زواج بالأجبار

الفصل العشرون

بعتذر جدا عن التأخير تاني
اسيل بتردد وخوف خفي:اه اياد انا كويسه متقلقش انا قولت كده عشان تيجي لانك مكنتش هتيجي غير كده بص اوعي تتعصب جدو جوه وهيدايق
اياد بعصبيه:اسيل انتي مجنونه انا قلقت عليكي فعلا وانتي كنتي بتضحكي عليا عشان اجي هناوتقوليلي متتعصبش عشان جدو لما نروح بس يااسيل وسبتها ودخلت سلمت علي كل وبعد شويه طلعت قعدت في الحديقه انفث عن عصبيتي شويه
ريم بابتسامه متردده:احم اياد ممكن نتكلم شويه لو هتضايق همشي
اياد بتعب:عايزه ايه ياريم
ريم بعفويه:الصراحه انا سمعتك وانت بتتخانق مع اسيل بس صدقني مكنش قصدي انا كنت رايحه اجيب حاجه وسمعتكم بالصدفه الصراحه هي ملهاش دعوه انا كان نفسي نتجمع كلنا كعيله بس عشان عارفه انك هتضايق من وجودي مردتش اعمل الفكره واسيل عملتها كمفاجئه لكل عالموم انا اسفه جدا يااياد علي كل حاجه ولو وجودي مضايقك مستعده امشي مش حابه اضايق حد
اياد بجديه:ريم انا اعرفك من صغرك عمرك مااهتميتي غير بنفسك عمرك مافكرتي في عيلتك ولاانك تقعدي معاهم من الاخر ناويه علي ايه ياريم المرادي ايه خطتك انتي وعمتي
ريم بابتسامه حزينه:انا معرفش حاجه عن ماما من شهر حتي مبتردش علي اتصالتي اتخلت عني وسبتني لمجرد انها مبقتش هتستفيد مني فعلا معاك حق طول عمري مااهتمتش بحاجه غير نفسي بس انا الفتره الاخيره اتغيرت حبيت اصلح كل حاجه واقرب ليكوا لانكم عيلتي اه فضلت سنين لحد مااستوعبت انكم كويسين جدا وان ماما كانت غلط في كل حاجه قالتهالي واحلفلك بحياه بابا ان كل اللي بعمله وقربي لأسيل مورهوش غير اني انا محتاجه ده مش اكتر عالموم انا اسفه لو دايقتك عن اذنك
اياد بابتسامه:استني ياريم رحت وقفت قدامها فيه حد قالي قبل كده ان كل واحد بيغلط ولازم اننا نديه فرصه تانيه لان ده من حقه بمعني تقبلي تبقي اختي الصغيره ياريم وبالمناسبه نسيت اقولك الف مبروك
مراد بابتسامه:اسيل شوفتي ريم لانها مختفيه بقالها شويه
اسيل بضحك:لأالصراحه معرفش تعالي ندور عليها واشوف فين اياد بالمره وحاجه كمان يامراد اعتبر من انهارده بقيت واحد من العيله يعني بلاش رسميات في الكلام اوي اهو شوفت طلعوا هنا وسيبنا ندور عليهم
ريم بضحك:معلش بقي يااسيل وبعدين تعالوا نعقد هنا بدل ماندخل ايه رأيكم
اياد بابتسامه:مفيش مشكله قولولي بقي انتوا الاتنين اتعرفتوا ازاي عشان موضوع الحادثه ديه اكيد مكنتش اول مره تشوف ريم
مراد بضحك:فعلا اول مره شوفتها كانت في الطياره وكان كرسيها جنبي بس كانت كائن تاني غير اللي قاعد دالوقتي مكنتش طايقه نفسها ولااللي حواليها
ريم بغيظ:بقي انا مكنتش طايقه نفسي ولااللي حواليا يامراد انا كنت سعتها مدايقه وحابه افضل ساكته وانت مش عايز تفضل الوقت ده كله ساكت عارف كان نفسي في ايه سعتها اني اقتلك وارتاح
اسيل بضحك:خلاص انتوا الاتنين اقتلوا بعض بعدين ،قعدنا نضحك مع بعض وبعد فتره كل واحد مشي اياد احنا هنروح فين ده مش طريق البيت لامتقوليش انك خاطفني عشان تقتلني عشان ضحكت عليك انهارده معقول ههون عليك اعااا
اياد بتنهد:ايه المسلسل ده يااسيل وبعدين مش لدرجاتي مش هقتلك هو اه ادايقت انك كدبتي عليا بس مش هتعصب عليكي لاني عارف انتي كنتي عايزه تعملي ايه ونجحتي فيه
اسيل بابتسامه:طيب كويس انك فهمتني لقيته بعد شويه وقف قدام البحر ونزلنا بس مقولتليش جايين هنا ليه.
اياد بابتسامه تخفي ورائها الكثير:ماما كانت بتحب البحر جدا وكانت بتاخدني معها نقضي يوم هنا في هدوء بعيد عن كل المشاكل واناحابب نتكلم ونقعد في هدوء مسكت ايديها انا عارف انك مشلتيش موضوع نهي من دماغك يااسيل عشان خاطري ابعدي عنها وعن طريقها لاني مش حابب اخسرك ولاهقدر
اسيل بابتسامه:لفيت ايدي حول عنقه مش هشيل الفكره من دماغي بس هسيبها لوقتها وبعدين متقلقش مش هروح في حته يعني انا قدرك ونصيبك ياحبيبي
اياد بدهشه:انتي قولتي ايه اخر حاجه
اسيل بضحك:مقولتش حاجه غير اني قدرك ونسيبك لأسف ولاانت قصدك علي كلمه حبيبي
اياد بملامح مصدومه:اسيل انتي
اسيل بابتسامه وبنبره هائه:حطيت كفي علي فمه وغمضت عيني لحد مانبضات قلبي هديت انا عارفه ان جوازنا كان نوعا ما غريب ومكنش بارادتنا سعتها وعاملتك بشكل مش حلو وامكن ائذيتك ومعرفش كنت بعمل كده ليه منكرش اني كنت بحس باحساس غريب اتجاهك من فتره بس كنت بنكره لاني كنت خايفه اني احبك رغم اني متاكده انك مستحيل تأذيني بس كان جوايا خوف من اني احب تاني ويوم ماحصلت بينا مشكله وقررت تبعد عني لقيت خوفي من انك تبعد واخسرك اكبر من خوفي اني احبك وانسي كل حاجه وابتدي من الاول معاك اتخليت عن خوفي الفتره ديه وبقي صعب اني افكر حتي ابعد عنك يااياد
اياد بابتسامه:تمام جدا كويس انك اقتنعتي اني مش هفكر ائذيكي بس ليه مقولتليش قبل كده وصعب تبعدي عني ليه يااسيل
اسيل بضحكه خفيفه:هو واضح اللي انا عايزه اقوله بس انت عايزني اقولها صريحه وانا هخيب ظنك واقولها المرادي روحت قربت منه وهمست بجانب اذنه انا بحبك يااياد وطبعت قبله علي خده
                              ............
وائل بتعب:عارفه يانوران كان نفسي تشوفي بيتي بس حاليا بفكر اخدك ونهرب من ماما واسيبلها البيت
نوران بضحك:هتهرب من مامتك فين ياوائل نصيبك كده وبعدين الوقت اتاخر زمانها نامت احنا ندخل في هدوء وانا اروح انام في ارضتي وانت كذلك ويحلها ربنا الصبح
وائل بجديه:نوران كنت هقولك حاجه بس متفهميش غلط تمام
نوران باستغراب:واللي هو ايه
وائل بتنهد:هو انك هتنامي معايا في نفس الاوضه لحد ماما تمشي من هنا ومتسأليش ليه عشان مش هقدر افهمك
نوران بنظره شك:بما أني حساك بتستغل الفرصه ياوائل بس جرب تحاول بس وهتلقي اي حاجه جنبي لبسه فيك حتي لو كانت ايه
وائل بضحك:لأمتقلقيش مش ناوي احاول ولابستغل ولاحاجه فيه كنبه في الاوضه هنام عليها ارتحتي كده بس واضح انك ثقتك فيا عاليه جدا يانوران😂ودخلنا بكل هدوء ياه الحمدلله نايمه مش مصدق
نوران بعفويه:اه عندك حق الصراحه مامتك فظيعه مبتسبش حد في حاله مش عارف انت مستحملها ازاي اخدت بالي من اللي قولته فسكت
وائل بضحك:سكتي ليه دالوقتي
نوران باحراج:احم لاني زودت في الكلام من غير مااخد بالي
وائل بضحكه خفيفه:عادي مش هضايق لاني عارف ان كلامك صح وبعدين انا بحب عفويتك في الكلام يانوران وكمان لازم تبقي اقوي من كده لانك لسه مشفتيش حاجه هتعرفي ان كان عندي حق اني سبتها وجيت عشت هنا
                         ................
ريم بابتسامه:ازيك يابابا ايه اخبارك
طارق بابتسامه:كويس ياحبيبتي وفخور جدا بيكي انك قدرتي تصلحي اللي عملتيه وحتي مع اياد
ريم بعفويه:كان لازم اعمل كده يابابا والحمدلله كل حاجه تتصلحت ومتعرفش مبسوطه اقد ايه وبعدين لازم تبقي فخور بيا مش بنتك ولاايه
طارق بضحك:اه نسيت اقولك مراد كان عايزك تروحيله المستشفي
ريم بكسل:لأمش قدره وبعدين اروحله المستشفي ليه حرام ادي اخره اللي ترتبط بدكتور كان عليا بايه بص يابابا انا هدخل انام وابقي اتصل بيه اقوله اروحله بكره عشان اسيل هديتني امبارح ومش قدره وعندي فوبيا من المستشفي الصراحه من كتر ماقعدت فيها
طارق بتنهد:اقعدي ياريم هسألك حاجه وتجاوبي بصراحه
ريم:اتفضل يابابا
طارق بنبره هادئه:بصي ياريم مراد شخص كويس جدا وطيب وبعتبره زي ابني بس لوانتي مبتحبهوش وهيجي يوم هتجرحيه وتجرحي نفسك او انك وافقتي عشان ترضيني فانهي علاقتكم من دالوقتي
ريم بابتسامه:بابا حضرتك فهمتني غلط انا مش بتهرب من مراد ولاوافقت عشان ارضي حد وبالنسبه لمشاعري فانا مش قدره احددها ولااعرف ايه هو الحب اصلا ومتقلقش مهما يحصل مش هفكر ائذيه انا كنت مكسله انزل من البيت اصلا بس شكلك يابابا عايز تخلص مني وبتحجج بمراد عالموم هريحك هروح البس ونازله
طارق بنفاذ صبر:تصدقي عندك اديني هرتاح من جنانك شويه انا بتكلم فايه وانتي بتقولي ايه
ريم بضحك:بقي كده يابابا ماشي لماامشي هتعرف قمتي وتحس اقد ايه كنت مونساك ورحت لبست بلوزه كشمير علي بنطلون جينز وجزمه كعب ورفعت شعري ديل حصان ونزلت في خلال فتره كنت وصلت المستشفي لانه قرر يشتغل في مستشفي قريبه لبيته ويستقر هنا سألت عليه فقالولي علي مكتبه من فين فروحتله ولما دخلت لقيت ممرضه وقفه قدامه بتديله تقرير مريض بس بتكلم بدلع ووقفتها مستفزه احم مكنتش اعرف ان وراك شغل يامراد لما تبقي تخلص انا قعده بره
مراد بتنهد:لأاستني خليكي وقلت لممرضه اللي هتعمله وبعد شويه سبتنا هتفضلي واقفه ياريم ولاناويه تقعدي
ريم بعصبيه:طالما انت مش فاضي جبتني ليه كان زماني نايمه في البيت
مراد بنظره استغراب:علفكره هما خمس دقايق قلتلها علي اللي هتعمله مش جيتي مثلا وملقتنيش وايه اللي معصبك مش فاهم
ريم بعفويه وانفعال:اللي معصبني ان الممرضه اللي كانت هنا طريقه كلامها وحركتها مستفزه واوفر لقيته بيضحك ممكن اعرف بتضحك علي ايه
مراد بضحك:عليكي ياريم شكلك فظيع وانتي غيرانه وهتفرقعي بس انا مالي هي بتعمل ايه حتي لوكانت بتتصرف ازاي مش هفكر ابصلها كده ممكن ترتاحي وتهدي وبعدين مليش ذنب يعني اني حلو وجذاب بزياده والبنات...
قطعتني بعصبيه:اخرس يامراد احسنلك بدل واللهي
مااجبها من شعرها دالوقتي  وانت المسئول
مراد بضحك:لأخلاص هسكت عشان انا عارفك انك مجنونه وتعمليها خلينا نمشي من هنا انا خلصت شغلي بعد ماطلعنا تحبي تتغدي فين يامجنونتي
                             ............
نهي بحزن مزيف:حسام انا الصراحه مدايقه من تصرفات اسيل معايا وانت معملتش حاجه وكمان سبب بعد اياد اكتر هي لانها بتشجعه انت لازم تخلص منها بدل ماتخسر ابنك الوحيد
حسام باستنكار:متنسيش ان اسيل بنت اخويا مقدرش ائذيها وبعدين معتقدش اللي بتقوليه صح ايه مصلحتها فده
نهي بخبث:مصلحتها انها تسيطر انت ناسي ان اياد وريث لأملاك وهي مراته فليها الحق ومتعرفش هي ممكن تخلق مشاكل وخلافات اقد ايه عشان مصلحتها وبعدين انت بتفكر فيها وهي بنت اخوك واكيد مش هتبقي اهم من ابنك ولاايه وبعدين مش عرفك ان كل ده ميكونش تدبير اخوك من الاول عشان الاملاك تبقي في ايده بعد كده وهو اللي خلي باباك يصر علي الجوازه ديه لحد ماتمت
حسام باقتناع:تصدقي كلامك مقنع من بكرا هننزل واشوفله صرفه هو وبنته لازم ارجع اياد ومش هخلي تخطيطهم ده ينجح وياخدوا اياد بعيد عني ويسطروا عليه بس اللي مدايقني تني ازاي مجاش الموضوع ده في بالي مش عارف من غيرك يانهي كنت هعمل ايه
نهي بابتسامه خبيثه:ولايهمك ياحبيبي انا طبعا يهمني مصلحتك وطبعا مصلحه اياد لاني بعتبره ابني هو اه مش قادر يفهم ده دالوقتي عشان وجودهم بس هيفهمه بعدين لما انا وانت نصلح كل حاجه
                          ..............
في الشركه،اياد باستنكار:يابنتي سرحانه في ايه قولتي انك جايه تسأليني علي حاجه ونمتي مال
اسيل بقلق داخلي:مش عارفه بس مش مرتاحه حسه ان فيه حاجه هتحصل علي حسب اللي عرفته عن نهي واللي شفته في عينيها اكيد هيكون ليها رد فعل علي اللي عملته بس مش قدره اعرف ايه هو
اياد بضيق:اسيل عشان خاطري اقفلي علي السيره ديه وانسي انها موجوده اه عارف انها مش سهله وهتعمل مشاكل انا مش طايقها اصلا ومعرفش لوعملت حاجه ممكن يكون رده فعلي ايه
                        ....................
بعد يومين،محمد بابتسامه:عامل ايه ياحسام نورت البيت جيت احضنه فبعدني بايده في ايه ياحسام
حسام بسخريه:مثل عليا يامحمد الطيبه والحب
محمد باستنكار:امثل وانا هعمل كده ليه ياحسام وبعدين نبرتك متغيره معايا انا اه اخوك الصغير بس علي الاقل احترمني لما تكلمني قدام مراتك
حسام بسخريه وانفعال:وانت هتعوز ايه تاني بعد مانفذت اللي انت عايزه وجوزت اياد لأسيل عشان تستولوا بعد كده انت وبنتك علي كل حاجه وبطبتك ديه تخدع ابني وتبعده عني وتخليه ينفذ اللي انت عايزه
محمد بصدمه ممزوجه بعصبيه:بس ياحسام انا مسمحلكش انك تتهمني بالمنظر ده انا وبنتي وبعدين جوازهم كانت باراده بابا مش انا وانت كنت موافق وانا عمري مافكرت ابعد ابنك عنك ولاهعمل تصرفاتك وجوازك هو اللي بعده مش انا ولابنتي اسيل
نهي بصوت عالي:انت هتضحك علينا بكلامك ده مال جوازنا بالموضوع كل اللي فيه ان بنتك سيطرت علي اياد عشان تبعده عن ابوه وانت اكيد اللي وراها بس بتمثل البراءه دالوقتي
محمد بتعب وعصبيه:ملكيش دعوه انا بكلم اخويا انتي عمرك ماكنتي من باقي عيلتنا ولاهتبقي يانهي فمتدخليش في اللي ملكيش فيه هو تعملي اكتر من اللي عملتيه زمان ايه جايه دالوقتي توقعي بينا قبل ماتكلم
حسام بعصبيه مفرطه:انت ازاي تكلمها كده وتتجرئ هويدا بصدمه: لما سمعت صوتهم اتصلت باياد واسيل عشان يجوا وطلعتلهم ،بس ياحسام كفايه
محمد بتعب وانفعال:انا مغلطتش فيها بس انت اللي مش قادر تشوف قدامك وجودها عامي عينك عن اللي قدامك كفايه اللي خسرته بسببها هتعمل ايه تاني مش شايف انها اول مره نتخانق بالمنظر ده وانك تكلمني كده عشانها
نهي بعصبيه:شوف ياحسام اخوك بيتكلم عني ازاي وانت ساكت ومش واخد حق مراتك اللي عمال يهنها قدامك
حسام بغضب مكتوم وعدم تفكير:مسكته من دراعه ومشيت ناحيه الباب
هويدا بقلق:حسام انت هتعمل ايه سيب ايده
حسام بعصبيه:روحت زقيته علي باب البيت كان هيقع بس اياد سنده اللي ميحترمش مراتي ويهنها ومخادع زيك يامحمد ملوش مكان في حياتي ولافي البيت
اسيل بعصبيه مفرطه:انت ازاي تسمح لنفسك انك تعمل كده مش من حقك تطرد بابا وتهينه بالمنظر ده ورحت مقربه منه ومشيره باصبعي محذره ده مش بيتك لوحدك البيت ده متقسم ملكيته وبابا ليه حق فيه لما يكون بيتكم اعملوا اللي انتوا عايزينه ومتنساش اني ممكن ارفع عليك قضيه بسبب انك مديت ايدك علي بابا وطردته من بيته وصدقني مش هتردد واعملها ياعمي..........
يكمل