غياث كان نزل على ركبو .. قبل ما يحس بايدين جنان وهي بتطبطب على خدودو ..
فتح عيونو وعاين لجنان الكانت شايلة شوكلاه وبتاكل فيها ومسخه نفسها .. عاين لنور الكانت بتبوسو في خدو ..
نور: صباح النور
غياث قعد في سرير قبل مايحضن نور بقوة .. باسها عدة بوسات في راسها ..
غياث: نور انتي كويسه
نور بتاكل في شوكلت تانيه: ايوة انا تمام شكلك بتحلم
غياث خلل شعرو بعد ما اخد نفس: كابوس مش حلم 💔💔
نور: ان شا الله خير
غياث: ما تاخدي في بالك ..
شال جنان اللفت ايديها الصغار في عنقوو .. دغدغها وهو بضحك لضحكاتها الحلوة ..
بعدها اتوضو وقفو يصلو الصبح .. وجنان وقفت وسط امها وابوها وهي لابسه الطرحه ومبسوطه انها حتصلي ..
صلو وغياث من جواهو كان مبسوط انو كل الحصل كان مجرد حلم .. صلو ودعو غياث كان بدعي انو ما يفقدها دعا انو ما يعيش الشعور القاسي دا .. نور دعت انو ربنا يعوضها بالجنين القررت تجهضو عشان تبدا علاجها .. اول ما خلصو .. نور ضمت غياث
نور ختت ايدها في بطنها: مش قلت ليك حعمل اي شي عشان ابسطك! حبدا العلاج يا غياث
غياث: ربنا حيعوضنا اكيد
نور: مؤمنه انو ربي حيرضيني ..
..
_____
باسم كان مع اريام في اكبر معرض رسم في السودان .. كانو عاملين مساابقه كبيرة .. باسم واقف جنبها وهي بترسم .. كانت متوترة ..مسك ايدها لاول مرة وقالها انا جنبك 💜 اريام بعد الكلمه دي قدرت تحافظ على توازنها واتغلبت على خوفها .. بعد منها خطوات قبل ما يقولهاا يلا حتنجحي 😻
اريام عاينت لعيون باسم الكلها حب .. رجعت ترسم وشكلها ريلاكس .. بعد خلصو الناس بدت تشوفهم وتصوت على اجمل رسمه واكتر رسمه بتحمل معنى .. وفي سياح فرنيسين واسبانيس كانو متواجدين في العرض الضخم دة .. ووزير الشباب كان على حضور .. رغم كميه المتسابقين والفنانين الا انو اريام قدرت تحرز المركز التاني في اجمل رسم .. كل الناس كانو بصفقو ليها بإشادة .. رفضت تاخد اي هدايا غير الوسام كانت مبسوطه جدا .. بين عيونها البتسرق نظرات لباسم وهو مبسوط وبعاين ليها .. اول ما خلصو اليوم طلعو اتعشو مع بعض .. يومهم كان مميز اكتر .. بعدها باسم قرر يوصلها البيت .. وقف العربيه جنب بيتها ..
باسم: حتفضلي تعايني لي كدا وما حتنزلي
اريام بابتسامه ورديه: شكرا
باسم: على شنو
اريام مسكت ايدو: على اي شي حصل معاي على حياتي الاتجددت على ايدك شكرا لانك انتشلتني من فارس .. 💜
باسم ضغط على ايدا: انا العاوز اشكرك على شعور كبير قدرتي تديني ليه قدرتي تخففي علي كتير .. وبعدين اي زول في محلي كان حيعمل كدة اتاكدي اني بحبك وذي اختي 😊
اريام للحظه حبست دموعها كلمه اختي كانت اقرب للموت بالنسبه ليها .. نزلت قبل ما تودعو ..دخلت غرفتها ومسحت دمعه نزلت على خدها.. اتوجعت كتير من الكلمه .. اتأكدت انها بتحب باسم .. وما بس كدة اريام بتعشق الهواء البتنفسو ..
باسم اتحرك بالعربيه وهو بين شعور "متخلف" سأل نفسو ليه قالها ذي اختي .. قال بصوت واطي "بحبها" ..
باسم كان فاكر انو بيخون دانيا .. فاكر انو حتتعذب لما يحب اريام .. ابتسم بوجع ..
______
الساعه 10:00
غياث ونور حيسافرو بعد يومين امريكا .. غياث عايش على امل كبير انو يرجع مع نور وهي متعافيه .. دعا ربو كتير دعا ربو وسط دموعو وقلبو المكسور .. ربنا حيستحيب لغياث!!؟ نور حتتعافى ولا حتموت بشعور " الإرادة" القدر غياث يولدو جواها .... نور كل الكان بهمها انو ترجع ابتسامتو.. يرجع حبيبها الاول الكانت بتتسند عليه ..
نور كانت في سطوح البيت وجنان ملتفه في عنقها وبتلعب معاها .. اتصلت عليها ريفال .. صوتها كان متغير ..
ريفال: نور!💔
نور: يااعمري انتي
ريفال سكتت ومسحت دموعها ..
نور بضحك: ما تكوني نمتي بالعربيه دي كل اللي حيلتي💔
نور بدت تسألها وهي بتبكي .. نور ما كانت مفتكرة انو ريفال عرفت بشي .. قايلة انو ضياء عملها شي بعد السنين دي .. كانت بتسألها بخوف وريفال ما بترد .. ردت بعد مسافه بصوت مكسور
ريفال: انا جايه عليك ..
نور دعت انو ما تكون عرفت شي .. غياث جا وقالها انو حيطلع .. حسا بانها متغيرة بس كان مستعجل .. نور نزلت اول ماسمعت صوت الجرس .. فتحت لريفال .. عاينتلها لثواني وفجاءة ريفال ضمت نور عليها .. بقت لدقايق متواصلة .. كانت بترجف وهي في حضنها وبتقولها بكهرك يانور ..😭😭
نور: ريفال عاينيلي 💔
ريفال: يبقا صحبت طفولتي وحياتي كلها يطلع عندها سرطان وانا ما عارفه .. للدرجه دي انا شمااعه في حياتك ولا كأني موجودة ..
نور: ايوة انتي شماعتي البعلق عليها حزني وسعادتي ريفال انا ..
ريفال بابتسامه بين دموعها: ما بهمني غير انك تكوني كويسه وانتي حتقدري تتخطي المرض دة انا واثقه يانور حموتك اذا جبتي سيرة الموت على لسانك
نور: ان شا الله بس انتي اهدي
ريفال ضمتها: اكيد ربنا ما حيحرمني منك ..
نور: انتي كيف عرفتي غياث قالك!؟
ريفال: لا تحاليلك في العربيه بتاعتك
نور ضربت راسها بايدها: لاا .. الحمدلله انو ما باسم ولا ز
ول تاني شافهم
نور:لااا .. الحمدلله انو ما باسم ولا زول تاني شافهم ..
ريفال: ما عايزاهم يعرفو؟
نور: لا اوعا يعرفو يا ريفال عشاني .. شمس وبابا ما حيستملو .. حيروحو فيها ياريفال ..
ريفال: طيب باسم
نور: ما حيعرف كمان باسم طالع من صدمتو بموت دانيا ما حيتحمل ..
ريفال اخدت نفس وبتصبر نفسها من جواها: حتتعافي
نور: بس خليك جنبي
ريفال: طول عمري حكون جنبك 💜
نور ورت ريفال بسفرتها هي وغياث .. الكانت بعد يومين .. ريفال حست براحه بعد الشعور الدخل قلبها .. عدت ساعات وطلعو مع بعض عشان يعملو اخر فحوصات للحاله الجنين ويتاكدو من سلامه نور .. نور بين صحبتها وزوجها وبنتها .. كانت متفائلة وثقه انها حتتخلص من الخلايا السرطانيه .. بعد ما الدكتور طمنهم .. نور "بدت معركتها مع الخلايا دي"
سافرو امريكيا بعد يومين .. باسم وشمس وناصر ما كانو عارفين بمرضها ..
وصلو مطار امريكا غياث طول السفرة ما ساب ايدها .. انبسطو لما شافو فؤاد ونهى منتظرينهم في المطار .. نهى سملت على نور بشوق وفؤاد كمان .. فؤاد كان شايل جنان ومبسوط بيها شافها بعد زمن طويل .. طلعو مع بعض في عربيه فؤاد .. وجنان قدرت تنسيهم للحظه سبب جيتهم .. نهى كانت مبسوطه بجنان ذي فؤاد .. اتمنت انو ربنا يرزقها بجنان صغيرة تكونلها جنة حياتها💜
وصلو البيت وطلعو عشان يرتاحو ..
يتبع.....
أنت تقرأ
كانسر
General Fiction📝 بقلم: وفاء الكردي الكانسر مرض حقيقي في حياة كل واحد مننا .. دايماً بِنحاول ناخد البسيطْ من كل حاجه حتى من المرض' إلتهاب وحمى .. بنكون مفهمين مناعتنا أنهم بيروحو مهما طال وَقتهم .. الكانسر' عمرو ما كان ميعاد بنوقف فيه نوقف نتنفس .. نتونس .. نبتسم...
