اتوالت الايام .. روتين مجهر على عيون اهل نور واولهم غياث .. غياث كان ببيت للشهرين جنب نور الكانت بتتنفس بصعوبه .. كل الناس عرفو بمرض نور .. شيرو صورها في كل المواقع وبدعولها بالشفاء كل البحبوها انكسرو ..نور لشهرين ما اتكلمت ولا حاولت تقوم وتتطمن غياث عليها .. غياث لشهرين ما دمعت عيونو .. دقنو اتبعثربت ملامحو اسودت .. شمس وناصر كانو بجو مع جنان يوميا عشان يطمنو على نور وبتها الفي الانبوب .. باسم ما جفت دموعو .. عرفو بمرض نور والكانسر الخلاها في عداد الموتى .. اريام وبدريه ورياض انكسرو واتوجعو لوجع غياث ونور .. جنان لشهرين كانت بتبكي وتترجى امها بدموعها عشان تصحى ..💔💔💔
في يوم غياث كان ماسك ايد نور .. بعاين لملامحهاا وجثتها الهامدة وسط الاجهزة الحولينها .. اتمنى انها تصحى اتمنى انها تتكلم .. بدعي من قلبو انها تصحى عشان يحضنها .. اشتاق لنور كتير .. غمض عيونو قبل ما يقول "اشتقت ليك" .. حسا بريفال لما دخلت عشان تتطمن على نور .. شمس وباسم دخلو وراهاا ..
بلسان نور: كنت سامعه كلمات غياث وشامه ريحت امي وعود ابوي .. حاسه بباسم وريفال .. كنت في وادي كبير وفي زول بناديني عشان اجيه .. لابس ابيض ومتلثم .. بقيت ماشه عليهو وهو باشر لي عشان اقرب اكتر .. غياث واهل نور كلهم عاينو لنور بزهول اول ما فتحت عيونها .. ابتسمت لما شافتهم ..
غياث بابتسامه: نور؟
غياث اتمحت ابتسامتو لما شافها وهي بتغمض عيونها مرة تانيه ببطىء ..
غياث: نور! انتي ساامعاني .. نور اصحي انها غياث ..
باسم جا عليها: نووور .. بطلي هظار يااخ
ريفال:نور .. نور
شمس: حبيبتي .. طولتي على امك ارجعي افتحي عيونك ..
غياث عاين للجهاز البدا يصفر .. عاين للخط البدا يستقيم ..
الدكاترة جو وطلعوهم ما عدا غياث الكان ماسك ايدها ورافض يطلع .. بدو يدوها صعقات كهربائيه بس بدون فايدة .. باسم بين دموعو النزلت بغزارة: نوور انتي وعدتيني تعملي اي شي عشان تبسطيني .. نور ما تموتي الله يخليك نور اصحي فتحي عيونك عايني انا هنا جنبك .. جنان كمان محتاجانا سواء .. صرخ بصوت عالي .. نووووور لما شاف الخط استقام للنهايه💔💔💔💔💔
بس نور كانت في عالم تاني .. نور راحت لربهاا نور موتت نفسها بعنادها.. مجاهد صاحب غياث جا وطلعو من الغرفه بعد ما غطا نور .. غياث اعصابو انتهت وهو بيبكي .. كيف قدر يخليها تروح كيف قدر يسيب ايدهاا .. بكي بوجع لاول مرة .. استند على باب غرفتها وصرخ باسمهاا ..
اتعالت شهقااتهم .. باسم ختا ايدو في اذنيو عشان ما يسمع صريخهم .. طلع من المكان الهم فيهو وبكااا بألم .. بنادي باسمها "نور" ، بانين موجع .. بدا يرجف وهو بتخيل شكلهاا قميصو انبل بدموعو الماوقفت ..
ريفال كانت بتعاين لنور من قزاز شباك الغرفه .. خاطبت بصوتها المكسور " تتزكري لما لقيتي العروسه بتاعتك مكسورة؟ انا الكسرتها وخبيت عليك ! اصحي يانور حديك عروستي بس ارجعي .. نور! ما حقدر اعيش بدونك حياتي فاضيه وانتي البتمليها .. نور انتي سامعاني ؟😭😭😭
كل المستشفى جو يعزوهم .. كانو بعاينو لشمس وناصر الببكو بلا وعي .. فقدو بتهم الوحيدة .. وريفال فقدت صحبت طفولتها .. وباسم فقد تومتو .. غياث كان في عالم تاني مجاهد واقف قدامو وبحاول يهديه .. بس بدون فايدة غياث انكسر بموت نور .. كانت شهقاتهم اشبه بالموت .. كانت قاسيه عليهم .. وفي نفس الوقت بت نور الاتولدت صررخت اول ما الاوكسجين دخل رئتيها .. صرخت كانها صرخات وجع على امها الماتت في نفس اللحظه .. 💔💔💔
يتبع......
أنت تقرأ
كانسر
General Fiction📝 بقلم: وفاء الكردي الكانسر مرض حقيقي في حياة كل واحد مننا .. دايماً بِنحاول ناخد البسيطْ من كل حاجه حتى من المرض' إلتهاب وحمى .. بنكون مفهمين مناعتنا أنهم بيروحو مهما طال وَقتهم .. الكانسر' عمرو ما كان ميعاد بنوقف فيه نوقف نتنفس .. نتونس .. نبتسم...
