Roommate Romance

Chapter 10: Joshua

"Alam mo ikaw, hindi porke't nag-out sa'yo ang isang tao eh kakausapin mo na sya ng gay lingo at papaandaran mo na ng mga kabaklaang bantering!", buwisit na sabi ko kay Camille.

"Ang arte nito! Wala namang nakakadinig noh! Sira ka kasi. Masyado kang daring hahaha." depensa nya.

"Wala namang malisya yung paghila ko sa suot nya, tanga! Masyado kang malisyoso." bawi ko. Inikot nya ang mata nya.

"Sabi mo eh. O sya, bibihis na din ako." Umakyat na din si Camille para magbihis.After around 15 minutes ay bumalik si Kyle na may buhat-buhat na cooler. Sinalubong ko sya para tulungan. Nilagay namin malapit sa mesa ang cooler at saka kami naupo.

"Salamat, kuya. Hindi ka pa ba magbibihis?"

"Ah, dito na muna ako. Baka din kasi nasa bathroom pa si Josh antayin ko nang matapos. Ikaw ba?"

"Mamaya na'ko. Baka kasi may i-utos pa sina kuya. Pag na-settle na tayo ang start na ng inuman session saka ako maliligo."

"Sipag mo ah", puri ko sa kanya.

"Aaah, hindi kuya. Obligasyon ko naman dito ang mga ganyan," nakangiting nyang sabi. "Malaki ang utang na loob ko kina kuya Josh. Sya ang nagpaaral sakin kaya kahit hindi ako inuutusan, ako na mismo ang nagkukusa. Parang totoong kapatid na din ang turing nila sakin pero syempre maganda pa din yung hindi ako pabigat lang."

"Ayus ah. Naa-amaze ako relationship nyong magpipinsan. Nainggit tuloy ako ng konti. Hahaha."

"Oo mahal na mahal ko yang mga yan pati si Lola. Lalo na si kuya Josh. Malaking-malaki ang utang na loob ko sa kanya. Si kuya na yata yung pinaka-mabait na taong nakilala ko".

Inabot ni Kyle ang twalya na nakasabit sa upuan at tinantya nya gaano ito kabasa at kung pwede pang gamitin saka pinunas sa katawan nya na butil butil na ang pawis. Wala rin syang arte sa katawan. Naisip ko na medyo unhygienic pero naisip ko din na ginagamit ko din naman minsan ang mga bagay na ginamit na ni Mico. Ganun talaga siguro pag mahal mo ang mga tao sa paligid mo at kung sigurado ka naman na malinis sila sa katawan.

"Pero ano bang long term na balak mo? Career-wise ganun."

"Balak namin ni kuya magtayo ng vet clinic dyan sa labas. Para naman magamit ko yung pinag-aralan ko. Sa mall namin balak dati pero ayaw din kasi namin iwan masyado si lola so dito na muna tapos susunod na sa mall."

"Wow. Nice yon. Goodluck".

"Hehe salamat."

Sa impression ko parang napaka-ideal ng relationship ng mga tao dito sa bahay nina Mico. Napakabait ng mga tao at mararamdaman mo talaga ang respeto ang pagmamahal nila sa isa't-isa. Bagay na hindi ko masyadong naramdaman sa pamilya ko. Nakaramdam ako ng konting inggit at medyo may sakit ng konti nung maalala ko ang iniwan kong pamilya. Naalala ko din ang kapatid na iniwan ko.

Pagkababa nina Camille at Joshua ay ako naman ang umakyat para maligo. Pagkatapos kong maligo ay bumaba na din kaagad ako para magsimula na kaming mag-inuman. More on bonding lang at hindi naman kami masyadong uminom maliban kay Joshua na medyo napaparami ang mga boteng tinutungga. Masaya kaming nagtatawanan. Maraming mga nakakatawang kwento ang magpipinsan at halos hindi maubusan ng kwento si Joshua at Kyle tungkol kay Mico na pinagtutulungan nilang igisa.

Pagkatapos ng mga dalawang oras ay nagpasya kaming umakyat na para magpahinga. Nagpaiwan din ako para tulungan si Kyle sa pagliligpit pero pinigilan nyako.