"الكانسر عمرو ما كان نهايه ، الكانسر نهايه واقعيه للبستسلم ،الكانسر خلايا ما بتتميز بالعين مجرد خلايا! بتنهزم بـ 'الإرادة' "
الدكتور قعد في الكرسي ونور بتسألو بحماس حالتي كيف!؟ قدرت للحظات تنسى خوفها من المستشفيات وجوها..
الدكتور بابتسامه: الفرح واضح في عيونك
نهى: انا حامل صح؟😻
الدكتور: الف مبروك 😊
نهى: كنت حاسه!
الدكتور: بس محتاجين شويه فحوصات عشان نطمن على الجنين
نور: طيب
الدكتور: زوجك موجود؟؟
نور: ايوة
الدكتور:طيب اتصلي عليه عشان تسهلي على نفسك
نور: لا ما عاوزاه يعرف .. من جواها كانت متحمسه تشوف ملامحو لما يعرف ..
طلعت وعملت الفحوصات وكانت بتعاين لجنان وتقولها حتبقي اخت 💜 .. اتقدمت خطوات عشان ترجع للدكتور .. استنت زززمن وبعدها جابو الفحوصات .. الدكتور فتحهم وبدأ يقرا .. وقف على حيلو وعقد حواحبو قبل ما يطلع .. نور استغربت بس حافظت على الانبساط الهي فيه .. عاينت لجهه الباب لما الدكتور دخل ..
نور: خير في شي
الدكتور سكت للحظات ..
الدكتور: ممكن اسالك سؤال
نور: اتفضل
الدكتور: الفترة البجي فيها الصداع ممكن تحدديها بالضبط
نور كانت بتجاوب على اي سؤال ..
الدكتور: نور انتي "مريضه بالكانسر"
نور رسمت في وشها ابتسامه ما مفهومه .. ابتسامه باهته ما عندها اي لون .. ابتسامه استسلام .. ابتسامه نهايه لكل شي ..
نور: ك .. كانسر💔
الدكتور: انتي مؤمنه انو ربنا كاتب اي شي لحكمه ما بيعرفها الا هو والمرض دة بقى ذيو وذي الالتهاب بيتعالج بسهولة
نور ضمت جنان الكانت بتلعب بتلفون امها ومافاهمه شي: انا اكيد حبقى كويسه اكيد ع عشان جنان!! جنان ما حتقدر تعيش بدوني يا دكتور انا حتعالج صح💔
الدكتور: ما عايز ادس عليك بس الظاهر عندي في التحاليل انو الخلايا السرطانيه انتشرت وخصوصا في المخ وانتي في المرحلة الرابعه للاسف
نور وقفت وختت ايدها في قلبهاا عشان تتطمن انو بينبض .. غمضت عيونها بألم طلعت برا المستشفى وجنان ورااهاا بتبكي عشان امها تشيلها وبتصيح ماما💔
نور وقفت وعاينت لجنان .. مسكتها ومسحت دموعها النازلة على خدودها الصغيرة
نور: ماما ما حتسيبك يعمري .. ضمتهاا وبكت بووجع لحالتهاا .. ما اتوقعت انها في يوم تتحدى الكانسر ..
"نور فكرت في الموت قبل ما تفكر انها تتخلص من الخلايا السرطانيه! مجرد خلايا صغيرة تخلينا نخاف نخسر حياتنا "
ركبت العربيه ودخلت تحاليل مرضها في العربيه .. والحمل في شنطتهاا مسحت دموعها وبتحاول تسوق العربيه بس ما قدرت .. اتصلت على ريفال الكانت قريبه منهاا .. جاتها بعد ربع سااعه ..
ريفال شالت جنان: يعمر خالتو انتي ميث يووو والله😻
جنان: ليفال
ريفال: احلى ليفال ياا بابا انتي😻 عاينت لنور الكانت في عالم تاني ..
ريفال: هي وين سرحاانه
نور: معاكم
ريفال: ليه حاسه انو في شي
نور: مافي شي بس تعباانه وعاوزاك توصليني
ريفال: بس كدة يشيخه خوفتيني .. طيب يلاا
ريفال كانت شايلة جنان وبتسوق ومندمجه معاها .. اما نور ساندة راسها في شباك العربيه .. بتحبس دموعها البتتراكم في مقلتهاا .. اول ما وصلو نور دخلت الحمام .. ختت ايدها في فمها عشان تمنع شهقاتها العااليه .. دموعها نزلت بغزااارة .. ضمت نفسها ونزلت على ركبها .. كانت بتحاول تصبر نفسها وجسمها البرججف .. من جوااها بتقول يااارب ..وقفت في مرايه الحمام الكبيرة الكانت عاكسها .. مسحت دموعها وهي بتعاين لعيونها .. انتفضت لما سمعت ريفال بتنادهاا .. مسحت دموعها وطلعت قبل ما تاخد نفس .. طلعت وورت ريفال انها حامل كانت للحظات حتقولها بمرضها بس ابتسمت لما شافت ريفال مبسوووطه وطايرة كانها هي الحامل ..
يتبع......
أنت تقرأ
كانسر
General Fiction📝 بقلم: وفاء الكردي الكانسر مرض حقيقي في حياة كل واحد مننا .. دايماً بِنحاول ناخد البسيطْ من كل حاجه حتى من المرض' إلتهاب وحمى .. بنكون مفهمين مناعتنا أنهم بيروحو مهما طال وَقتهم .. الكانسر' عمرو ما كان ميعاد بنوقف فيه نوقف نتنفس .. نتونس .. نبتسم...
