بعد كذا اسبوع ..
نور كانت واقفه في التسريحه بتلبس في طرحتهاا .. قربت من غياث وباستو اول ما خلصت رسمت قبلة على عيون جنان النايمه في حضن ابوها .. غياث حسا بيها ..
غياث: انتي طالعه
نور: ايوة عندي اجتماع في المجلة ما حتاخر
غياث: طيب اوصلك
نور رجعت باستو: لا حبيبي كمل نومك
غياث: خلي بالك من نفسك
نور: طيب
.. ركبت عربيتهاا وساقت وهي سرحانه .. نزلت اول ما وصلت المستشفى ودخلت لدكتورة شيماء ..(صديقه غياث اذا بتتزكروها) شيماء سلمت عليها بعد مدة طويلة ..
شيماء: ليه ما جبتي جنان
نور: كانت ناايمه
شيماء: طيب طمنيني عنك وغياث كيفو
نور: غياث بخير .. سكتت قبل ما تعقد ايدها مع بعض..
شيماء: بغض النظر ممكن افهم اصرارك بانو غياث ما يعرف انك هنا
نور: ما لازم يعرف اني مريضه سرطان
شيماء بخوف: سرطاااان .. كيف!!
نور حكتلها بالتحاليل الكانت بالصدفه وانها في المرحلة الرابعه
شيماء وقفت وجات قعدت قصادها: اكيد حتتحسني بس خليك قويه
نور: مافي وقت يا شيماء
شيماء: لا في وقت وما تفكري بشي غير انك لازم تتجاوزيه
نور: شيماء انا حامل
شيماء: حامل!!
نور: عايزة اولد البيبي عاوزة مساعدتك ما لازم يموت💔
شيماء: الكيماوي حيكون خطر عليه والولادة نفسها خطر عليك .. نور انتي لازم تجهضي الجنين
نور بخوف ختت ايدها في بطنها:لا اكيد ما حخلي يموت
شيماء: نور! انتي حتعوضي الجنين اول ما تبقى كويسه بس صدقيني لو عاندتي حتخسري نفسك وغياث كمان حيخسرك
نور بين دموعها: انا ما عايزة اتعالج يا شيماء .. الكيماوي حيموتي وانا حيه الكيماوي حيحرق شعري .. ما هاميني بس غياث حينكسر كل ما يشوفني وماما وبابا حيموتو اول ما يعرفو اني عيانه وباسم ممكن يروح فيها وريفال 💔
شيماء مسكت ايدها: دي كلها اوهام انا متاكدة انهم حيقيفو جنبك استقوي عشان يستقو بقوتك
نور مسحت دموعها: جيتك وانا ماخدة قرار اني اولد البيبي وبعدها حبدأ الكيماوي
شيماء: طيب ياانور بس خليك عارفه انك ضعيفه ولازم ما تتعبي نفسك
نور: ان شا الله.. حاليا حمشي
شيماء: اوكي
طلعت من العيادة وهي مخنوقه .. كانت بتعاين للناس العيانين .. همست بصوتها المكسور " العافيه اكبر نعمه"
________
في عربيه فؤاد ..
فؤاد: ما حتعلي الصوت فااهمه
نهى مدت بوزها: لا حعلللي .. شغلت الميوزك بصوت عالي وبتدندن مع الاغنيه .. عاينت لفؤاد المبحلق فيها
نهى وطت الصوت: خلاص وطيتو😒
فؤاد رجع علاه: ارجعي غني لانو لازم تاخدي ايجابيه قبل ما نمشي المستشفى
نهى وطتو للاخر: المفروض استغفر وادعي انو اتحسن💔
فؤاد قرصها في خدها: حتتحسني اكيد
نهى: ان شا الله
.. دخلو مع بعض المستشفى وفؤاد ماسك ايدها دخلو عيادة الدكتورة .. قبل ما يسلمو على الدكتورة ..
فؤاد: دي فدوى عاصم دكتورة كويتيه وماخدة الجنسيه الامريكيه
نهى بابتسامه: اهلين
فدوى (الدكتورة): يعني انتي نهى الكل المستشفى بتعرفها!؟
نهى عاينت لفؤاد
فؤاد: ايوة 💜
فدوى: احلى بكتير مما تخيلت ما شا الله
نهى: مشكورة
فدوى: فؤاد حكى لي عن حالتك وحاليا انتي مستمرة في العلاج ل9 شهور
نهى: ايوة بس ان شا الله يكون في امل
فدوى: لما تصبري بتنولي وحاليا اتفضلي عشان نعمل الفحوصات ..
نهى: طيب
وقفت عشان تمشي مع الدكتورة بس فؤاد مسك ايدها وبصوت هامس: حتكوني ام عيالي 💜
نهى باستو في خدو: يارب
طلعت وراء الدكتورة وهي متفائله بكل خير ..
دعت ساعه وفؤاد ونهى منتظرين التحاليل .. كانو قاعدين في عيادة فؤاد .. ونهى ضاغطه على ايد فؤاد
نهى: خايفه
فؤاد: مافي شي بخوف حتى لو ما استجبتي للعلاج انا مبسوط المهم انك معاي
نهى: يعمري💜
فؤاد شال تلفونو قبل ما يرد على فدوى الطلبت منو يجي هو ونهى .. نهى وقفت بتوتر فؤاد مسكها بثقه :يلا
دخلو للفدوى الكانت مبتسمه
فؤاد: كل شي تمام!؟
فدوى: الواضح معاي انو نهى بصحه جيدة والرحم استجاب للعلاج وبتقدر تخلف طبيعي ان شا الله
نهى: يعني انا بقيت كويسه
فدوى: كويسه وشديد بس لازم تستمري في العلاج😊
فؤاد مسك ايدها وباسها: مبروك يعمري
نهى سندت راسها على كتفو بين فرحه وعدم تصديق💜
"وبشر الصابرين"
يتبع......
أنت تقرأ
كانسر
General Fiction📝 بقلم: وفاء الكردي الكانسر مرض حقيقي في حياة كل واحد مننا .. دايماً بِنحاول ناخد البسيطْ من كل حاجه حتى من المرض' إلتهاب وحمى .. بنكون مفهمين مناعتنا أنهم بيروحو مهما طال وَقتهم .. الكانسر' عمرو ما كان ميعاد بنوقف فيه نوقف نتنفس .. نتونس .. نبتسم...
