حياتي تؤلمني💔(منقوله )

1

#المقدمه🌙💓
عصام راجل غني فلوسه عباره عن تراب .. ولده وسيم عمره 29سنه جذاب و جميل مستسمر فلوس بوه و عنده شركه خاصه بيه و رأس ولد و أخته ولاء عمرها 17سنه أخر العنقود .. أمهم حنان

.........................

مجدي راجل عادي رأس بنت عنده سيرين عمرها 19سنه حلوه و أنيقه أجتماعيه تحب الناس .. وهي علاقه مع ولد خالتها وسيم .. أمها حنين و بوها متوفي

...............

#حياتي_تؤلمني  الحلقه 1🌸💕

حنان : هيا اليوم كلنا بنجتمعوا في حوش جدكم

ولاء : ههههههه تي هي خاله واحده

حنان : وخيتي ربي يحفظهالي ماعندي وخيه غيرها وقت الشده ما نلقى إلا فيها

وسيم : تمام واتين هيا أطلعوا عندي مشوار مع واحد صاحبي

حنان : مشاويرك مايكملوش يا ولد كان تقولي شن قصتك

وسيم : أيييه علينا

ولاء : خلاص صكروا الموضوع سيرين تتصل

سيرين : وينكم يا كلبه

ولاء : ههههههه زعما أستاحشتيني أني ولا أمي 😂

سيرين : مسخه هههههه غر قولي لخويله جيبي معاك الكعك

ولاء : باهي ماتبي شي تاني !!

سيرين : نبي وسيم معاكم ههههه غر صكري يا فرخه لما تفضحيني قدام أمك

ولاء : أصلاً تعرف

سيرين : كذابه حي يا غبارتي لما نتلاقوا أحكيلي

.........................

تلاقوا في حوش العيله 💕و كانت سيرين لابسه لبسه حلوه زي ما فصوره أما وسيم كان طرف ع الاخر طالع

حنين : سلم وليد وخيتي أقعد مازال

وسيم : منوره يا خالتي عندي مشوار مع واحد

سيرين : أقعد أشرب معانا قهوه

وسيم شبح لنقاله لقي مسج : لا والله مافيش وقت و أهو يتصل بيا

سيرين : باهي مدامك نازل خلي نمشي معاك نسيت الصاكو فالسياره

حنين : لا أنا ركبته معاي

سيرين غمزت ل ولاء معناها ديري حل

ولاء : لا أنا قتلها تجيبلي حاجه معاها

وسيم : هي

نزلوا لوطا 🙂سيرين شدت أيد وسيم

سيرين : حبيبي أستاحشتك أقعد

وسيم : حتى أني هي تشاو

سيرين : أوف خيرك هكي جاف بكل

وسيم :  هذا طبعي هي تشاو

سيرين : ربي صبرني عليه والله نحبه بس عندي أحساس داس عليا شي

ولاء : شن داس مثلا

سيرين : خلعتيني أنتِ من أمتى هني

ولاء : مية الف مره نقولك معاش تدوي بروحك لانك هكي في يوم من الايام ح تفضحي روحك😂

سيرين : فالليل أغلب الاوقات شن أيدير

ولاء : هو في داره و أنا في داري

سيرين : زعما يخون فيا

#يتبع

عطوني رأيكم مش تم تم 😳عاد والله ما نكتب الحلقه نقعد نفكر و نكتب و نمسح و نعاود و نتعب عاد كافئوني 😭