أحـببتُ عاشـقه الكُـتب [قيد التعديل]

06

أغلقت كتابها بعد أن انتهت من قرائته في وقت قياسي رفعت رأسها لأعلي لتجدها تنظر إليها و علي وجهها ابتسامه هادئه و جميله لتقول بإبتسامه:
-في اي يا بنتي ، محسساني اني عملت عمل قومي ولا حاجه!

-فخوره بيكي الله مفتخرش يعني!

-ليه انا عملت اي ده حته كتاب يعني مش للدرجه دي!

-لا ده مش حته كتاب تعرفي ان الكتاب ده كان في واحد قبل كده مستعيره مني كان قدك كده بالظبط دلوقتي بقي دكتور لانه عرف ازاي يحقق أحلامه صح بسبب الكتاب ده؟

-بجد ولا بتهزري!

-لا بجد طبعا و يلا عشان زمان المزمازيل هتاكلنا بدل ما تاكل الاكل.

ضحكت عندما تذكرت "حنين":
-ايوه صح علي رايك يلا!

اغلقت المكتبه ثم ذهبوا الي العماره و صعدوا السلالم و هناك قابلوا "جود" التي كانت في طريقها الي الاسفل ، عندنا رأتهم قالت بسعاده:
-زهره!!

-جوووود انا مش مصدقه كبرتي و بقيتي مزه يا بت انتي!

-استني بس كده انتي هنا و انا معرفش كده يا حياه على اخر الزمن متقوليليش؟

-يا بنتي دول لسه جايين النهارده.

-ليه مين اللي جيه معاكي ، مامتك؟

-احم احم لا بدر اخويا يستي.

-بدر اخوكي!

نظرت لـ"حياه" التي نظرت لها بمكر فهي الوحيده التي تعرف حقيقه مشاعرها فهي تحب "بدر" من نفس اللحظه التي احبها هو فيها لكنها تتابع بصمت و تنتظر ما سيحدث بفارغ الصبر و عندما علمت ان "بدر" جاء و سيبقي هنا لفتره طويله شعرت بالسعاده فهذه ستكون اول خطوه لهم ، فاقت من شرودها علي صوت "زهره":
-حياااه سرحتي فين؟

-هاا ، لا افتكرت حاجه بس يلا نطلع ابقي تعالي اقعدي معانا شويه يا جود مااشي؟

-حاااضر بس انا هروح الجامعه و اجي اشطاا؟

-اشطاا.

ودعتهم ثم نزلت بعد ان صعدوا هم كانت تشعر بالسعاده نعم هي تحبه منذ اول مره رأته فيها حركت رأسها يمينا و يسارا بسعاده لتعود الي الواقع مره اخري رأت أخيها ينتظرها بسيارته أمام العماره لتقول بملل:
-يعم انا مش قولتلك هروح لوحدي بعد كده!

-لا يختي مفيش كلام من ده اسيبك تمشي كده في الشارع لوحدك ازااي؟

-عادي و فيها اي يا أمجد الله!