كانسر

الجزء 22

غياث ونور كانو بيتعشو مع بعض في سطوح البيت ..
غياث:حطلع مأموريه بعد يومين
نور: والله💔
غياث: ماا عايز اخليك ف الوقت دة بس اعمل شنو
نور: حترجع متين طيب
غياث: بعد شهر 💔
نور زفرت: ابدا ما وقتهااا
غياث: عارف .. ما تشيلي هم
نور: حبيبي السوبر حشتاقلك😂
غياث ختا ايدو ف بطن نور : واخبار السوبر التاني شنو 😻
نور: بقيت احس بحركتو 💜
غياث: ياابختو 💜
______
الساعه 9:00
فؤاد كان نايم صحى بصوت الاغاني العالي
.. نزل بسررعه .. شعرو منكوش ولابس برمودة بيضاء قميص كحلي .. الصوت كان جاي من غرفه نهى .. اتنرفز لأنو دة يوم الاجازة الوحيد بتاااعو .. حسا بصدااع في راسو .. رجع دخل الحمام ونزل عمل قهوة .. تلفونها كان جنبو في الكرسي ..
كان بتكلم مع صحبو الامريكاني في شغل .. اثناء ما بتكلم مع صحبو تلفون نهى اتصل .. المتصل مسجل بي فارس وجنبو هارت .. فؤاد ما حسا بنفسو لماا قفل في وش صحبو .. رمى تلفونو .. ومسك تلفون نهى .. ضغط عليهو كان شويه وحينكسر .. وقف على حيلو .. بس رجع قعد ورمى التلفون .. فارس ماا وقف رن .. وفؤاد بحاول يتمالك نفسو ..
نهى جاات بعد ما سمعت صوت تلفونهاا .. ملامحها اتوترت لمن شافت الاسم 💔 .. شالتو بسرعه وكانت بتعاين لفؤاد الكان بعاين ليهاا بقوة ..
فؤاد بنبرة حادة: افتحي الاسبيكر
نهى بدون ما تتردد فتحت الخط والاسبيكر ..
فارس: شنو يااغالية مااعايزة ترردي
فؤاد وهو بعاين لنهى : ردت عشان ماتكسر خااطرك في احلى من كدة
فارس بإستغراب: فؤاد!؟؟
فؤاد: وعزة جلال الله اذا جا على بالك تتصل على نهى مرة تانيه حتندم والله حتندم ياا فارس .. فؤاد مسك منها التلفون ورمااهو وكان بعاين لنهى بقوة.. نهى واقفه وشايفه البحصل .. رجعت خطوات لوراا لما فؤاد صررخ في وشهاا وكان حيضربها.. غطت عيونهاا ووقعت على ركبها ف الارض .. بكت بحررقه بكت على نفسها اتحسرت من البحصل فيها 💔
فؤاد ما حاول يشوفها ولا يعاين في عيوناا .. اخد تلفونو وطلع ..
نهى بتبكي بكرهك ياافؤاد بكرهك 💔😭
___
بعد اسبوع ..
فؤاد كان بطلع شغلو وبجي بدون ما يعمل اي حركه .. نهى ما كانت بتطلع من غرفتها ..
غياث ساافر المأموريه كانت برة البلد ..

في عربيه ريفال..
ريفال: نور هانم خلاص حترجع لحياتها القديمه😻
نور: احلى شي اني حنوم الليله في حضن ماما 😭
ريفال: طيب حسسيني اني صحبتك شويه😒
نور: لا م تسبقي الحوادث ي ريفال حكرهك حياتك😂
ريفال: هو انا لاقيه😻
نور: بس ما تكوني وريتي شموستي
ريفال: لا امك مااعارفه شي
( توضيح: المكان الساكنه فيه نور بعيد شويه عن اهلها .. ريفال صحبت طفولتها يعني ولحدي الان جيرانهم ام نور وام ريفال اصحاب شديد ومقربين لبعض علاقتهم اعمق بكتير💜)

نزلوو من العربيه الساعه كانت 1:00 ظهر
وقفو ورنو الجرس .. شمس اول ما شافت بتهاا حضنتهاا بقوة وباستها💜 .. دخلو وقعدو وشمس ماسكه ايدين نور .. ما صدقت لقتهاا جنبهاا .. ناصر ابوها كان برة البيت ..
ريفال: باسم وين يا خالتو
شمس: باسم بعمل شنو غير النوم😒
نور: حبيبي اشتقت ليهو 😭
قااامت بسررعه وامها بتقول ليها امشي براااحه يا بت .. دخلت غرفتوو المستكينه .. كانت بتمرر عيونهاا لنفس الغرفه القديمه .. لمن تجي تصحيهوو للفطور .. باسم كان ناايم وبشخرر .. دخلت برااحه وقعدت جنبو .. قالت ف نفسها نفسي اصحيك برااحه بس اعمل شنو ؟😂 شالت المويه المختوته ف الكومدينه وكشحتو بيهاا.. باسم قاام مفزوووع ووقع من السرير .. شعروو الطويل اتملا مويه ونزل على عيونو .. وقف على حيلو بعد ما شاف اختو 💜.. اتنااسي كبايه المويه الجاتو وحضنهاا عليوهو بشوو ق😂💜
باسم: في طرق احسن من كدة عشان تصحيني😒
نور: ما قدرت شكلك كان مغري وكمان ف كبايه مويه 😂
باسم: عملتيها كيف دي
نور: غياث طلع شغل
باسم: يعني مبلططه معانا
وقف على حيلو وكان لابس شورت بس وفنيله بيضاء .. نزل تحت وقف قدام امو
باسم: انا ضد قعااد نور معاانا ياا امي 😒☝🏽
ما انتبه لريفال الكانت بتضحك على منظروو
باسم بأشر على ريفال: ودي زاتا الجابا شنو 😒
نور جات ناازلة وخاتا ايدا في بطنها
نور: خلاص انا حامشي لكن ترضاها لباسم الصغير ؟؟😌
باسم: صرااحه اغريتيني
نور بضحك: ايوة كدة
شمس: وشنو سر الجيه المفاجاءة دي
نور باست امها: جيت لعيونك الحلوة دي بس 💜
ريفال: كضابه غياث سافر بس والله😂
شمس بضحك: لالا بتي بصدقاا 😂
باسم بضحك: انتي لسه قااعدة ي ريفال لو مكانك ما حأجي تاني زاتو😂😂
ريفال: اصلا ماشه
نور: اي اتخارجي دي لحظات عائليه
ريفال: حجي ابيت معااك الليله و على قلبك ☝🏽😌
نور قامت رافقت ريفال للباب وجاات راجعه .. باسم دخل اخد حمام ونزل .. كانو بتونسو بشوق وكل واحد بحكي تفاصيلو ..

يتبع.......