.. شمس حضنتها وبكت ونور بتحكي ليها .. عكس ناصر الكان مبتسم وهو شايف تحمل نور شايف بتو كبرت وقدرت تصارع خوف كبير من دونهم..
ناصر باسها في جبيها: عارف إنو نوري قوية وبتواجه اي شي قداما والحمدلله انك قدرتي تتغلبي عليهو
عاين لغياث وشكرو بحرارة على وقفتو مع نور .. نور بتحاول تضحك امها وتحكيلها عن الحصل في امريكا وشغب جنان .. بس شمس كانت خايفه عليها وما مطمنه .. غياث بعاين لشمس: نور اقوى من السرطان المفروض تفخري بيها وبقوتها وتفرحي بوجودها جنبك .. مع انها عزبتني بس قدرت اخليها تتحمل
نور: عزبتك!! 😑😑
غياث: عزبتي قلبي ياخ جاريه للمشاكل 😑
نور باست امها: وتفخري برضو بزوج بتك الحلو حبيبي وحياتي الوقف في ضهري وما سابني لحظه😻
شمس بضحك: غياث احلى شي حصل معاي بعدك انتي وباسم الله يحفظكم لبعض💜
غياث: ويخليك لينا💜
نور: احلى دعوة ولا ايه😻
شمس باستها: يعمري .. طول سفرتك وانا قلبي مقبوض وحاسه بشي غلط بس الحمدلله انك اتعافيتي ورجعتي لي بالسلامه
نور: الحمدلله.. طيب انا حطلع اشوف العوير دة مالو
ناصر: وانا وغياث وامك حنطلع الحديقه ..
دخلت غرفتو ..
نور عانقتو من ورا: ما اشتقت لاختك الصلعه دي 😑
باسم بين دموعو: اختي ما صلعه لو سمحتي
نور فتحت راسها: عاين في احلى من كدة صلعه كمان بتلمع😂
باسم ضربها: ممكن تطلعي برة
نور وقعت في السرير وعملت انها اتوجعت من ضربتو .. باسم جا عليها بخوف
باسم: نور اسسف ما قصدي والله .. نور انتي كويسه
نور صرخت بضحكه عاليه: حبيبي الحساس 🌚
باسم: امشي اطلعي برا
نور: باسم انت جادي عاين لي بتكلم معاك انا كنت حموت وحترتاح مني 😒
باسم مسح دموعو:انتي ما حتموتي وما تجيبي سيرة الموت في لسانك والله حضربك😒
نور ضمتو: حاااضر
باسم: كيف اختي قدرت تتحمل الكيماوي 💔
نور: يعني انا ما سوبر 😑
باسم: اقوى سوبر والله الحمدلله يحياتي انك بخير الحمدلله انك اتعافيتي💔
نور: يعني ما زعلان مني
باسم: اولا ما تعيديها تسافري للموت براك وتخليني وانا ماداري عنك .. ثانيا ما بقدر ازعل من روحي صعب والله💜
نور حضنتو تاني بحب .. قعدت معاه
شويه وبعدها نزلو .. وقعد في الحديقه كلهم مع بعض ..
جنان: ددو(جدو)
ناصر: ياعيونو ددو😻
جنان قالت كلام ما مفهوم وختمتو ب نول (نور)
شمس: قصدها نور 😳
باسم :ايوة يا جوجو انزلي ليهم بالحصري 😂
غياث: دي اخر التطورات بقت بتنادي امها بإسمها
نور: وبتقول لنهى ماما في احلى من كدة😂
ناصر: واكيد ما حتصدمنا وحتنادي ابوها بغياث
غياث: الحمدلله لسه مسيطر 😌💪
نور ضحكت: ااا لسه😂💜
نور حكتلهم عنها وعن شغبها الزايد ولما كانو في الطيارة ..
باسم قرصها في خدها:الفصعونه دي يطلعها منها دة كلو 😑
جنان نزلت من ناصر وجات على باسم مادة بوزها وعضتو في ايدو .. باسم بعاين ليها بزهول 😳😳
باسم: نور سوقي البت دي ويلاا من غير مطرود
نور بضحك: ماما اعتزري لخالو
جنان مادة بوزها: ناا (لا)
غياث شالها: ما تحاولو معاها طالعه لامها عنيدة
نور: وتجنن زي ابوها💜
باسم: انا الدمعه كانت حتفر من عنيا عنتر وعبلة معانا في البيت ..
شمس ضربتو: ياغيران 🌚
باسم: يا امي انا ما ولدك 🌚
شمس: اي 😑
باسم: طيب لو قلت ليك اني عايز اخطب الاسبوع الجاي على شرف حضور الاخت نور المدلعه
شمس: بتتكلم بجد
ناصر: جد الجد ياخ
باسم: وحياة ايديك الطيبه دي حخطب واكمل نص ديني
نور: اسمها اعرس واكمل نص ديني
باسم عاين لغياث: بما إنك هنا وبعيدا عن اي شي وفي حب الرابط القوي البينا عايز اطلب ايد اريام على سنه الله ورسلو 💜
عم الصمت للحظات ..
نور: اريام 😻
غياث بابتسامه رضى: ويشرفني إنو نجدد العلاقه القويه دي من تاني 💜
ناصر: شاريناها وما عايزين غيرها بإذن الله
غياث: متأكد انكم حتحافظو عليها .. عاين لباسم وقال وتبسطتها ذي ما نور قدرت تفرحني كل يوم اكتر من القبلو
باسم: ان شا الله ربنا يكمل على خير
شمس حاولت تبوس يد باسم بس باسم كان اسرع منها وباس يدينها: العفو يااغاليه مافي شي بتم إلا برضاك 💜
شمس: تتهنى ياا ولدي 💜
كملو ونستهم في الموضوع .. نور كانت مبسوطه ومتفائلة بالسعادة الحترجع حياتها ذي الاول واحسن .. كانت مؤمنه بعبارة " ولو بعد حين"
غياث رجع لاهلو ووراهم بجيه اهل باسم الاسبوع الجاي عشان الخطوبه .. اريام ما كانت عارفه ولا حتى باسم وراها ..
اما نور راحت لريفال وقررت تعملها مفاجاءة .. دخلت بيتهم وسلمت بصوت واطي على ام ريفال الكانت عارفه بمرض نور .. طلعت وشايلة هدايا كتير في ايدها .. دخلت غرفتها وعاينت لريفال الناايمه وسط زحمه كتب .. قعدت جنبها وباستهاا عدة بوسات .. ريفال قامت مفزوعه وبتعاين لنور بزهول .. ضمتها بقوة وبكت من فرحتها .. واخيرا شافت صحبتها بعد المدة الطويلة دي كلها ..
نور: ممكن افهم ليه بتبكي
ريفال ضربتها: دي اسمها دموع فررح يا حمارة 😭
نور: انتو لازم تضربوني عشان تعبرو عن فرحتكم
ريفال: ليه منو الحيوان الضربك غيري
نور: هو بصراحه في حيوانين في حياتي انتي وباسم
ريفال بضحك: ااه طيب انتي كويسه؟؟ نور شعرك!!!!!💔💔💔
نور: دي غنيمه السرطان💔🌚
ريفال ضمتها: الف لا بأس على عيونك ياا عمري 💔
نور: طيب قومي يلا افتحي الهدايا الجبتهم ليك
ريفال: مافي هديه احلى من رجووعك ياانور الحمدلله الحمدلله انك تمام وماحصلك شي 💔
نور: وانا هسا بخير ما تبكيني يلاا افتحيهم💔
ريفال: يااشيخه خليني اكمل حواري الرومانسي دة 😑
ريفال قعدت وبدت تفتحهم وكل مرة تتفاجأ بحاجه .. نور ما خلت شي ممكن تحتاجو ريفال وما جابتوليها .. ميكب وعطور وشنط وشوكلت .. ريفال كل الهدايا ما كانت فارقه معاها قصاد نور وسلامتها
" دي الصحبه البكريه القصدها الرسول عن صُحبتو"
_______
باسم طلع غرفتو واتصل عليها ..
باسم: المريض لازم يتعالح على صوتك بس والله💜
اريام: منو معاي ؟🌚
باسم: خطيبك يا حسالة🌚
اريام: انا حساالة😑
باسم: سبتي خطيبك ومسكتي في حسالة!.. عموما ياغاليتي ممكن اقول حتبقي حلالي خلاص .. الليله طلبتك من غياث
اريام: باسم ليه ما قلت لي😳
باسم: وهسي وريتك جهزي شعورك للجمعه الجامعه الحتجمعني بيك😻
اريام: انت مجنووون 😭
باسم: انتي كدة مبسوطه ولا زعلانه 🌚
اريام: مبسوطه والله
باسم: مع احترامي لمشاعرك بس انتي غريبه في ردة الفعل 😂
اريام: سخييف💔
باسم: عشان كدة بحبك
اريام: اتماديت والله😑
باسم: طيب بحبك
اريام سكتت عشان تستوعب وقفلت الخط في وشو .. باسم ضحك لتصرفها ..
عدت الايام واليوم خطوبه باسم وارياام
يتبع......
أنت تقرأ
كانسر
General Fiction📝 بقلم: وفاء الكردي الكانسر مرض حقيقي في حياة كل واحد مننا .. دايماً بِنحاول ناخد البسيطْ من كل حاجه حتى من المرض' إلتهاب وحمى .. بنكون مفهمين مناعتنا أنهم بيروحو مهما طال وَقتهم .. الكانسر' عمرو ما كان ميعاد بنوقف فيه نوقف نتنفس .. نتونس .. نبتسم...
