أحـببتُ عاشـقه الكُـتب [قيد التعديل]

الفصل الرابع عشر

وقف يتأمل كل تفصيله في هذا المكان البسيط لوهله شعر بشئ غريب و هو في هذا المكان.. شعر كنوع من الراحه و الاطمئنان النفسي

بينما وقفت هي تتأمله هو لا تعرف لما هذا الشعور الغريب الذي أصبحت تشعر به كلما كان معها في نفس الزمان و المكان و كأنه يشعرها بالاطمئنان.. هزت راسها في جميع الاتجاهات لتعود الي الواقع علي صوته الرجولي الجذاب و...

اسر:المكان ده حلو اوي ليكي حق تسيبي الجراحه و تيجي هنا

حياه:المكان ده اللي بحس فيه بالراحه وقت ما اكون مدايقه او مخنوقه بروح واخده نفسي و افتح المكتبه دي و أفضل اقرأ فعلا الكتب بتاخد الواحد لعالم تاني

اسر:عاشقه الكتب هااا

حياه:هههه ايوه ده الاسم اللي الناس سمتني بيه و بابا قرر يسمي المكتبه بالاسم ده

اسر:طب يلا نشوف شغلنا و لا اي

حياه:ااه طبعاا اتفضل

جلسوا علي المكتب الصغير الموجود بالمكتب و ترأس هو اياه....

اسر:عايزين فكره جديده للجزء ده

حياه:سهل جدا هنخليهم يحبوا بعض

اسر:هه انا رواياتي مفيهاش حب

حياه:و ليه ميكونش فيها حتي و لو لمره