قدم اي حاجه حلوة للحوليك قبل ما يفوت الاوان .. عيش اللحظه بلحظتها .. م تشيل هم الجاي والراح .. "
اريام وفؤاد كانو داخلين البيت بتكلمو مع بعض وبضحكوو .. دخلو و مسو على ابوهم وامهم .. أريام طلعت غرفتها على طول بس فؤاد قعد بعد م شاف الزعل الفي وش امو وابوه..
رياض: ممكن افهم سبب العملتو
فؤاد: حقك علي ي ابوي م قصدي م اجي بس .. قاطعو ابوه بحزم
رياض: احنا رحنا نخطب بت ناس وزول شغال معاي ف الشركه م رحنا نلعب ي فؤاد
بدريه: ي ولدي راسك فيهو شنو فهمنا اول شي مشيت اتكلمت مع ابوها بدون م تكلمنا وبعد م عرفنا قلت لينا نخطبا رسمي صح ي فؤاد؟؟ جاوبني ي ولدي
فؤاد: صح بس نيتي من الاول م امشي معاكم لسبب انا عارفو
رياض: ختيتني في موقف شين مع المعتصم ..المهم حصل خير انا وامك مشيناا وهم م شا الله م قصرو معانا اطمن بس راجين جيتك عشان تحددو الخطوبه انت والبت
فؤاد: م عايز اعمل خطوبه ي ابوي بعد شهر بالضبط عاوز اعقد والعرس مع بعض😊
بدريه: بعد شهر؟؟؟ فؤاد انت هس شفت البت واتكلمتا معاها لمن تعقد
فؤاد: شفتهاا وبعرفا كويس ي امي اطمني عليكم الله راضوني وافقو العرس لازم يتم بسرعه .. وقف على حيلو اخد نفس طويل وباس راس ابوه ويد امو وطلع لغرفتو الكانت في الشقه الفووق ..
_
تحت صوف البطانيه الداافي غمضت عيوني وابتسمت بعد م سمعت صوت غياث وهو بقول: السااعه 7 يا هانم قومي اعملي القهوة انا اتأخرت😏
نور وهي بتفرك عيونها بعد م بعدت البطانيه: م حقووم وطلعت لساانها😝
غياث هو بيقفل زراير القميص: متأكدة ؟؟😏
نور: اعلى م في خيلك اركبو واتلفت بالبطانيه بسرعه😌
غياث رجع خطوتين لورا وفتح باب الحمام وجاب جل الحلاقه بتاعو .. جاا وقف قداامها وهي لسه رااقدة ومتغطيه .. زحا البطانيه بسرعه ومسكها ممن شعرها الناعم فتح الجل بسررعه وملى ليها وشهاا الضااعت ملامحو جوة رغوة الجل 😂😂
غياث وقف بعيد وبضحك فيهاا وهي بتحاول تبعد الرغوة عن عيونها .. نزلت بسرعه ودخلت الحمام .. غسلت وشها بلههفه رفعت راسها وعاينت ف المرايه طلعت من الحمام وعابسه ملامحها بعد م اتأكدت انو مافي رغوة ف وشها ..
نور بصوت عالي: غيااااااث 😡
غياث وهو واقف ف مرايه الكومدينه وبصلح ف ملابسو: يعيون غيااث 😻
نور: انت... سكتت بعد م شافتو بقررب عليها وببتسم بخباثه .. انفااسها بدت تتعالى وقالت ليهو: اقيف مكاانك والا والله
غياث: وإلا شنو حبيبي
نور بتلبك :غياث حمشي اعملك القهوة .. عايزة تطلع مسكهاا وجرااها عليهو .. كانت بتعاين ليهو هي ورافعه راسها لانو كان طويل .. عيونو الحادة اربكتها .. دقنو الخشن قصاد عيونهاا .. قرب منها اكتر
غياث: لا حردتها بس حأخد شي تاني بالمقاابل
نور وهي بتعاين ليهو: شنو؟
غياث رجع خطوات لورا وفتح درج السرير وقال ليها : الكارد بتاعك عشان حقي ضااع 😂
نور الكانت بتعض على سنونها بغيظ من تصرفو : طيب بس يلا حعملك القهوة لأنك اتأخرت
غياث: حشربها ف الشغل .. عايز يطلع بس نور وقفتو .. رجعت شالت واحدة من ساعات الشغل بتاعتو وجات تلبسها ليهو .. باستو ف خدو بعد م لبستو الساعه وقالت ليهو خلي بالك من نفسك .. رد ليها حاضر يلا ... وطلع💜
نور: دخلت رتبت البيت بعد م جااني اتصااال من اغلى ناس ف حيااتي .. اعملت اي صنف ف راسي وبخرت البيت وجهززت نفسي
__
الساعه 9:06 صباحاً
في غرفه زرقااء كل اثاثها ازرق .. في كل مكان عطر باسم المفضل .. سكتشات وسيدهات وكتب والالوان.. باسم الكان متمدد ف الارض ورافع رجولو ف السرير ومشغل الموسيقي بصوت عالي .. ماسك تلفونو وبيضحك في لايف واحد من اصحابو .. باسم شخصيه معروفه ف السوشيال ميديا محبووب .. وشو البشوش وملامحو الفرنسيه الاخدها من امو عيونو الزرقاء وشعرو النازل ف اكتافو (حنزل قصة شعرو وشكل الغرفه) ..قام بسرعه واتوجه لأمو الكانت واقفه ومتكلة على الباب وملامحها بتشع غضب .. وقف وباسا ف راسها
شمس امه: الاغاني دي حتأذيك ف يوم وبعدين وين مزاكرتك؟؟
باسم: قريت لمن راسي حينفجر اوعدك مادة بكرة حجيب فيها A وبلص لعيونك الحلوة دي يا احلى ام وباسها تاني😻
شمس بضحك: بتعرف تتوراى ف كلامك الذي العسل دة .. هس اجهز عشان حنمشي لأختك💜
باسم بعد ملامحو الاتغيرت: امشو انتو انا حقراا وعندي مواضيع تانيه
شمس: انت لسه زعلان من اختك
باسم: لا م زعلان
شمس:يلا اجهز لانو ابوك مستعجل وطلعت قبل م تقفل الباب وراها .. مشت لراجلها وابو عيالها
ناصر وهو بعاين ل شمس: رفض يمشي معانا صح
شمس: لا م رفض م تشغل بالك حدخل اجهز قبل م ولدك يغير رأيو
باسم غمض عيونو بغيظ وقال: مشتاق ليهاا بس م عايز اشوفهاا 💔
يتبع.....
أنت تقرأ
كانسر
General Fiction📝 بقلم: وفاء الكردي الكانسر مرض حقيقي في حياة كل واحد مننا .. دايماً بِنحاول ناخد البسيطْ من كل حاجه حتى من المرض' إلتهاب وحمى .. بنكون مفهمين مناعتنا أنهم بيروحو مهما طال وَقتهم .. الكانسر' عمرو ما كان ميعاد بنوقف فيه نوقف نتنفس .. نتونس .. نبتسم...
