أحـببتُ عاشـقه الكُـتب [قيد التعديل]

الفصل الخامس عشر

انتهي هذا اليوم مع اعلان حب جديد و حل يوم جديد ملئ بالأحداث المشوقه التي ربما ستغير اشياء كثيره من مجري الحكايه...

استيقظ كل من في المنزل علي صوت هذا المنبه الذي لا يتوقف و الذي كان لحنين فامسكت هي به و قد نفذ صبرها و اوقعته أرضا حتي يوقف الرنين

حنين:عالبووووشكلك

دلفت والدتها الي الغرفه و هي تفرك عينيها من شده النعاس و..

وجد:اي يا حنين براحه يا بنتي

حنين:عايزه اناااام يا بشر

وجد:كده كده وراكي جامعه يعني هتصحي هتصحي متقلقيش يلا قومي اغسلي وشك

حنين:و فين حياه

وجد:واقفه في البلكونه بيتهيقلي منمتش اصلا و انا مش عايزه ازعجها

حنين:مممم ماشي يا ست الكل روحي انتي اعمليلي شويه فول كده حلوين عشان بنتك حبيبتك تاكل

وجد:قووومي يا بت

حنين:حاااااضر الله عيله مجنونه انا مش عارفه انا العاقله الراسيه وقعت في عيله مجنونه زي دي هه عجايب

خرجت من غرفتها علي مضض و لكن لفت انتباهها وجود اختها في الشرفه تنظر الي السماء لا تعرف لما و لكنها أرادت ان تعرف ما بها فقي النهايه هي اختها و من واجب الأخوات ان يساعدوا بعضهم في المُر قبل الحلو..