زواج بالأجبار

الفصل الثامن عشر

حسام بجمود:لو انت فاكر ان بكلامك ده هتخليني اغير رأي فبقولك متتعبش نفسك
اياد بجديه:استاذ حسام اعمل اللي انت عايزه كلامي ملهوش دعوه بقرارك انا كنت بقولك بس طبيعه علاقتنا ايه عن اذنك واه الف مبروك وسبته وطلعت من المكتب الو ياوائل قابلني في المكان كذا...
وائل بضحك:ايه يتعم مالك شكلك تعبان او مدايقاتخانقت مع عمو حسام تاني
اياد بضيق:مفيش حاجه نتخانق عليها وعلشان مين كفايه اللي حصل اخر مره مش هنساه ولاهسامحه علي كلامه انا مكنتش حابب نوصل لكده بس هو اللي اختار
وائل بجديه:ايوه عمي اختار بس برضو هو باباك يااياد مش هتقطعه عشان هيتجوز يعني
اياد باستنكار:انت عارف كويس انا هبعد ليه وبعدين سيبك مني انت قلت لخالتي علي جوازك
وائل بضحك:لإ وهي جايه قريب ومش عارف اعمل ايه كل مااحلها من ناحيه تبوظ من ناحيه تانيه،قلت اصارح نوران فهمتني غلط قولي اعمل ايه طيب
اياد بضحك:هقولك ايه يابني اترحم علي نفسك وحاول تبسط شخصيه خالتي لنوران عشان الصدمه
وائل بسخريه:اضحك كويس انت ناسي انك اتجوزت وعملت فرحك ومتصلتش بيها😏،قطع كلامي ان وصلتني رساله فبفتحها واتصدمت
اياد:مالك يابني اتصدمت كده ليه فيه حاجه
وائل بصدمه:لأحاجه بسيطه ماما جايه بعد يومين
                        ....................
نوران بابتسامه:يعني قعده تكلمي هنا يااسيل وسيباني لوحدي
اسيل بضحك:اه معلش نسيت اعرفك ريم بنت عمتي وديه نوران صحبتي ومرات وائل
ريم بضحك:اهلا هو انا واضح فاتني كتير وانا في المستشفي،عالموم يااسيل اديني وقت وهعرفلك كل حاجه بس اعرف اتحرك زي الاول بس
اسيل بابتسامه:ماشي ياحبيبتي تعالوا ناكل لان اياد ووائل مش هيجوا دالوقتي مش قبل بليل اكلنا وقعدنا نتكلم ونضحك
ريم بابتسامه:يلا بقي عن اذنكم مضطره امشي بس هجيلك تاني يااسيل
اسيل:مطوليش ومتختفيش تاني يلا باي
                            ..............
ريم بابتسامه:حاضر سبتهم وطلعت فلقيت مراد اهلا ياعم احسن دالوقتي ولالسه تعبان
مراد بابتسامه:لأانا كويس واضح انك مبسوطه يعني
ريم بفرحه:اه جدا متعرفش اقد ايه قضينا وقت حلو عارف امكن عشان مكنش ليا حد قريب مني بسبب ماما وتعليمها ليا اسلوب التعالي والغرور بس انا فعلا كنت ولاحاجه لان مفيش احلي من البساطه وانك تحب اللي حوليك
مراد بابتسامه:اهم حاجه انك مبسوطه ياريم وياريت تخليكي كده علطول عشان بتطلعي احلي وانتي الابتسامه علي وشك😊
ريم باستنكار:انت بتعاكسني يادكتور مراد ولاايه🙄
مراد بضحك:لأانا بمدح بس يلاوصلنا تصبخي علي خير اشوفك بكره
ريم باستغراب: احنا هنخرج بكره
مراد بضحك:اه حاجه زي كده متستعجليش يلاباي وسبتها ومشيت
ريم بابتسامه:ازيك يابابا وحشني انت والبيت ومحمودواللهي ورحت حضنته
طارق بابتسامه:حبيبتي وانتي كمان وحشاني وواضح انك متغيره كتير وديه حاجه مفرحاني بس عايزك في موضوع مهم مستعده تعرفيه ولاتستني بكره
ريم بفضول وضحك:لأقولي مش هقدر استني بكره الصراحه من الفضول
طارق بابتسامه:الصراحه ياريم انتي متقدملك عريس وطبعا القرار قرارك مش هغصب عليكي بس انا شايفه شاب كويس وبيحبك
ريم باستنكار:ليه هو يعرفني عشان يحبني اوعي تقولي يابابا انو ابن حد من اصحابك
طارق بضحك:اه هو يعرفك بس متخفيش مش ابن حد من اصحابي هو جاي بكره موافقه تقبليه وبعدين تكرري ولامش حابه فكره الارتباط اصلا
ريم بابتسامه:اللي تشوفه احسن يابابا اعمله واوعدك اني لما اشوفه بكره هفكر كويس قبل مااكرر تصبح علي خير يابابا
                          .....................
اياد بتوتر:احنا كنا عايزين نقولكم موضوع انتوا الاتنين ايه رأيك تبدأ انت ياوائل
وائل:لأانا سيبلك المهمه ديه انت
اسيل بانفعال:في ايه انتوا الاتنين قلقتونا ماحد فيكم يتكلم ولاهتفضلوا تعزموا علي بعض
اياد بجديه:خالتو جايه بعد يومين طبعا مش هعرفك عليها يااسيل لانك عارفها بس نصيحه ليكي يانوران متصدميش لما تشوفيها
نوران بعدم فهم:وفيها ايه ياوائل ماكنت قلت من الاول ان مامتك جايه حسيت الموضوع صعب وقلقتني
اسيل:مانتي متعرفيهاش عشان كده مش عارفه هو ليه تحت الصدمه طنط ليلي الصراحه مش لقيه وصف اوصفها بيه حد يساعدني طيب،هي تعرف بجوازك ياوائل ولالسه
وائل يهز راسه بقله حيله:لأمتعرفش ومش عارف هتعمل ايه انا بفكر اهاجر واريح نفسي بس هقولك يانوران ان ماما عمرك ماهتشوفي ولاشوفتي زيها فمتركزيش فكلامها وافعالها لحد ماتمشي ويارب ترجع في قرارها ومتجيش
نوران باستخفاف:يعني ايه عمري ماشفت زيها هي اكيد ام زي اي واحده مثلا
اياد بضحك:انتي طيبه جدا يانوران ياريت تثبتي علي كلامك ده بعد ماتشوفيها
                       ..................
تاني يوم،ريم بابتسامه:صباح الخير يابابا
طارق:صباح النور ياحبيبتي،بقولك ايه هو هيجي علي6كده
ريم بعدم اكتراث:تمام يابابا جهزت قبل الساعه 6ولماجت الساعه بالظبط كان جرس الباب بيرن واضح ان مواعيده مظبوطه اوفف ده انا حتي نسيت اسأل بابا اسمه ينهار ازرق علي الفضايح يعني هو عرفني وانا لأ ربنا يستر قطع توتري مجئ محمود
محمود بضحك:لأالصراحه الواد ايه حلو ميترفضش
ريم بتوتر:اخرس ياض وطلعت معاه فقابلت بابا وهو طالع من الاوضه ايه ده انتوا هتسبوني وحدي
طارق بضحك:في ايه ياريم اهدي صدقيني مش هتجوزي انهارده انا هسيبكم شويه تكلموا وهرجعلك
ريم بتوتر:ماشي يابابا اخرتها تعمل فيا كده دخلت وانا مش بصاله ولامركزه مختش بالي انو نبهني من الطربيزه المحطوطه خبطت فيها ففقدت توازني ووقعت في حضنه بس كنت مغمضه عيني
مراد بابتسامه:مش تخلي بالك يامجنونه
ريم بصدمه:فتحت عيني اثر صوته مراد انت بتعمل ايه هنا وبعد شويه لاحظت وضعيتي فقومت احم اسفه بس بابا قالي ان فيه..
قطع كلامي بابتسامه:ان في حد متقدملك حته مفكرتيش تسألي عن اسمه ياريم
ريم بعدم فهم:لأمسالتش نسيت عشان كنت تعبانه ونمت بس برضو انت بتعمل ايه هنا
طارق بضحك:انا اسف يابني بس واضح ان الحادثه اثرت علي مخها،هريحك واقولها علطول مراد هو اللي متقدملك عشان كده هو هنا
ريم بصدمه ودون وعي:مراد مين يابابا
طارق باستغراب:ريم انتي في وعيك لحقتي نستيه دكتور مراد متقدملك
ريم بصدمه:تمام هحاول استعوب الصدمه ممكن بس دقيقتين يابابا بعد ماسبنا
مراد بقلق خفي:ريم انتي ناويه علي ايه
ريم بانفعال:مانا كنت معاك امبارح مقولتليش ليه انك جيت لبابا وليه بتعمل كده
مراد بابتسامه:همست بجانب اذنها لاني مثلا بحبك وعايزك في حياتي ممكن ده يبقي سبب ولامش ممكن
ريم بدهشه:تجاهلت نبضات قلبي السريعه اثر كلامته،بس انت متعرفنيش من مده يامراد وممكن يكون تسرع
مراد بجديه:ريم انا لو مكنتش متاكد من مشاعري مكنتيش هتلاقيني هنا قدامك
ريم بابتسامه:بس انا مستاهلش يامراد انك تحبني او تكمل حياتك معايا انا واحده انانيه ازاي هتقدر تثق فيا ان اللي حصل قبل كده مش هيتكرر
مراد بنظره ذات مغزي:بصي ياريم انا اعرفك من حوالي شهر يعني لو انتي زي مابتقولي كنتي عيدتي الموضوع مش هتعترفي لشخص متعرفهوش غير من فتره وتبقي ندمانه ،ولو انتي شخص اناني زي مابتقولي كنتي انقذتي نفسك وسبتيني يوم الحادثه ،غير كده مفيش انسان مبيغلطتش ياريم احنا بشر في الاخر وبعدين متقلقيش انا بثق فيكي بس لو ديه حجج بانك عايزه ترفضي بس بطريقه مختلفه فانا متقبل الموضوع لو قلتيه بصراحه
ريم بضحكه خفيفه:لأمقصدتش حاجه يامراد من اللي في بالك كان كلام عادي
طارق بابتسامه:واضح انكم اتفقتوا ولااايه
مراد بضحك:الله اعلم اسأل ريم
                        ................
اياد بضحك:مالك قاعده كده ليه يااسيل
اسيل بتوتر:اه بعد ماخلصنا من حاجه طلعتلنا طنط ليلي حرام الصراحه مضمنلكش افضل ساكته لو اتكلمت مع نوران بطريقه مش حلوه
اياد باستنكار:وانتي من امتي بتسكتي يااسيل عالموم خدي راحتك يعني هي الصراحه احيانا بتبقي مستفزه
اسيل بتعب:اه بس كفايه انا هروح اعمل اي حاجه لقيت اياد مسك ايدي
اياد بابتسامه:رايحه فين خليكي معايا شويه لفيت ايدي حول خصرها وحشتيني وميلت بالقرب من شفتيها
اسيل باضطراب:حاولت السيطره علي انفاسي وضربات قلبي بس بعدته عني لما لقيت الباب بيخبط فهربت ورحت افتح فلقيته وائل
اياد بغيظ:اشوف فيك يوم ياوائل بتيجي في اوقات غلط
وائل بتوتر خفي:اه مش وقته يااياد اطلع سلم علي خالتك عشان جت بس ممكن تهربني
اياد بضحك:هتهرب من قدرك فين تعالي وخلاص فطلعنا ازيك ياخالتوا عامله ايه
ليلي بابتسامه:كويسه بس كويس انك فاكر ان عندك خاله يااياد لانك مبتكلمش حتي معزمتنيش علي فرحك.
اياد:معلش بقي جدو عمل الفرح بسرعه وملحقناش
ليلي:خلاص كفايه عشان انا تعبانه من السفر وده غلط علي بشرتي وفلازم ارتاح لينا كلام بليل عن اذنكم ومش عايزه ازعاج واطلب من الخدم يطلعولي شنطتي
نوران بصدمه:انا مش قدره استوعب الفكره هي ديه مامتك فعلا ياوائل
وائل بضحك:هما بيقولوا كده يعني طبعا مستغربه لبسها فاهقولك ان ماما اهم حاجه عندها الموضه وشكلها قدام المجتمع وحاجات كتير زي مانتي شايفه كده،تعالي معايا يانوران عايزك ممكن اطلب طلب منك ومتفهمنيش غلط
نوران بعدم فهم:عايز ايه ياوائل
وائل بتردد:ممكن انك تغيري ستايل لبسك اليومين دول عشان ماما
نوران بعصبيه:وايه اللي وحش في لبسي ياوائل ولاعشان مبلبسش علي الموضه انت حبتني وانا كده ودالوقتي مش عجبك لبسي ولابالمعني مستعر عشان قطع كلامي بقبله وانا لسه مصدومه حاولت ابعده بس هو احكم قبضتيه علي خصري
وائل بجديه:بعدت عنها بعد شويه نوران ينفع نتكلم شويه
نوران باقتضاب:وانا مش عايزه اتكلم معاك وابعد عني فكر بس تعيدها تاني وانا هوريك ياوائل
اسيل بنبره هادئه:فيه انتوا الاتنين صوتكم عالي بتتخنقوا ليه طيب
وائل بضيق:حكتلها اللي حصل واللي قولته انا مقصدتش حاجه بس نوران كل مااقول حاجه بتفسرها علي مزاجها بصي يااسيل امكن تتقبل الفكره منك لكن انا مش ناقص الصراحه وطلعت من الغرفه وقفلت الباب جامد
اسيل بتعب:وائل مش زي مانتي متخيله وبعدين مينفعش تحكمي علي كلامه من غير مايكمل يانوران انا عارفه ان الفتره ديه تعبانه عشان الفتره اللي فاتت بس اعرفي برضو ان وجود طنط ليلي لوحده مشكله فمتضغطيش عليه اكتر من كده وبعدين تعالي معابا اوضتي واختاري الفستان اللي يعجبك ومش هترفضي لاننا اخوات وعادي
نوران بابتسامه:ماشي يااسيل
                       .....................
طارق بانفاذ صبر:ريحيني وعرفيني ايه قرارك مردتيش امبارح حتي
ريم بابتسامه:اديني وقت عالموم هو يجي عشان ياخدني المستشفى وافك رجلي،اهو جيه يلاباي يابابا
مراد بابتسامه:عامله ايه
ريم بضحك:كويسه ايه ده مش هتسأل انا قررت ايه ولاغيرت رأيك وفقدت الامل فيا😂
مراد بنظره ذات مغزي:مش حابب اضغط عليكي مش اكتر ومتقلقيش مبفقدش الامل بسرعه كده،بعد فتره وصلنا المستشفي وفكت رجلها وطلعنا
ريم بفرحه:ياه مش مصدقه نفسي اخير هعرف امشي عادي خلينا نتمشي شويه فضلنا نتمشي شويه لحد مابقينا قدام البحر عارف بحب اوي المنظر ده غروب الشمس مع البحر اخدت نفس عميق انا موافقه
مراد بصدمه:موافقه علي ايه ياريم
ريم بضحكه خفيفه وخجل خفي:موافقه علي طلبك يامراد لما لقيت الصدمه محتله ملامحه انت كويس ولالسه مش مستوعب
مراد بعدم تصديق:هو انا مش نايم وبحلم صح ديه حقيقه
ريم بضحك:صدقني دقيقتين وهرفض لو فضلت كده كتير يامراد
مراد بدون تفكير:لأوعلي ايه مسكت ايديها وركبتها العربيه
ريم بصدمه من تصرفه:احنا هنروح فين وهدي سرعتك يامجنون هنعمل حادثه طيب مراد بجد مش عايزه اموت انهارده فلقيته وقف العربيه
مراد بابتسامه:متخفيش استحاله اعرضك لخطر طول مانتي معايا بس انا كنت حابب ان اول حد يعرف بموفقتك باباكي لانه هيفرح بده وكمان عشان اتفق معاه علي وقت
ريم بضحك:طيب ممكن سؤال يعني بس متفهمش معناه غلط
مراد باستغراب:تمام اسألي اللي اللي انتي عيزاه
ريم بابتسامه:اممم انت ليه قررت تكلم بابا الاول ومقولتليش رغم اني كنت معاك قبلها وكمان عرفت عنوان بابا ازاي
مراد بجديه:عرفته ساعت الحادثه بتاعتك لما دخلتي المستشفي وانا معرفش غير اسمك ولازم اعرف حاجه عن اهلك عشان اقولهم فدورت في شنطتك وطلعت البطاقه فعرفت عنوانك وحاجه كمان انا عندي مشكله في اني اعبر عن مشاعري وبعدين انا حبيت علاقتنا جديه مش اكتر فده مدايقك
ريم بضحك:لأمعنديش مشكله بس مستغرباك لاني من ساعت ماشوفتك مشفتكش بتقول حاجه جد
                             ...............
اسيل باعجاب:الفستان طالع عليكي تحفه يانوران
نوران باحراج:بس ده قصير ومفتوح وانا استحاله اطلع بره الاوضه بالمنظر ده ومبعرفش امشي بالكعب كمان
اسيل بضحك:بس كفايه الفستان مش قصير بس انتي اللي مش متعوده تلبسي فساتين لبسك كله بنطلونات والكعب حلو عليكي يلا بقي لو متطلعتيش يانوران من الاوضه هخلي وائل يطلعك
نوران بغيظ:انا مبعرفش امشي بالكعب هقع وهتكوني السبب يااسيل قطع كلامي دخول حد الاوضه فجريت وقفت ورا الستاره
وائل:كل ده انتو نمتوا انتوا الاتنين
اسيل بضحك:مراتك السبب خرجها انت بقي بمعرفتك عشان انا تعبت وملحوظه خلي بالك لانها مش متعوده علي الكعب وسبتهم وطلعت
وائل بابتسامه :لمحت انها واقفه ورا  الستاره فرحت بهدوء وبعدت الستاره عنها فلقتها مغمضه عينيها فطبعت قبله علي خدها هتفضلي هنا بقيت اليوم يعني بس الصراحه حرام الجمال ده كله يفضل مستخبي ورا الستاره
نوران بانفعال:وائل اطلع بره انا هغير الفستان ده وكلمه كمان و
قطعني بجديه:هتعملي ايه يانوران ورحت مقرب منها اكتر ومحاصرها علي الحيطه نفسي مره تبطلي تقطعيني وتكلمي بالاسلوب ده وبعدين هتغيريه ليه هو طالع عليك حلو ومناسب ليكي
ليلي:صحيت من النوم فقلت ادور علي وائل فا حد من الخدم قالي مكانه واول لما دخلت اتصدمت انو واقف مع واحد وائل مين ديه
وائل بصدمه:اتلفت علي الصوت ماما انتي صحيتي امتي
ليلي بحزم وغرور:ديه حبيبتك صح بس انا فاكره انك قولت ان مش عايز ترتبط ياوائل لما قولتلك انك تجوز بنت صحبتي بس ممكن اعرف مين ديه هي مين وبنت مين ولادي انت جايبها بس تضيع وقت معها
نوران بعصبيه:انا ليا اسم علفكره وهو نوران وبعدين مش من حقك تكلمي عليا بالمنظر ده قبل ماتحكمي علي اللي حواليكي اسألي ابنك الاول انا بالنسباله مين
ليلي بسخريه:اديها ظهرت علي حقيقتها عمر ماللبس بيغير مستوي الانسان مين البنت الوقحه ديه ياوائل اللي سيبها تكلمني كده وازاي تنزل مستواك ليها وتقبل تدخلها حياتك ماترد عليا......
يكمل