زواج بالأجبار

الفصل الاول

في عائله كبيره ومشهوره في لندن،اسيل:شخصيه مشاغبه تختلط ببعض المرح واللماضه في حديثها تكون متوسطه القامه ذات شعر بني فاتح مائل للون الاصفر وعيون عسليه وبشره بيضاء وعمرها23سنه وهي محاميه
اياد:شخصيه جديه يختلط بالمرح والعفويه في تعامله طويل القامه ذات عضلات مفتوله وشعره بني غامق وعيونه زرقاء ذات بشره بيضاء وعمره28سنه وهو مهندس معماري يعمل في شركه والده ويساعده،وهو واسيل ولاد عم
حسام:يبلغ من العمر50سنه وهو والد اياد شخصيه جديه وعصبيه
محمد:الاخ الاصغر لحسام ويختلف عنه في صفاته لانه شخصيه هادئه ومحبه لحياه ويبلغ عمره45سنه وهو والد اسيل
هويدا:زوجه محمد ووالده اسيل تبلغ من العمر42سنه وهي شخصيه طيبه ومحبوبه
                       .......................
اسيل:ماما انا هروح ازور جدو ماشي واطمن عليه
هويدا:تمام ياحبيبتي هتروحي لوحدك ولامع اياد
اسيل بضحك:انا اقرر اروح مع اياد ده شئ مستحيل هنولع في بعض عقبال مانروح،انا هروح لوحدي
هويدا:علي راحتك يااسيل
اسيل:سبت ماما والحمدلله ماتصبحتش بوش اياد وبعد شويه كنت وصلت لبيت جدو ودخلتله ازيك ياجدو ياحبيبي وحشني ورحت حضنته
عادل:وانتي كمان وحشتيني ياقلب جدو عامله ايه
اسيل بابتسامه:كويسه ازي صحتك دالوقتي برضو مش ناوي تيجي تقعد معانا في البيت
عادل:اه يعني تعبان شويه مفيش حاجه والجرس رن روحي افتحي يااسيل
اسيل:حضرتك مستني حد يعني
عادل:اه روحي افتحي بقي
اسيل:طيب روحت افتح الباب لقيته اياد انت اوف يعني قلت الحمدلله مشفتكش انهارده تيجي تطلع في وشي هنا ده حرام
اياد:جدو هو اللي طالبني اجي انتي ايه اللي جابك مبخلصش منك ابدا،سبتها ودخلت لجدو عامل ايه دالوقتي
عادل:كويس اقعد انا كنت ناوي اكلمك لوحدك بس بمناسبه ان اسيل جت فهكلمكم انتوا الاتنين في موضوع مهم
اسيل:قول ياجدو خير
عادل:انتو عارفين ان صحتي تعبانه فهجيب من الاخر ايه رأيك يااياد في اسيل
اياد باستغراب:بمعني ايه ياجدو
اسيل:هو يبقي مين عشان يقول رأيه فيا ياجدو
عادل بابتسامه:هو ابن عمك وهيبقي جوزك قريب وانتي برضو قولي رايك فيه
اسيل بصدمه:جوزي مين ياجدو اكيد حضرتك بتهزر معايا صح
عادل بجديه:وانا من امتي كنت بهزر يااسيل  وبالذات في حاجه زي كده انا بتكلم جد انا عايزكم انتو الاتنين تتجوزوا
اياد:انا اتجوزها ياجدو ده شئ من المستحيلات اصلا ديه لسانها اطول منها ومقدرش افضل معها في مكان واحد شويه مش هكمل بقيه حياتي معها
اسيل: وبعدين انت صفاتك السيئه متتعدش واستحاله اقبل اصلا ان ابقي مراتك في يوم وبعدين يعني انا اللي ميته عليك مثلا يااستاذ اياد وبعدين انت متعش مع انسان انت تعيش مع غرورك احسن
اياد:انا مش مغرور وبعدين قبل ماتكلمي علي صفاتي شوفي نفسك الاول يااسيل
عادل بتعب:بس انت وهي،ااااه
اسيل:جدو مالك انت كويس فين دواك طيب،اياد اتصرف
اياد:هو مش قادر ياخد نفسه انا هتصل بالاسعاف خليكي معاه
اسيل:طيب قعدت جنبه ومفيش حاجه والاسعاف جت خدته واحنا روحنا وراه المستشفي وكنت اتصلت بي بابا وعمي عشان يجوا علي المستشفي،بعد دقايق كنا كلنا في المستشفي
الدكتور:مستر حسام صحه الاستاذ عادل مش كويسه وانت عارف ان المفروض يعمل عمليه ضروري بس هو رافض و اي انفعال بيتعبه فابعدوه عن اي انفعال او مشاكل بستأذن شويه وممكن تتدخلوله
حسام بانفعال:انتو الاتنين السبب لاشاور عليهم بسبب مشاكلكم اللي ملهاش لازمه بابا تعب متهيألي انكم المفروض كبرتوا وعقلتوا بس الواضح لأ
محمد:هو ايه اللي حصل الاول لما لقيت اسيل بتعيط رحت حضنتها واهديها ايه اللي حصل يا اياد
حسام:انا هقولك يامحمد اللي حصل تلاقي بابا فتح معاهم موضوع جوازهم وهما طبعا رفضوا وفضلوا يتخانقوا وبسبب اللي عملوه ورفضهم تعب صح يااياد
اياد:بابا مش وقته الكلام ده احنا في المستشفي
حسام:لأوقته لو حصل اي حاجه لبابا هيبقي بسببكم انتوا الاتنين يلا يامحمد ندخله وياريت تمشوا انتو الاتنين من قدامي حاليا وسبتهم ودخلت
محمد:اياد خلي بالك من اسيل عشان لو مرحتش لحسام هيتعصب اكتر وحاول تهديها
اياد:حاضر ياعمي هلحقها،سبت المستشفي فلمحت اسيل بس ماشيه قدام فركبت العربيه ولحقتها انتي يازفته اركبي
اسيل بعصبيه:لأ مش عايزه اركب وياريت تسيبني لوحدي يااياد
اياد:طيب ورحت نزلت من العربيه ومسكتها من ايديها اسيل انا مبحبش العند ومش هفضل الحقك انا جيت عشان عمي طلب مني ده غير كده مكنتش جيت
اسيل بدموع:تمام يااياد سيب ايدي بقي وانا بعفيك من طلب بابا اللي طلبه منك فامشي،انا لما هحس نفسي كويسه هروح قطع كلامي رنين هاتفه
اياد:استني ده عمي،الو طيب احنا مبعدناش كتير نص ساعه ونيجي
اسيل:بابا قالك ايه
اياد:جدو طلب يشوفنا ضروري
اسيل:خلاص يلا عشان هو تعبان ومش مستحمل
اياد:استني قدامنا نص ساعه واحنا قريبين خلينا نروح نشرب حاجه وبعدين نروح علي المستشفي
اسيل:طيب روحنا شربنا حاجه وبعدين روحنا علي المستشفي
محمد:اسيل انتي كويسه ياحبيبتي دالوقتي
اسيل بابتسامه:متقلقش يابابا
حسام:بلاش خناق انتوا الاتنين وحاجه كمان لازم تقنعوه ان يعمل العمليه لان صحته مش هينفع نأخرها اكتر من كده
اياد:طيب يابابا  هندخله،عامل ايه دالوقتي ياجدو
عادل بصوت متعب:اقعدوا انتو الاتنين
اسيل:حضرتك تعبان خلينا ناجل الكلام وكمان عشان خاطرنا لازم توافق تعمل العمليه ياجدو عشان تبقي كويس واحنا محتاجينك معانا
عادل بتعب:بس انا مش ضامن افضل عايش بعد العمليه يااسيل اه الاعمار بايد ربنا بس انا خايف مش حابب اموت غير لما اجوزكم لبعض ده كان حلمي من وانتوا صغيرين ومش هوافق اعمل العمليه غير لما توافقوا انا مش بجبركم بس بقولكوا رغبتي طول الوقت بتتخانقوا بس انتو عمركم ماجربتوا تعرفوا بعض صح او تتقبلوا كلام بعض رغم ان حياتكم كلها عايشين في بيت واحد
اياد:انت مش فاهمنا ياجدو احنا استحاله نستحمل نفضل مع بعض او نتفاهم حتي مبناش اي حاجه مشتركه جوازنا هيبقي جواز فاشل
عادل بابتسامه:اياد انت لسه صغير يابني لكن انا عشت كتير وخبرتي اكبر منك مينفعش تحكم علي علاقه وانت مدتهاش فرصه تبتدي اصلا عالموم انا خدت قراري مش هوافق اعمل العمليه غير بموافقتكم ايه رأيكم النهائي لو مازلتوا علي قراركم مش هجبركم واللي ربنا كتبهولي هيحصل
اياد :انا موافق ياجدو
عادل بابتسامه مجهده:وانتي يااسيل رأيك ايه موافقه تجوزي اياد ولالأ
اسيل:...........
يتبع