زواج بالأجبار

الفصل الحادي عشر

ريم:وانا ماشيه فوجئت بعربيه مسرعه معرفش جت منين ملحقتش اتفادها فاصتدمت بي فارتفع جسدي لأعلي اثر قوه الخبطه واصتدم جسدي بقوه علي الارض واصبح كل مااراه هو صوره غير واضحه وفقدت الوعي
الراجل:نزلت من العربيه بعد مااتاكدت ان مفيش حد فلقيت نبضها ضعيف فقررت اسيبها في نص الطريق وهي من النزيف هتموت يأما عربيه تدوسها ويبقي الشخص اللي فيها يلبس سبتها ومشيت بالعربيه
مراد بتعب:كنت اقود السياره بتاعتي ومتجه لبيت بعد يوم طويل في المستشفي بس معرفش فيه حاجه لفتت انتباهي فخلتني انزل من السياره ولما قربت لقيت بنت عامله حادثه وغرقانه في دمها والصدمه الاكبر لما لمحت وشها وعرفت انها نفس البنت اللي كانت جنبي في الطياره واسمها ريم جيت اشوف نبضات قلبها فلقتها ضعيفه فروحت شايلها بسرعه ورجعت لمستشفي بيها مفيش خمس دقايق كنت وصلت فكلمت الممرضه جهزولي اوضه العمليات فورا ورحت حطتها علي السرير وبعد ساعات في اوضه العمليات لأيقاف النزيف ومعالجه الكسور انقولها لعنايه المشدده
دكتور جون:مراد انت عارف ان ديه حادثه يعني لازم هتيجي الشرطه تحقق ده غير البنت ديه متبهدله وفقدت دم كتير يعني انت عارف انها صعب تعيش
مراد:متقلقش ياجون انا هبقي مسئول عنها لو حصل اي حاجه روح انت وانا هفضل بس المشكله اني معرفش غير اسمها معرفش حاجه عن اهلها مقدمناش غير اننا نستني انها تفوق بس تعدي 24ساعه دول وهتبقي اتخطت مرحله الخطر
جون:مراد معظم الحالات اللي بتبقي زيها لو قدرت تتخطي الوقت ده وتعيش فبتدخل فغيبوبه ولوحصل ده هنعمل ايه
مراد:متقلقش روح انت بدل مامراتك تقتلك لان اتاخرت كتير
جون بضحك:علي رأيك باي
مراد:ياه ياريم بتمني انك تقدري تتحسني وربنا يصبر عائلتك لانك لو مفوقتيش ودخلتي في غيبوبه هتبقي مشكله روحت لأستعلامات عشان شنطتها فدورت امكن اعرف عنها حاجه فلقيت في بطاقتها عنوان بيتها فلقيته مش هنا ولازم اني اسافر فدورت علي موبيلها لحد مالقيته فكان مقفول ففتحته ولما لقيت ليه باسورد كنت هسيبه بس هو رن فرديت الو مين معايا
ساره باستغراب:هو ده مش موبيل ريم مين حضرتك وريم فين
مراد:انا دكتور مراد انسه ريم عملت حادثه وهي في المستشفي.....
ساره بصدمه:قفلت موبيلي ونزلت بسرعه ورحت المستشفي فكنت بسأل عليها
مراد:انسه ساره مش كده
ساره بدموع:ايوه انا ساره فين ريم  حضرتك اللي كلمتني صح
مراد:اه انا بالنسبه لانسه ريم فا هي في العنايه المشدده لو عايزه تعرفي بقيت حالتها فتعالي معايا  لمكتب هوريكي الاشاعات بتاعتها
ساره:تمام يادكتور روحت معاه هي كويسه صح
مراد بنظره اسف:الصراحه لأ هي عندها كسور غير كده فقدت دم كتير بس كويس ان قدرت اوصل لحد يعرفها بصي هي حاليا حالتها مش مستقره ومنقدرش نقول حاجه غير بعد24ساعه هيزول الخطر بس لو مافقتش يبقي لأسف هتدخل في غيبوبه وديه الله اعلم هتفوق منها امتي لو عندها رغبه انها تعيش هتقاوم لكن لو معندهاش فهيبقي الموضوع اصعب
ساره بدموع:طيب مين اللي خبطها هو اللي جبها
مراد:انا معرفش حاجه عن اللي خبطها غير انو سبها في نص الطريق غرقانه في دمها ولو كانت نزفت اكتر من كده كانت ممكن تموت او اني مخدتش بالي منها وجبتها المستشفي
ساره:طيب انا مينفعش اشوفها يادكتور
مراد:لأمينفعش حاليا بس ياريت لو تتصلي بمامتها وباباها
                            ...................
اياد بابتسامه:الصراحه تصرفك وكلامك ميدلش غير ان عصبيتك ناتجه عن غيرتك يااسيل واتكلمتي من غير ماتحسي عشان لاول مره تكلمي من غير ماتفكري واحساسك هو اللي يتحكم فيكي،بس انتي عمرك ماهتعترفي بده لان مازال الماضي متحكم فيكي يااسيل
اسيل :مأنكرتش ان ليه تأثير علي حياتي لكن مش متحكم فيا وسبت المكتب وطلعت ورحت قعدت في مكتبي فسرحت ورجعت بذاكرتي من تلت سنين
فلاش باك
اسيل بسعاده:انا بحبه كتير يانوران وهو كمان بيحبني ومش مصدقه ان انهارده خطوبتنا
نوران:ربنا يسعدك بس انتي متاكده من قرارك ده يااسيل يعني مستعجلتيش
اسيل بابتسامه:لأطبعا انتي عارفه اني بحبه وهو كل حياتي ايه رأيك في فستاني حلو مش كده هو بيحب اللون ده عشان كده لبسته ياه مش مصدقه اليوم اللي هيجي ونرتبط ونفضل علطول مع بعض
نوران بضحك:اهدي طيب يامجنونه
اسيل:يلابقي عشان المفروض اطلع
محمد:حبيبتي مش مصدق نفسي ان انهارده خطوبتك وانك كبرتي
اسيل بضحك:اه بقي الايام بتجري يابابا فضلت قعده مستنيه فتاخر فقعدنا نتصل عليه وهو مبيردش لحد مالناس مشيت انا بدموع بابا انا متاكده انو حصل معاه حاجه انا قلقانه عليه
اياد بجمود:ممكن تهدي بقي دورنا في الاقسام والمستشفيات وهو مش موجود يعني هو هرب يااسيل
اسيل:لأمستحيل فضلت يومين ادور عليه ومش لقياه لحد ماقابلته صدفه اسر روحت حضنته خوفتني عليك كنت فين وبعدت عنه انت كويس دورت عليك كتير مجتش ليه
اسر بنرفزه:يوه بقي يااسيل متهيألي واضح انا محبتش اجي لاني مش عايزك.
اسيل بصدمه وعدم فهم:اسر انت بتقول ايه اكيد بتهزر معايا انت بتحبني ووعدتني تفضل معايا ومتسبنيش
اسر بسخريه:انا عمري ماحبيتك يااسيل والوعد اللي قولتهولك ملوش اي لازمه ابقي اشربيه حاليا انا عملت كل ده عشان استغلك واخد منك فلوس وبس لكن انتي متهمنيش بس حاليا لقيت حبيبتي ومش ساذجه زيك وبتفكر في الحب وبتغير وبتخنق زيك يااسيل عايز اقولك حاجه كمان كلام ابن عمك كان صح باني مبحبكيش وكل همي هو كان ثروتك وبعد انهارده مش عايزه اشوف وشك يااسيل
نهايه الفلاش باك
اسيل:مقدرتش امسك دموعي فنزلت علي خدي انا بعيط ليه دالوقتي انا مسحت الفتره ده من حياتي،كان هناك نزاع بين عقلي وقلبي وفضلت كده فتره لحد ماقررت ان انسي كل حاجه حصلت معايا ومفكرش كتير وادي فرصة لأياد لان كان قلبي واثق انو عمره ماهيفكر يجرحني او يأذيني بس انا ليه اتعصبت انهارده لما شفت طريقتها وكلامها
اياد:اسيل يااسيل سرحانه في ايه انتي كويسه
اسيل بابتسامه:لأمش سرحانه خير في ايه انت هنا بقالك كتير
اياد:اه بقالي ربع ساعه بنادي بس واضح انك كنتي سرحانه في حاجه مهمه
اسيل بضحك:انا اسفه مخدتش بالي انك جيت اصلا عالموم ايه سبب يعني فيه حاجه مهمه
اياد:روحت قعدت بالنسبه لمفروض نزولنا بعد يومين عشان نجيب الفستان والبدله فانا مش فاضي ولو اجلتها جدو وبابا هيقتلوني فننزل انهارده انا فاضي
اسيل:ليه وراك ايه ياعم اياد
اياد:فيه واحده تقول لجوزها ياعم تمام هسافر ايطاليا عشان الصفقه وكل حاجه هتم هناك وكنت لسه هقولك لو فاضيه تعالي معايا غيري جو بس بعد كلمه ياعم ديه لغيت الفكره
اسيل بضحك:موريش حاجه فهاجي معاك غصب عنك يااياد طيب عندي حل افضل احنا منجبش الحاجه وجدو وعمي يخلصوا عليك ونبقي اراحنا جميع الاطراف
اياد بضحك:لأماحنا هننزل عشان ميرضنيش تبقي ارمله يلا يازفته خلصي اللي وراكي وعلي7كده نمشي
اسيل:خلصت واتقابلنا عشان نروح معتقدش ان بابا هيوافق اني اسافر لانه هيخاف عليا
اياد بثقه:لأ متقلقيش طالما معايا عمي هيوافق
اسيل:ياه علي الثقه وصلنا المحل  والبنت طلعتلي فستان مقاسي وانا عجبني شكله فدخلت اقيسه
اياد:اسيل انا هقعد هنا لما تخلصي قوليلي
اسيل :اوفف اقفله ازاي ده ياريتك ياماما جيتي معايا بس اقول ايه حاولت كتير اقفله بس معرفتش
اياد:اسيل انتي نمتي جوا بقالك سنه بتلبسي في فستان اطلعي بقي
اسيل:منا مش هعرف اطلع ولااقولك خلي البنت تجبلي فستان تاني عشان مش عارفه اقفل ده
اياد:طيب ماتقولي كده من بدري افتحي الباب وانا هقفلهولك بعد شويه فتحت الباب فدخلتلها تمام لفي وانا هقفلهولك
اسيل باحراج:فلفيت عشان يقفله فلما ايده لمست ضهري وهو بيقفله حسيت برعشه في جسمي
اياد بابتسامه:خلصت ايه رأيك فيه انا شايفه حلو عليكي
اسيل:اه فعلا شكله حلو ميرسي انك قفلتهولي اطلع بقي عشان اغير هدومي
اياد بخبث:لأمتشكرنيش انهارده ساعدتك عشان تقفليه فاكيد بكره هساعدك انك تفتحيه فمفيش مشكله يعني وممكن اساعدك حاليا برضو
اسيل بخجل:انا من رأي انك تحترم نفسك احسن يااياد انا غلطانه اني دخلتك اصلا لقيته بيقرب مني اياد انت بتعمل ايه.
اياد بابتسامه:كنت بفتحلك الفستان عشان مش هتعرفي يلا هسيبك بقي طلعت وهي غيرت هدومها وجبت البدله بتاعتي وروحنا علي البيت
حسام بجديه:عايزكم انتوا الاتنين في موضوع
اياد بتعب:بابا ممكن ناجلها عشان تعبان وعايز انام
حسام:انا مش بخيرك يااياد اعتبره امر في خلال نص ساعه تكونوا في اوضتي وسبتهم ومشيت
اياد بعصبيه:اسلوبه معايا دايما بيحسسني اني مش ابنه واني شخص بشتغل عنده كل حاجه اوامر سبت اسيل ودخلت اوضتي اغير هدومي وهي عملت كده ورحناله بعد نص ساعه،بابا ايه الموضوع اللي حضرتك مقدرتش تستني عليه لبكره
حسام بجديه:انا مبحبش الف ولادوران فهجيب من الاخر الموضوع هو ان فرحكم بعد اسبوع مش شهر وابوكي مقدرش يكلمك فقلت اقولكم انتوا الاتنين
اسيل بصدمه:بعد اسبوع ليه ياعمو وبعدين فيه حاجات كتير لسه مجهزتش
حسام:الظروف جت كده وبالنسبه لحاجات اللي فاضله احنا هنظبطها ونطبع كروت الفرح تاني والسفر اللي كنت هتسافره بعد يومين خليك وعمك هيروح بدالك وبعدين مش مستاهله يعني صدمتكم انتو اصلا متجوزين ومش محتاجين تتعرفوا علي بعض لانكم عايشين حياتكم مع بعض
اياد:وليه هنخليه بدري كده مااحنا لينا حق نعرف برضو
حسام بنفاذ صبر:من الاخر جدكم عنده عمليه تاني بعد15يوم وهي اخطر من اللي قبلها وحب يشوف فرحكم لانه مش ضامن انو يعيش وكمان لوعدت العمليه علي خير هيحتاج يفضل فتره اطول في المستشفي
اسيل باعتراض:طيب مانخلي الفرح بعد ماجدو يخلص العمليه والفتره اللي هيعدها في المستشفي ليه الاستعجال يعني
حسام بعصبيه:لأ واحمدوا ربنا اني اقولتلكم مسبتكوش وعرفتم ليلتها يلا روحوا ناموا
اسيل:طلعنا من الاوضه ماشي يابابا ديه اخرتها تسيبني لعمي عشان عارف انه مش هيديني فرصه اتكلم لما ابقي اشوف بابا بس كلمت نوران جت قعدت معايا يرضيكي اللي بيعملوه فيا ده
نوران بضحك:الصراحه يااسيل حياتك بقت نكته
اسيل بغيظ:متضحكيش انا مش ناقصه يعني اتجبرت علي عقد القران وحصل في يومين واتجبرت علي الفرح بعد شهر وبعد ماتقبلت الموضوع شويه القيه بعد اسبوع ناقص بعد شهر يقولولي امتي حفيدنا بقي يجي وده امر مش اختيار ورحت قلدت صوت عمي
نوران بضحك:خلاص يااسيل اهدي لو عملتي ايه مش هتغيري الواقع
بعد اسبوع،هويدا:انتي يازفته قومي مفيش عروسه بتفضل نايمه لدلوقتي
اسيل:سبوني بقي في حالي حرام انتوا لو بتعذبوني مش هتعملوا فيا كده
نوران:خلاص ياطنط روحي وانا هصحيها بعد مامشيت انتي يازفته صدقيني تمثيلك بانك نايمه مش هيفيدك الفرح هيتعمل في كل الاحوال
اسيل:خلاص اهرب وارتاح هعمل كده وتساعديني
نوران:لو مش خايفه علي سمعه عائلتك يااسيل ففكري في اياد واللي ناس هيقولوه هو ميستاهلش ده مينفعش تعاقبيه علي غلط غيره وبعدين انتوا عائله مشهوره جدا يعني هيبقي في ناس كتير مهمين فهتبقي مش حلوه يااسيل كنت هساعدك لو كان اياد مش بيحبك او شخص وحش يلا بقي روحي اغسلي وشك عشان البنت مستنياكي
اسيل:اووووف معاكي حق انا ازاي قولت كده وانا عارفه قد ايه صعب ان حد يتخلي عنك في موقف زي ده وبعد ساعات كنت جهزت ولبست الفستان
نوران:ياخراشي علي الجمال يااسيل متاكده لما يشوفك اياد مش هيشيل عينه من عليكي
البنتين:فعلا معاكي حق مستر اياد محظوظ بيكي الف مبروك عن اذنكم
اسيل بغيظ:بقي انا تقوليلي كده يانوران ليكي يوم بقول متوتره عشان فيه ناس كتير تحت وانا مش مستعده
نوران:الحمدلله الفستان طويل مش هتعرفي تجري ورايا وتعمليلي حاجه
اسيل:لسه كنت هرد لقيت بابا واقف علي الباب
محمد بابتسامه:طالعه زي القمر ياحبيبتي ورحت مسكت ايديها ونزلنا من علي السلم وكان اياد واقف تحت مستنينا
اسيل:بابا ساب ايدي وحطها في ايد اياد ورحنا قعدنا في الكوشه عشان نلبس الدبل مش ناوي تسيب ايدي يعني
اياد بابتسامه:الصراحه لأ بس فيه حد هنا احلي من القمر نفسه وصعب اني اتحكم في نفسي
اسيل بصدمه:احترم نفسك احسن ماهقتلك
اياد بضحك:وبعد ماتقتليني هيكتبوا في الاخبار واحده قتلت جوزها عشان كان بيعكسها خبر فظيع الصراحه امال لو عملت اكتر من كده هتدبحيني😂
اسيل:اه مش بعيد عشان كده خليك ساكت خلي اليوم ده يعدي علي خير وبعد شويه لبسنا الدبل لبعض
وائل:نوران عامله ايه ممكن اسألك سؤال
نوران:انا كويسه،اه طبعا قول
وائل:انتي بتتهربي مني يانوران من ساعت اللي قولته لاننا يعتبر معدناش بنتقابل
نوران بابتسامه:لأمش بتهرب انا فعلا كنت مشغوله مع ماما واسيل كمان بس ده احسنلك ياوائل لاني مش حابه تتعلق بيا اكتر واكون انا السبب اللي يجرحك لانو صعب اني افكر في الارتباط بس اكيد لما تحتاجني هتلاقيني معاك كصديقه ويلا ياعم عقبال مايكون فرحك واساعدك فيه
وائل:نوران تفكيرك غلط لانك مش معني انك ترتبطي بيا اني ابعدك عن مامتك او اخدك منها لانها ليها الحق فيكي اكتر مني هي كانت معاكي من ساعت مااتولدتي وتعبت في حملك فاكيد انا مش هبقي اناني عشان اخدك منها يانوران ويوم ماهتساعديني في فرحي فهيكون فرحك انتي كمان لاني مش هتجوز غيرك مش طالب منك غير انك تفكري براحتك وتقوليلي قرارك وانا هحترمه ولو وافقتي بس بشروط معنديش مشكله وحاجه كمان عايز اعرفها انتي بتحبيني زي مانا بحبك
نوران :............
يتبع