما نعبرها .  وهذا شيخ عشيرتنة  الشيخ حمد هو الي يتولى السالفة .
.
الشيخ . الله بالخير جميعاً
.
الكل .  الله بالخير .
.
الشيخ حمد .  قبل كل شي اجينة لهنا واحنة مغتاضين . وماراضين ع الي صار  لكن من لكينة المنطقة هنا سلف واحد وعالم وحدة ضلينة منتجين . وساكتين وماراضين ع هاي السالفة.   شيخ رعد . شد رايتك . شدها حتى نسولف .
.
شيخ رعد . بارك الله بيك . 
.
وهاي انشدت الراية على رضاكم . 
احنة عائلة الشيخ حجي محمد بيت ابو حسام . احنة وياكم عايلة بيت ونختلف . وهاي كرامة  كل احنة وانتم سلف واحد .
.
شيخ حمد . خل الراية يم السادة .
.
شيخ رعد . وهاي الراية يم السادة .
.
شيخ حمد . خوالنة.  والاجاويد المنگولة.  سالفتنة جايدة تخص الشرف وبيها تدنك روس . وعكل جثيرة  ولازم يظهر الحق بيها حتى ما توصل الامور لايحسن عقباها .
الفصل فصلنة . هو ٢٥٠ مليون  يطيح لما يملج عليها ملجة سيد .  و٣٠ مليون مع ايقاف التنفيذ . الشيخ حسام ابن الشيخ محمد معروفين اصلهم وفصلهم وحسبهم ونسبهم .  والله ريس من رؤوساء السلف  وما تطلع منهم العيبة  وعنوان هو واهلة واخوتة خيالة  ومراجلية  وعراكة  وبيهم ينشد الظهر حزام .  لكن لما تجي الوكت الستر  لا والله لا خير فديوان اذا مايصير بي ستر ولا خير بديوان  اذا ما يصير بي عنوان .
.
ابو مازن .  شيخ حمد.  جا شنهي ٢٥٠  هينة . شنو السالفة كاتليلكم وليد  و٣٠ مليون  مع ايقاف التنفيذ .
.
شيخ حمد .  انة بخدمتك . أنت غير تنطيني مجال اسولفلك
.
ابو مازن . أنت سولف . بس ناوين تلبسون حسام السالفة كلها ولاجن الغلط من يمكم هم .
.
شيخ حمد . خليني اخلص . وذيج الساعة اذا ما لاكلك  الحجي عبر جوابك علي .  الحجي نثية وفحل خالي . والحجي رمح برمح انت تذب رمحك وانة اذب رمحي موش هيج الحجي يو لا . انت لا تكضني من بلعومي بعدني .
.
ابو مازن . لا لا اني ماردت اكضك انة ردت ارتبلك الامور . 
.
شيخ حمد . انة اذا مارتبت الحجي انت صير مرتاح بمجاني  .
.
ابو مازن . انت معدل شيخ وترتبها ونص . 
.
شيخ حمد . جزاك الله الف خير . 
.
ابو مازن . احنة صدك انطيناكم الرگبة والحزام بس علكيفكم ويانة . انة ما كيلك لا  انطيتك الوكت الكافي وانطيتك الوكت المناسب .واتحدثت وسولفت بما فيه الكفاية . 
.
شبخ حمد . مانحجي لا ما نحجي  بعد مو هيجي مو هيجي .شنو هاي
.
ابو ميسون .  شيخ حمد انة موكلك بكيفك انت تحط الحدود احنة صاحبين قضية  وسالفة وحق وبأعتبار بيتنة مديوس .
.
شيخ حمد . لا خلة الزلمة يسولف مو هيج السوالف شنو اول مرة نكعد بدواوين . من واحنة فروخ تربينة بنصهن . جا هو مطان جبير
.
ابو حيدر (عم حسام ) . انتو جايين ونيتكم تركبون علينة . 
.
شيخ حمد . خالي رعد ما تسولف .  رجاءاً شيوخنة.  شيخ رعد باوع علي انة بخدمتك . اخدم جنابك الكريم فدوة اروحلك احنة الحجي على السجة .  اكو الي معنين بالامر وانطيك اسمائهم اخوك الشيخ حسام .  وميسون .بنت الشيخ جابر .   احنة مو هذا الكال لا اله وخنكة من بلعومة  ويسأل ليش تكفر . . يرد بوية خل اكول الا الله . الا مايصير هذا الحجي اخدم جنابك الكريم .  ال ٢٥٠ طايحة بعد الملجة. وال ٣٠ مليون قيد التنفيذ والي هي سياك للبت . وفوك هذا البت متبرين منها اهلها .  بدل ما يغسلون عارهم   يمشون بشرع الله وكتابة العزيز .