إحنا ما دايماً ملايانين من جوانا حزن ، إحنا بس كوكب من الجلي لما يتصدم بيتهزز كلو ، بنبدأ نتزكر احساس احزان انتهت بسبب حزن جديد 💔
_______
زحت شعرها النازل في عيونها .. اتثابت وحاولت تفتح عيونها .. قامت ببطئ وبتعاين لنفس الاتجاه الغمضت عليه عيونها لما نامت .. قامت لمن ما شافت فؤاد نزلت تحت .. من جواها كانت عايزة تناديه .. بس دخلت غرفتها اخدت دش وصلت .. حاولت تنوم بس ماقدرت .. جاها اتصال شالت تلفونها
نهى ردت بصوت خائف: الو
فارس بضحك: العروس لحقتي تنسيني.. فؤاد قدر ينسيك حبيبك ؟
نهى: فارس انا حقفل ممكن م تتصل تاني
فارس: لا حتصل تاني وتالت ورابع لما ارجعك لي حياتي تاني
نهى: انت بتخرف بشنوو فارس انت ما عارف انت بتقول ف شنو
فارس: يا قلب فارس اديني المحروس راجلك عاوز اسلم عليهو هو كمان نسا اصحابو
نهى ما اترددت وقفلت الخط ف وشو ملامحها عبست بكت بصوت عالي كأنها شايفه طشاش رمت راسها ف المخدة ونامت بعد صداع ..
_______
نور الكانت صاحيه وحاسه بحركه غياث وهو بيجهز للشغل :حسيت بقبلتو على خدودي بس ما حاولت اقوم .. بعد دقائق رفعت راسي لما سمعت صوت الباب وعرفت انو طلع ..
دخلت اخدت دش وجيت قعدت ف الصالة اتصلت على ريفال ما كنت عاوزة احسسها بشي بس ما قدرت احبس دموعي لما سألتي اخبارك ي سوبر ..
______
ريفال ما حاولت تسأل نور ليه بتبكي؟؟ قامت من سريرها بسرعه .. صوت صحبتها وهي بتبكي كان خانقها ..حست بأنها موجوعه .. ما اترددت نزلت وطلعت عربيتها وراحت لنور ..
_________
نور كان بتشهق وهي بتبكي .. احساس الخزلان ذي مرززبه كبيرة بتضرب بقوة ف حيطان قلبك ..
نور وقفت عشان تحضن ريفال والدموع مغرقه جفونها .. ريفال حاولت تهديها .. دخلت المطبخ جابت ليها مويه وقعدت جنبها .. ماسكه ايد نور بتوتر وهي ما عارفه شي اول مرة تشوف صحبتها مهزوزه ..
ريفال: مش كفايه بكى
نور: لانك ما فاهمه شي
ريفال: عاوزة افهم لما بكيتي ف التلفون ما فهمت شي غير اني لازم اجيك
نور وعيونها ملاينه دموع: وانا ما عايزة اشيلك همي انتي براك مهمومه 💔
ريفال: اها دي عوارة جديدة والله العظيم حضربك
نور بدون ما تحس حضنت ريفال شديد وحكت ليها بالصور .. ريفال لما زحت نور كانت بتبكي معاها وبصوت مكسور قالت لنور: غياث؟؟ لا مستحيل
نور: شفت اي شي الصور حكت اي شي ي ريفال💔
ريفال مسحت دموعا: لا اكيد ف شي جيبي .. شالت تلفون نور وحاولت تشوف الصور .. كانت بتمرر عيونها بصدمه ف الصور
ريفال بصدمه: خلوووود 😳😳؟؟؟؟
نور مسحت دموعها: خلود منو ؟؟؟
ريفال: دي ... دي خلود صحبت جيهان
نور: ريفال انا ما فاهمه شي خلود علاقتها شنو ب جيهان ؟!
ريفال: انا كمان ما فاهمه غياث بعرف خلود من وين ؟؟ معقولة تكون جيهان هي الرسلتلك الصور ؟؟
نور:وجيهان مصلحتا شنو
ريفال: انتي ناسيه انها بتكرهنا
نور: ما سبب يخليها ترسل لي صور صحبتها مع .. نور سكتت شويه
ريفال: مالك سكتي
نور: ليه ما تكون خلود البتقوليها دي الرسلت الصور ؟؟
ريفال : خلود داخله معاي ف قروب جيبي الرقم الجاتك منو الصور
ريفال قارنت الرقم مع رقم خلود .. طلع نفس الرقم
ريفال: واطيه ي خلود ما حستغرب لانها اصلا كدة
نور بصوت مبحوح: وغياث برضو كدة
ريفال: احتمال الصور مفبركة ي نور ما تحكمي بصور على غياث انا واثقه فيهو برضو
نور: ريفال انا صحفيه انا بقدر اعرف الصورة اذا مفبركه ولا لا ! والصور ديل ما مفبركين 💔 ما مفبركين ي ريفال💔
.. اتسندت على ريفال .. ريفال مسحت بيدها على راس نور قالت ليها ما تستعجلي برضو .. قعدت معها لمن هدت وقالت ليها حفتش وراء الصور دي وانتي اهدي حبيبتي ما تتعبك نفسك عشان البيبي
نور: ما تشيلي همي انتي وخلي بالك من نفسك
ريفال: خلي بالك انتي من نفسك .. باست نور ف خدها وطلعت 💔
يتبع.......
أنت تقرأ
كانسر
Fiksi Umum📝 بقلم: وفاء الكردي الكانسر مرض حقيقي في حياة كل واحد مننا .. دايماً بِنحاول ناخد البسيطْ من كل حاجه حتى من المرض' إلتهاب وحمى .. بنكون مفهمين مناعتنا أنهم بيروحو مهما طال وَقتهم .. الكانسر' عمرو ما كان ميعاد بنوقف فيه نوقف نتنفس .. نتونس .. نبتسم...
