كانسر

الجزء 49

ختت ايدها في قلبها اول ما صحت من حلمها .. زواج غياث وخلود كان مجرد حلم بسبب تفكيرها الزايد في غياث وحياتو من بعدها .. حمدت ربها للحظه انو حلم .. يمكن رساله من الله انها ما تخلط الامور ببعض وما تستعجل في شي يخص غيرها وتحكم مؤبد على حياتها .. عاينت للمطر الكانت نازلة بغزارة .. دخلت الغرفه وطلعت الصالة .. جنان وغياث كانو مندمجين في فيلم كرتون .. جنان بتقلد في شخصيات الفيلم وغياث بقلد فيها وبضحك .. نوراتقدمت خطوات قبل ما تعانق غياث .. قدت جنبو وجنان بتوصف لامها لحماس في الفيلم ..
جنان: ثووفي ماما ثوفي (شوفي ماما شوفي) .. ختت ايدها في فهما ونطت في مقطع خلاها تضحك بصوت عالي .. غياث ميت من الضحك ونور طلعت شهقاتها لاول مرة بعد زمن ..
غياث ضمها عليهو:ان شا الله دايما ..
نور ابتسمت قبل ما تقوم تفتح الباب .. عاينت لريفال المبلولة من المطر ..
ريفال: جيت في يوم غللط😭
نور سلمت عليها: ادخلي
ريفال دخلت وسلمت على غياث وجنان اول ما شافت ريفال جرت عليهاا .. ريفال بتضحك عليها شالتها وباستها .. قعدو مع بعض في ونسه طويلة لما المطر وقفت .. ريفال قررت تطلع .. نور الحت انو تبيت معاها بس رفضت لانو عندها محاضرة ..طلبت من نور مفتاح عربيتها عشان عربيه ريفال وحلت ..وبعدها ودعتها ..
غياث شال تلفونو ودخل الغرفه ردا على فؤاد ..
غياث: اهلين فؤاد
فؤاد: كيفك
غياث: تماام
فؤاد: نور كيفهاا
غياث عاين لنور الحاضنه جنان : حالتها بتدهور يا فؤاد
فؤاد: انا جهزت اوراقكم عندي صحبي جهز كل اوراقكم بس شويه اجراءات لازم انت تعملهم وحجزت غرفه لعلاج نور والاهم من دة كلو انها تجي وتنزل الجنين بتقرير من اكبر دكاترة المستشفى وهو كمان حيتابع حالتها ببدايه يوم 14/8 وعموما حالتها ذي مرضة كتير اتعالجو .. الموضوع ماموضوع علاج الاهم انها تقدر تتقبل العلاج
فؤاد رسل لغياث عنوان ورقم صاحبو الحيتم ليه الاجراءات .. قفل من فؤاد القدر يطمن غياث انو في امل .. بسأل نفسو كيف نور حتقدر تستحمل الكيماوي .. حسا بنور ضاماه عليها ..
نور: انت زعلان مني
غياث: لا
نور: متاكد
غياث بابتسامه: خايفه على زعلي
نور: ايوة لانك تهمني
غياث: حتعملي اي شي عشان ترضيني
نور سكتت لثواني
نور: اوعدك اعمل اي شي ممكن يبسطك لاخر انفاسي الاتبقت
غياث قرب منها: حتنزلي البيبي
نور: غياث ما ..
غياث: حتنزليه يانور .. ما حخاطر بيك .. الجنين مممكن يتعوض بس انتي لااا فاهماني يانور انتي ما حتتعوضي 💔
ننور ماردت عليه وختت راسها في صدرو وهي بتسمع دقاتوو .. غياث حسا انها وافقت على طلبو ..
الساعه 12:00
غياث كان صااحي وبعاين لنور وهي نايمه .. ختا ايدو في راسها وباسها .. غمض عيونو وهو ما عارف الكابوس الحيحصل تاني يوم ..
صحاا بانين نور وهي في الحمام .. كانت بتستفرغ وبتنزف من انفهاا ماسكه راسها بوجع ودموعها بتنزل .. بتحاول ما تطلع صوتها .. فتح بااب الحمام
غياث: نور! انتي بتنزفي
نور بعد غياث: انا كويسه .. غسلت وشها وحاولت تستند غياث شالهاا .. ونومها في السرير ..
غياث بين عيونو اللامعه: نور خلينا نخطي الخطوة دي خلينا نبدا بعلاجك عشاني💔
نور مسكت بطنها: حتعالح اول ما اولد
غياث: ما حتولدي ياانور انتي حتبدي العلاج وبدون ما تناقشيني .. وقف على حيلو وطلع قبل ما يضرب السفرة .. نور قعدت في سريرها وبتعاين لجنان النايمه بعمق .. قالت ليها اسفه بصوت مبحوح وطلعت لغياث .. حاولت تفهمو بس بدون جدوى .. وقفت قبل ما تقول : انت لازم تفهم انو احنا كلنا حنموت لازم تفهم انو نور حبيبتك لو ربنا كتبلها عمر حتعيش حتى لو الكل دعا ليها بالموت .. اني اموت البيبي دة شي مستحيل ..
#عدو_السبعه_شهور .. ونور بطنها كبرت على حساب نفسها نور اتغيرت كتير عن الاول نور ملامحها انهملت اسودت بين وجعها .. اتحملت الم الكانسر ل7 شهور بدون ما تشكي .. استسلمت لمرضها وللموت بسهولة .. ياما غابت عن وعيهاا في ايدين غياث الكان بوديها بخوف المستشفى .. داسه عن ريفال وامها وابوها وباسم مرضها .. اتعودت على الالم .. نور قدرت تكسر غياث وهو شايفها كل يوم بتموت الف مرة بوجعهاا .. جنان رغم صغرها بس كانت حاسه بشي غلط بامها الاتغيرت ملامحها كتير عن الاول .. "نور ماتت بوجعها قبل ما ربنا ياخدها عندو" غياث رجع لشغلو .. عكس نور الاستغالت من المجلة .. رئيس الادارة وكل المجلة استغربوا لتصرفهاا .. كانو عارفين انو نور بتحب شغلها جدا .. ناصر وشمس كانو ملاحظين لبتهم ولما يسالوها بتتعزر بانو تعب الحمل ..
في يوم نور طلعت بعربيها مع جنان لبيت امها .. كانت حاسه بقبضه في قلبها ..
دخلت بيت ابوها وهي مشتاقه تشوفهم .. جات على ابوها الكان بسقي ورود الحديقه .. حضنتو بحب .. ناصر شال جنان بحب وسلم عليها ..
ناصر: كيفك يانور
نور: تمام بعدك انت كيفك
ناصر: كويس دامك كويسه
نور: ماما وينها
ناصر: امك تقول حاسه بجيتك
نور: ليه
ناصر: هي وباسم بعملو في اقاشي ..
نور: اقااشي😭

دخلت بعد ما قالت لابوها الشايل جنان طيب خلص وتعال ..دخلت سلمت على امهاا وباسم الكان شايل المفراكه في ايدو ..
نور: انتو بتعملو اقاشي صح😻
باسم: انتي شايفه شنو
نور: وانت ليه شايل المفراكه😑
باسم: بشجع في امي ليك شوق في حاجه؟😒
نور: الولد دة بقاا لميض ياماما
شمس: خليك منو انتي حاسه بتعب في حملك
نور: شويه تعب
باسم: وين روح خالها
نور: مع بابا برة
شمس رجعت تعمل في الاقاشي .. نور مسكتها وضمتها ..
نور: تعالي يماما خليه المعتوه دة يخلصهم
شمس بضحك: انا زاتي عايزة اتكلم معاك
باسم حدر لنور المطلعه لسانها وبتكاويه .. قعدت مع امها في الصالة وبدو يتونسو .. ناصر كمان جا وقعد معاهم .. اثناء ما هم بتونسو نور حست بالم في بطنها .. ما حاولت تبين لانها اتعودت عليه .. مسكت بطنها .. الالم كان زايد ونور مستحملاه .. سندت راسها في كتف امها قبل ما تقول كلماتها الاخيرة " ماما سامحيني" غمضت عيونها وما حست بشي بعدهاا ..
شمس اتجننت لما شافت نور ملاينه دم وبتنزف .. نادت بااسم الحا يركض وهو مخضوض .. ما حس بنفسو الا وهو شايل نور .. شمس لبست توبها وركبت العربيه جنب نور .. بتحاول تصحيها بس بدون فايدة .. نور ما كانت ساامعها نور في عالم تاني .. ناصر طلع ومعاه جنان .. باسم سااق بسررعه .. وصلو المستشفى في دقايق .. باسم نزل بسررعه وشالهاا وبنادي فيها بصوت عالي .. نور فتحي عيونك .. كل الفي المستشفى كانو بعاينو ليهم .. جو المسعفين ودخلوهاا الطؤاري .. باسم هدومو اتملت دم .. ختا ايدو في راسو .. وضما امو الكانت بتبكي .. جا الدكتور طالع وقال لازم تولد في اسرع وقت .. بدو يجهزو في غرفه العمليات ..
ريفال جات لما باسم دقاا ليهاا .. وغياث ما كان فاهم شي .. واقف وبمرر عيونو لشمس البتبكي على بتها وريفال الخايفه وبين دموعها بتنادي نور .. جنان بدت تبكي لما شافتهم ببكو .. غياث جا عليها وحاول يهديها .. هو الوحيد الما حاول يبكي ولا ينهز .. لانو عارف انو نور حتحس بانكسارو .. عدت ساعات والدكتور طلع .. غياث جاا عليهو بسرععه
غياث: نور كيفها💔
الدكتور: قدرنا نولدها والبيبي حيفضل في الانبوب ..
باسم: طمنا على نور
الدكتور بأسف: نور دخلت في غيبوبه ..
ريفال: غيبوبه 💔😭😭
الدكتور كان بعاين ليهم وهم ببكو ..
الدكتور عاين لغياث: احمد ربنا انو حات على الغيبوبه ..

يتبع......