كانسر

الجزء 46

بعد ايام من الحصل .. ايام باهته جديدة تزور غياث وعيلتو .. الحياة لسه ممتسكه بقانونها .. مافي سعادة الا وراها حزن ومافي حزن بيدوم طويل ..
صحت لما ما حست بغياث جنبها .. قامت بخوف .. كان جنبها طيلة الايام الفاتت بدون ما يسيبهاا .. عاينت لجنان الكانت نايمه بعمق .. حاولت تقيف على رجولها بس كانت حاسه بتعب قاومت وقدرت تصل لباب الغرفه غياث جاا عليها وسندهاا قعدها في السفرة وبإبتسامه امل كبييرة كانت حافز يخلي صبااح نور احلى صباح ..
غياث: احلى فطور لأحلى نور في الدنيا
نور بابتسامه: دة عشاني
غياث: اومال عشاني ..عايزك تخلصي كل الاكل قبل ما نطلع نعمل الفحص الاخير..
نور: ليه مصر تعاندني
غياث رغم وجعو بس بتجاهل كلامها
نور مسكت غياث وقعدت معاه في الكرسي .. بصوت خافت خليني اموت هنا وخلاص .. نامت على كتفو في غضون ثواني .. غياث ضمااها بعد لمعه جات في عيونو .. دعى ربو انو يخفف عليها ..شالها ونومها في الغرفه ..باسها وابتسم بإصرار
قبل ما ينزل عربيه نور وياخد تحاليلها .. رسلهم لفؤاد الكان اونلاين .. واتصل عليه
فؤاد بخوف: غياث كيف الكلام دة متين وليه ما قلت واساسا كيف جاها💔
غياث: حتى انا يا فؤاد ما فاهم شي .. بتنفس وحاسي انفاسي بتخلص عاجز في الوقت دة اعمل اي شي لنور .. نور في مرحلتها الرابعه يا فؤاد حتى ما بعرف متين وكيف!! كل البعرفو انها لازم تتعافى
فؤاد: لا حولا ولا قوة .. ان شا الله حتتعافى المرض دة علاجو بقا سهل حتى لو في اخر مرحلة ..
غياث: ان شا الله حيحصل كل خير
فؤاد: اهم شي نفسيتها يا غياث لازم تحاول تبسطتهاا لازم يكون عندها دافع للعلاج لانو لازم تبدا العلاج وفورا
غياث: نور حامل يافؤاد نور رافضه العلاج بسبب البيبي خايفه تخسرو
فؤاد: ليه المصايب بتجي وراء بعض دايما .. نور لازم تجهض الجنين قبل ما يتكون ويبقى عائق
غياث سكتت للحظات .. شعور جديد اقسى من الاول لازم ما يخسر نور وعشان ما يخسرها لازم يضحي بالولدو💔
غياث اخد انفاسو: بيحصل خير بس طمني
فؤاد: ما حتأخر عليك
غياث قفل من فؤاد استند على الكرسي قبل ما يضغط على عيونو .. رجع تحاليل نور واخد النسخ معااه .. لفا على كل المشاافي وعيادات اصحابو ..كانو بقولو ليه مافي امل وجزء بقول ليه حتى لو في امل بسيط مجرد بصيص .. غياث كان واثق انو حيحصل شي يغير اي شي ..
______
فؤاد اول ما قفل من غياث نهى حست بملامحو الاتغيرت ..
نهى: غياث كويس؟
فؤاد: غياث كويس بس نور..
نهى: نور! نور مالهاا ؟
فؤاد: ظهر انو عندها سرطان
نهى بعدم تصديق: فؤاد انت متأكد نور كانت كويسه بتتكلم معاي!
فؤاد: غياث كان مهزوم اول مرة اتكلم معاه ويديني طاقه سلبيه
نهى غطت فمها بايدها: استغفر الله العظيم في امل طيب هو قال شنو
فؤاد: دي تحاليها انا حمشي المستشفى لازم اعرضهم لقسم الكانسر
نهى كانت ساكته بين شعورها المخليها ما مصدقه وشعورها انها تفقد نور كأخت لانو هم الاتنين اتقربو من بعض شديد .. نور وقفت معاها لما كانت مريضه .. غمضت عيونها ودعت بقلبها انو ربنا يعافيها وفي اسرع وقت ..
______
في بيت مؤيد ..
ماجد: لمتين حتعاند وتعمل فيها تقيل
باسم: انت معاي انا
مؤيد: يعني اكيد ما حيكون معاي انا 😑
باسم: وانتو اكيد ما حتتكلمو في نفس السيرة
ماجد: اريام بتحبك ياخ افهم
باسم: وانا ما بحبها
مؤيد: رايك ايه انك بتحبها وعيونك كاشفاك
ماجد بضحك: طبعا زولك دة بقرا العيون ما تحاول تكزب 😂
باسم بابتسامه: حلو عن سماي .. انت مش خطبت وانت!
مؤيد: انا لسه بكابس والله
باسم وماجد ضحكو بصوت عالي ..
باسم: طيب خلونا في موضوع البرو بتاع الميديا لازم يخصل الاسبوع الجاي
مؤيد: حيخلص بس باقي التيم لازم يهم شويه
باسم: مرتضى واقف في اي شي وكلهم ما بقصرو المهم انو ينجح
مؤيد بابتسامه: حينجح يااصاحبي
ماجد: من منصتي موفقين 😻
باسم شال تلفونو ..
باسم: يلا يا شباب عندي مشوار اشوفكم المساء
ماجد: تمام
مؤيد: ظاابط
شال تلفونو وطلع .. ركب عربيتو ورجع اتصل على اريام
اريام: انت وين؟
باسم: اتأخرت ولا شي
اريام: لا بس شويه
باسم: تمام شويه واكون عندك .. قفل منها ورمى تلفونو ..
بعد دقايق وقف قدام مبني مكتوبه عليه blue geoup.. اشر لاريام الجات عليه .. ابتسم وهو شايفها بتركب العربيه جنبو .. كان مسرحه جمايكتين ولابسه عليهم طرحه سوداء ..واوفرول نص لونو اوفوايت واسبورت اسود ..
اريام بابتسامه: كيف
باسم: دة القروب بتاعك
اريام:ايوة
باسم حرك العربيه: حلو
اريام: مشكور ..
اول مرة اريام تحس انو في شي غلط او في توتش غريب بينهم .. باسم حس بنفس الشي بعد طلعه الكرنيش وتفكيرو الزايد في اريام ..
اريام: متحمسه جدا
باسم: اول مرة تروحي صح
اريام: رحت مرة مع قروب الجامعه ومرة مع القروب الازرق بتاعي عكسك يعني
باسم: لازم امشي كل زكرى وكل بارت خاص بيهم
اريام اكتفت بالابتسامه ..
نزلو مع بعض اول ماوصلو منظظمه اسمها "بوستف".. باسم مع اول خطوة اتزكر دانيا ..

ودعى ليها بالرحمه في سرو ..
دخلو في قااعه كبيرة وفخمه جدا في شخصيات كتير .. وفي اطفال من مختلف الاعمار قاعدين وباينه في وشوهم الفرحه لابسين تشيرتس مكتوب عليها #انا_جزء_من_قلبي
(المنظظمه كانت بتعمل زكرى لمرضى القلب وتديهم بوستف انرجي بفقرات تفرحهم وهدايا ..)
معظم الناس كانت بتقيف في الاستيج(المنصه) ويتكلمو عن القلب ومرضاه .. والغريب انهم بيبكو في اخر خطابهم ..باسم واريام كانو قاعدين جنب بعض في وسط القاعه .. باسم عاين ل اريام الكانت رافعه ايدها ومبتسمه .. المزيع الفي الاستيج اشر عليها
المزيع: اتفضلي
باسم بعاين لاريام وهي نازلة المدرجات وراسمه ضحكه ف وشها .. وقفت في الاستيج وبدت تتكلم قبل ما تصدر ضحكه قويه خلت كل الفي القاعه ينصطو اكتر ويعاينو ليها بزهول ..
اريام: طبعا معظكم قال اني مجنونه بعض الضحكه دي .. عاينت لجهه المرضى اصحاب الابتسامات الباهته ورجعت كملت كلامها .. عاينت شويه لشعار المنظمه وقالت بوستف انرجي(طاقه ايجابيه) ؟؟ وين البوستف انرجي؟ كل واحد فيكم وقف مهزوز قدامهم "اشرت للاطفال" وبيبكي بانكسار .. رغم انو احنا معافين بس انكسرنا قدامهم عكس القوة المفروض تجي مننا ليهم.. وصلتو ليهم رساله غير مباشرة بدموعكم .. انهم حينتهو حتكون نهايتهم الموت لمجرد تعب في القلب .. كانت بتتحرك بهدوء في المنصه .. بتتكلم والابتسامه ماليه وشها في الاخر ختمت كلامها قبل ما تتقدم خطوات للاطفال " كلنا بنعاني من القلب .. ما تعيشو عشان تموتو ولا إحنا حنعيش للابد ما تستسلمو لانو #_قلب_جزء_منكم ما انتو انتو جزء من القلب .. انتو البتتحكمو فيه"💜 .. حلت لحظه صمت غريبه قبل ما كل الناس تقيف عشان تصفق ليهاا بحرارة .. اريام من جواها مكسورة بس ما حاولت تبين ليهم باستهم في خدودهم .. قدرت تفرحهم شديد وتخلق جواهم "أمل" كبير .. باسم مبتسم من اول حروفهاا ..واقف من بعيد وبصفق ليها .. وزعو ليهم الهدايا واريام كانت مبسوطه .. عدت دقائق قبل ما باسم يوزع الهدايا الجاباها معاهو ليهم ..
طلعو بعد يوم حلو قضو في مكان صح مكان يستاهل نهدر في وقتنا واحنا مبسوطين .. طلعو مع بعض في عربيه باسم ..
باسم: انبسطتي
اريام: جدداا 😻
باسم: وانا مبسوط بكلامك قدرتي تحفزيهم
اريام ابتسمت: ما حسيت بنفسي
باسم ابتسم وعاين ليها ورجع عاين في طريقو .. اريام انشلت شعوريا لما شافت ابتسامتو الغير عن كل الفاتو .. ضحكت من جواها
اريام: تتزكر لما طلعنا الكورنيش
باسم:، اااه
اريام: قلت لي عندي فكرة وما كملنا لما جو ماجد وريم
باسم: كنت حقولك.. فتح تلفونو ومدا ليها اقلب الميتنغ والانترفيوهات العملو مع ناس كتير ..
اريام: تحسد على الفكرة 😻
باسم: اذا ما عندك مانع نمشي لانو ماجد ومؤيد سبقوني للاستيديو
اريام: ما عندي ماانع يلا💜
..باسم سرح في حماسها وضحكتها الحلوة .. انتبه للنفسه وعاين لطريقو .. يومهم كان مليان وحاافل شديد .. باسم رجع البيت وسلم على ابوه وامو ودخل غرفتو .. كان بفكر في اريام والايجابيه البحسها اول ما يكون جنبها .. حاول يطنش شعورو عشان دانيا .. بس رجع يسأل نفسو شنو السر وراء اللقاءات الكتيرة بيها ..بحاول يقنع نفسو بأنو نسى حبها لما كان مع دانيا .. خلل شعرو ودخل الحمام قبل ما يرسم ابتسامه في وشو ..

يتبع......