نور وصلت البيت وحاسه انها حتستفرغ .. دخلت بسرعه واتوجههت للحمام .. كانت بتستفرغ وبتبكي .. ما عارفه السبب بس بكت بووجع😭
رجععت ناااامت قرب سااعتين .. حست بايد امهاا البتحسس على شعرها ..
شمس:صحيتي ؟؟
نور بإبتسامه: كيفك ماما
شمس: تمام انتي كنتي وين
نور: طلعت مع ريفو شويه
شمس: طيب قومي اشرربي العصير دة شكلك تعبان
نورت شربت العصير ورجعت ناامت ..
باسم دخل لقاها نايمه قبل ما يرجع غرفتو . . عاين لتلفونو وابتسم قبل ما يرد على دانيا
_________
في الغرفه السوداء .. قااعد في سريرو .. كان بيسعل بقوة بسبب المخدرات البتعاطاها.. كوكايين ترمادول كحول ..مفهم نفسو انها المنقز .. مفهم نفسو انو بينسى وجعو لما بتعاطاها احساسو بالوحدة كان شبه قاتل .. بيسعل بقوة وبتزكر كل الحاصل معاه ..
__________
بعد شهر :
احداث وراء احداث جمهور يتابع بصمت .. كم هائل من الحاسدين وراء حيطانهم .. ابتسامات خفيه .. انين لأوجاع ..
نور بعد اخر ميتنغ بينها وبين خلود حالتها اتدهورت .. كانت بتمرض كتير .. حملها تعبها اكتر من الاول.. غياث رجع بعد شهرين .. قدر يرجع يغير مودها في وقت وجيز رجعت معااه للبيت ..
نهى وفؤاد علاقتهم كانت سطحيه يمكن احسن من الاول بس لسة محافظه على صلابتهاا .. نهى كانت محتله قلب فؤاد .. وهي ما كانت بتحس بأمان إلا بوجودو
باسم ما حاول يتكلم مع اريام في موضوع فارس .. اريام رغم انو اثر معاها بس قدرت تنساه شويه .. مرت الايام وهي كرهت فارس كانت بتتمنى تفهم من باسم وتسألو كيف قدر يعرف مكانها مع فارس.. قدرت تنسى الموضوع في اخر فترة بس فارس حيسكت؟؟! حيتجاهل ضرب باسم ليه!؟ حينسى انتقامو؟!
خلود كانت بتنجح بقروش ابوها .. مقابل إنها توقع الشباب في شبااكها .. بس هو حيقدر يخلي بتو تكون مجرد طعم يصتاد بيها اي زول يجي على بالو!؟
__________
الساعه8:00 صباحاً
نور كانت بتصلح لغياث في قميصو
نور بضجر: شغل شغل!! طيب انا والبيبي!!؟
غياث بضحك: هوا انا بشتغل عشان منو!؟
نور: مابعرف عايزاك طول الوقت معااي😭
غياث: ححاول
نور: مفروض تاخد اجازة لاني حرجع لماما بعد اسبوع
غياث: ما فاهم انتي ضروري تولدي عندها💔
نور بضحك: عادة سودانيه بتقول اول بيبي لازم يتولد عند اهل امه😂
غياث بحاول يحضنها: روحي اصلا انا ما عارف احضنك ببضنك دي والله😂
نور بضحك: عيب الحمل 😂
غياث بااسها: يلا حبيبي خلي بالك من نفسك لما ارجع💜
نور: يعاافيك💜
_________
في غرفه اريام:
قعدت في سريرها مبتسمه للايف باسم .. كان بتكلم عن الحب السوداني بطريقه مضحكه .. كل الفانز بضحكو في طريقتو لتقديم الفيديو .. كومنتات ايجابيه كتير .. اريام علقت على كلامو وطلعت اول ما اللايف خلص ..
نزلت صبحت على امها بدريه وابوها فطرت معاهم وابوها طلع الشركه .. كانت للحظظه حتقول لامها عن الحصل معاها بس سكتت .. اتونست معاها بعفويه
بدريه: اشتقت لخوانك
اريام: البيت فاضي بدونهم يااحظ نور ونهى كانو ماليين علي البيت 😭
بدريه: ربنا يهنيهم وين ما كانو ياقادر يا كريم 💜
اريام: عاوزة ذي الدعوة دي ياا ماما
بدريه بضحكه: إنتي ربنا يرسلك ولد الحلال الحيملي ليك دنيتك ذي اخوانك في احلى من كدة💜
اريام بضحكه: ماا عايزة ابعد عنك بس امين برضو 😂
بدريه بابتسامه: ياا طماعه..
________
باسم خلص اللايف رمى التلفون بس انتبه لكومنت اريام " الحب السوداني قصه قصيرة مظاهر هلاميه، كذب عميق ، إنكسار واعد " .. ضحك ورسلها مسج " الإنكسار الحقيقي إنك ما ترجع تقيف لما تقع" رمى تلفونو ورجع كمل نومو .
يتبع.....
أنت تقرأ
كانسر
General Fiction📝 بقلم: وفاء الكردي الكانسر مرض حقيقي في حياة كل واحد مننا .. دايماً بِنحاول ناخد البسيطْ من كل حاجه حتى من المرض' إلتهاب وحمى .. بنكون مفهمين مناعتنا أنهم بيروحو مهما طال وَقتهم .. الكانسر' عمرو ما كان ميعاد بنوقف فيه نوقف نتنفس .. نتونس .. نبتسم...
