نزل من العربيه .. لابس بدلتو الشيك .. (حنزل تصميمها) .. عطرو الجذااب .. شعرو الاسود .. نزلت هي ولين صحبتها لباب الكوافير لابسه فستان حلو وهادئي ف نفس الوقت (حنزل صورتو).. نهى اتوترت اول م شافت فؤاد الجاي عليهاا ... لين صحبتها راحت ركبت ف عربيه فيصل صاحب فؤاد ... فؤاد قرر يستسلم ويرسم ف وشو ضحكه ومسكهاا من ايدها النااعمه بدون م يتكلم .. هي من جواها كانت ملخبطه م بتكرهو بس م بتحبو .. شالت نفس عميق بعد م مسك ايدهاا .. فتح باب العربيه ركبت بكل انوثه .. وراح طلع بالجهه التانيه ..
طلعو للصالة .. نزلو ف الرسيبشن الكان كاتب اسمائهم بصورة حلوة مع بعض .. والناس واقفه بتتصفق وفيهم البزغرد ..ع حسب ديكور الصاله بدت تنزل عليهم ورود بالبنفسج .. دخلو الصالة والاضواء اتوجهت عليهم .. الزغااريد اتعالت .. اتزفو بغنيه انجليزيه هادئه .. ممكن نقول غنيه نهى المفضلة .. استغربت لمن سمعتهاا .. عاينت لفؤاد الكان عامل روحو م منتبه معاها.. وقفو ف الاتسيج .. بعدهاا قعدو ف الكوشه الكانت بتضوي من جمالها .. الناس اتزاحمت قدامهم عشان تبارك .. غيان ونور جو باركو ليهم .. نور عاينت ل نهى وقالت لي فؤاد ي بختك بيهاا 😉 .. فؤاد اتكفى بالابتساامه .. غياث واقف بعاين لاخوه عارف انو ف شي م مظبوط بس م حاول يتكلم مع فؤاد .. بعدهاا طلبو منهم يرقصو .. نهى انحنت لجهه فؤاد وبصوتها العاوز يبكي: م عايزة ارقص لو سمحت ممكن تلغي .. قاطعاها بكلمه : وانا نفس الشي 😊
فعلا م رقصو .. بس الناس وقفت رقصت .. شويه وجابو سلو .. حاج رياض واخوانو ونسوان اخوانو وبدريه واخواتها واولادهم شباب وبنات واريام وغياث ونور كلهم كانو ف طاولة الاهل ..
اريام بصوت عالي: يلا ي بابا نفسي اشوفك انت وامي بترقصو سلو
بدريه: ي بت جنيتي😳
رياض بضحك: انا لسه شباب وم عندي مشكلة اقنعي امك 😂
ساهر: لا من ناحيه خالتو بدريه اطمنو انا حخليها توااافق .. فعلا وقف على حيلو ومشى على ناحيهاا .. بس هي وقفت مستسلمه وقالت: خلاص موافقه بس يلا كل اتنين يقومو يرقصو معانا😂.. كلهم قامو يرقصو سلو الشباب مع البنات .. فضلو غياث ونور الببحلقو ف بعض .. نور خايفه تقول لغياث عايزة ارقص .. قطعت حبل افكارهاا وقالت
نور: حموت وارقص سلو هسااا
غياث: لما تولدي حعمل حفلة سلو 😊
نور: على فكرة انا بتوحم على كدة 😒
غياث: العبي على غيري
نور بإستهبال اتسندت على الكرسي: حاسه اني مخنوقه ولو م رقصت حبكي ليك هساا 😭😭
غياث: بتهظرري؟؟
نور:لااااا
غياث: حنقوم مع بعض وحترقصي شويه ونرجع اتفقنا
نور: خلااص😻
مسكهاا برااحه .. احساس انو ممكن يفقد البيبي الفي بطن نور .. بسبب اي غلطه .. اصعب شي ممكن يحسو الاب .. م عشان الام هي الحملت بالبيبي معناها هي بس اللازم تخاف .. الاب كمان بشيل البيبي ف قلبو قبل م يتولد .. وببقى حياتو اول م يتولد ..💜
وقفو برومانسيه .. نور كانت بتضحك لانها قدرت تخلي غياث الملهوف عليها يواافق .. وهو عيونو م زحت منهاا .. كل شويه بحضنها عليهوو بدون م يحس .. الفتوغراف بهناك م قصررو معااهم😂 .. بعد م خلصو رقيص وهم راجعين على الطاولة .. غياث لمح الانسانه الكانت ف يوم اهم اهتماماتو ... نور انتبهت لغياث الوقق فجاءة عاينت للناحيه الكان بعاين ليها .. حاولت تتكلم معاه .. غياث ردا عليها : ماافي شي يلا نقعد عشان شكلك تعبتي 😊 .. فؤاد كان برقص مع اصحابو وببشر .. نهى كانت قاعدة في الكوشه وجنبها صحباتها بحاولو معاها عشان ترقص بس هي راافضه .. كانت كل شويه بتسرق نظرات لفؤاد .. وترجع تنزل راسها ..
غياث بجهه تانيه كان خايف خلود تتكلم مع نور .. قام من جنب نور واتجوه لجهه خلود الكانت وااقفه مع شويه بنات .. اول ما شافت غياث ابتسمت وجات عليهوو ..
يتبع......
أنت تقرأ
كانسر
General Fiction📝 بقلم: وفاء الكردي الكانسر مرض حقيقي في حياة كل واحد مننا .. دايماً بِنحاول ناخد البسيطْ من كل حاجه حتى من المرض' إلتهاب وحمى .. بنكون مفهمين مناعتنا أنهم بيروحو مهما طال وَقتهم .. الكانسر' عمرو ما كان ميعاد بنوقف فيه نوقف نتنفس .. نتونس .. نبتسم...
