كانسر

الجزء 36

بعد مرور شهرين ..💜
الساعه02:00
نور كانت مع ريفال ف غرفتها ملتفين مع بعض ببطانيه .. بياكلو في شبس وبيتفرجو على فيلم رعب .. حسو بصوت في الصالة ..
ريفال: اطلعي شوفي في شنو
نور: وليه انا 😒
ريفال: يعني لو دة حرامي حيحن على حالتك وما حيعملك شي اما انا حينتهي من امري
نور: انتي بتهظري 😒
ريفال: طيب قومي نشوف دة منو
طلعو ونور لافه البطانيه حولها .. ماشين ببطئ والصاله ظلام ..
نور: انا شفت زول دخل المطبخ
ريفال: اكيد دة حرامي
نور:حرامي😳
ريفال: هششش حيسمعناا
اتقدمو خطوات ..قبل ما يصرخو لما شافو باسم قدامهم ..
باسم: سلام وقول من ربي الرحيم انت المصحيكم شنو
ريفال: نفس المصحيك
باسم: انا جعان جيت اتسمم 😒
نور: طيب افتح النور ليه بتتلبت ذي الخفافيش🌚
باسم: سديتو نفسي يااخ انا طالع غرفتي
نور: استنا
باسم: عايزة شنو
نور: في عرض مغري🌚
باسم: عرض مغري!!
نور: تعالو نطلع ناكل كرسبي
ريفال: الساعه 1 ياهانم🌚
باسم بخباثه: ومالو انا موافق
نور: وانا الحدفع
باسم: وانا الحسوق
ريفال: وانا حمشي معاكم🐸
دخلو لبسو ملابس عشان البرد .. طلعو وشغلو ااغاني بصوت عالي .. نور كانت راكبه مع باسم قدام وريفال وراء .. نزلو اكلو كرسبي وملو بطنهم .. كل الناس بتعاين ليهم باستغراب بسبب لبسهم😂 نور كانت لابسه جيبه طويلة بالاسود واسبورت اسود ولافه نفسها بشال وبطنها باارزة اكتر من الاول .. باسم لابس جيبه رماديه وبرمودا سودا ..ريفال كان لابسه جكت جنز طويل ..
باسم بعاين للطاولة:ما هاين علي نسيب الاكل دة ونمشي
ريفال: ولا انا بس خلاص حطق 😂
نور كانت عايزة تتكلم بس حست بطعنه في بطنها .. شهقت بصوت واطي ..اتوالت الطعنات في بطنها .. غمضضت عيونها بوجع ومسكت ايد باسم الكان لسه بياكل ..
نور: باسم
باسم: ماشايفاني باكل😒
نور:باسم انا حااسه بوجع 💔
باسم:نععم!!!!! بتتكلمي بجد
نور: باسم انا شكلي بولد 💔
ريفال وقفت:نور.. اكيد ما حتولدي هسا صح😳
نور بصوت عالي خلت كل الموجودين يطالعوهم: انتو لسسسه بتسألو ..اتصلو لماما خلوها تجي💔
باسم وريفال وقفو بسررعه وسندوها .. طلعو من المطعم وفي شويه بنات قالو ربنا يكتب سلامتك وساعدوهم لما ركبو العربيه ..باسم اتحرك بسررعه وريفال كانت ورا مع نور وبتحاول تهديها .. بس نور كانت مغمضه عيونها وبتتوجع خاته ايدها في بطنها ..بدت تصررخ لما المها زاااد
ريفال:اتنفسي يانور
نور: اتصلو لغياث خلو يجي انا حموت😭😭
باسم كان بوصفلها : شهيق وزفيير وبطلي تصررخي
نور: انت اسسككت 😭😭
باسم: حتى وانتي بتولدي لسانك طويل 😒
ريفال: اسررع يابااسم
بعد دقائق ..
باسم: خلاص وصلنا ..
نزلو وجات الطؤاري ونقلووها لغرفه العمليات .. باسم كان ماسك ايدها وبقول ليها انتي حتقومي بالسلامه ياسوبر انا جنبك💜
ريفال اتصلت على غياث واهل نور .. بعد ثواني الدكتور جا طالع
الدكتور: لسسه شويه عليها
باسم: نعم؟ نور بتصرخ وانت بتقول شويه عليها
الدكتور: اصلا لازم تتدلع المهم انها ما حتولد قبل ساعه😊
باسم: انت متاكد انك دكتور اختي حتموت جوة
ريفال: باسم خلاص .. نور يادوبها بدت الطلق
باسم رفع تلفونو واتصل على فؤاد وصادف انو في المستشفى ..جااهم بسررعه واتكلم مع الدكتور
فؤاد: اتطمن يا باسم حيدوها مسكن لما يجي وقت الولادة
بعد دقايق غياث جاا داخل ..
غياث بخوف: نور كويسه!
فؤاد:ما تخاف الدكتور قال شوية وقت ..
غياث دخل الغرفه بدون ما يتردد .. عاين لنور الكانت بتبكي من الالم وفي ممرضه واقفه جنبهاا .. مسك ايدهاا بخوف
غياث: اهدي يانور انا هنا
نور: غياث انا بموت 💔😭
غياث: هشش انتي حتكوني كويسه عايني لي في عيوني ..قرب منها وباسها في جبيهاا .. وبيمسح على راسها .. نور كانت ماسكه ايدو بقوة وبتحاول تصبر نفسها ..
غياث بابتسامه: ثواني وحنشوف "جِنان" استحملي عشانها 💜
نور بصوت خافت: ياارب💔
دقائق ورجعت تصررخ تاني .. الالم كان زايد اكتر .. ما قدرت تتحمل صرخت بكل قوتهاا .. غياث كان متوتر .. كان بعاين للممرضه وبصوت عالي نادي الدكتور بسررعه .. الممرضه رجعت خطوات لما شافت غياث متوتر ..طلعت بسرعه ونادت الدكتور .. جا مستعجل وطلب من غياث انو يطلع ..
نور: لا غياث خليك جنبي💔
الدكتور كان مصر انو يطلع بس نور صرخت بصوت عالي غياااث 😭💔
الدكتور استعجل ونادي الممرضات عشان يساعدوه ..
غياث: اتنفسسي 💔 "دعى ربو انو ما يحرمو من نور"
نور مع كل وجع بتقول يااارب ..
صرخاتها كانت بتصيب غياث .. عيونو دمعت لما شافها بتبكي وما قادرة تستحمل .. الدكتور طلب منها تدفع بكل قوتهاا .. اخدت نفس قبل ما تصررخ .. غمضت عيونها لما سمعت صوت البيبي .. عددت دقائق والدكتو. بارك لغياث البنوته .. نور كانت تعبانه نقلوها لغرفه عشان ترتاح .. غياث طلع ب بتو لاهل نور .. كان بعاين لبتو بشوق باسها في خدودها الصغيرة بعد ما اذن في اذنها.. شمس شالتها من غيااث وما وقفت صلاة على الرسول .. ناصر كان مبتسم والفرحه باينه في وشو .. شمس وناصر بعاينو لحفيدتهم الاولى بحب ..

يتبع.....