Happily Never After

Chapter 17 - [Flashback] Jealousy

CHAPTER 17 – [Flashback] Jealousy

Christine’s POV

January na. Ilang buwan na lang March na, gagraduate na kami. Pero bago magMarch, syempre February muna at isang pinakaaabangan namin nila Minnie at Mandy tuwing February ay ang Juniors and Seniors Promenade ng school namin.

“Uy guys, may gown na kayo para sa prom?” –Mandy

“Mandy, do you realize na January pa lang and it’s still too early to talk about the prom? Di ka rin naman excited ‘no?” –Minnie

“Wag mo akong ini-English.” –Mandy

“Whatever.” –Minnie

“Pero srsly, naghahanda na ba kayo para sa prom? Meron na na ba kayong dress, shoes at accessories? Saan kayo magpapaayos? Paano kayo pupunta doon sa venue? Saan kayo bibili ng mga—“ –Mandy

“Srsly Mandy, shut the fuck up.” –Minnie

“Hmp. Sungit. Para namang hindi ka excited para sa prom. Diba nga, inaabangan natin ‘yon? Tsaka dapat hangga’t maaga, nagpeprepare na tayo. Mabuting na ang handa.” –Mandy

“Mandy, I am looking forward sa prom pero masyado pang maaga para maexcite. Like srsly? Hello? Kakaumpisa pa lang ng January, ang prom natin last week of February pa. Mahaba pa ang oras. Kaya wag kang atat much.” –Minnie

“Bahala ka nga kung ayaw mo. Basta ako, ngayon pa lang—“ –Mandy

“Fine. Whatever. Gusto mo ‘yan e.” –Minnie

Silang dalawa lang nag-uusap. Ako? Ito nakatunganga, kung saan-saan nalipad yung utak ko. Nagdeday dream. Iniisip ko, sino kaya yung first dance ko sa prom? Dapat maging memorable yun kasi huling prom ko na ‘to e. Sana si Tristan.

HEP HEP! Bakit ko na naman ba iniisip ang lalaking yun? Forget him na nga e diba? FORGET HIM!

E kasi naman, bigla bigla na lang siyang sumasagi sa isip ko, parang tanga lang.

“Huy. Tulaley ka diyan. Iniisip mo?” –Minnie

“Si Tristan na naman, malamang.” –Mandy

*SAPOK*

“Aray naman! Ano na naman ba? Pareho kayo ni Minnie, lagi niyo akong inaapi!” –Mandy

“Wag na nga sabi banggitin yung pangalan niya e.” –AKO

“Nga naman, paano makakapag move on yung tao Mandy?” –Minnie

“E kasi. Hanggang ngayon ba naman Tine? Kalimutan mo na yung nangyari weeks ago. Makapag-emote ka diyan akala mo naman naging kayo ni Tristan at pinagtaksilan ka niya. Srsly Tine? Hahahaha!” –Mandy

“Hindi ka nakakatulong, alam mo ba yun?” –AKO

“Paano ka naman kasi makakamove on, e kung yung simpleng pagbanggit ko sa pangalan niya naapektuhan ka. May malisya kasi sa’yo. Engot much ka rin minsan e.” –Mandy

“Nagsalita ang hindi engot.” –Minnie

“Totoo naman kasi e!” –Mandy

“Tama na, tama na.” –AKO

“GUYS!”

Si Abby pala. At as expected, nakabuntot pa rin sa kanya si Kurt. Nanliligaw pa rin siya kay Abby hanggang ngayon. Ewan ba kay Abby kung bakit hanggang ngayon hindi pa rin niya sinasagot si Kurt e obvious naman sa kanya na mahal na mahal niya yung tao. Pinapatagal pa at nagpapa-hard to get, doon din naman pupunta yun. XD