زواج بالأجبار

الفصل السادس والعشرون

بس فاجئه لقيت نفسي في مكان غريب اول مره اشوفه معرفش هو فين ومفيش اي حد موجود غيري فضلت امشي لحد مالمحت واحده قاعده علي كرسي فقربت منها عشان اسألها بس اتصدمت لما شوفت وجهها ماما
چاسمين بابتسامه:عامل ايه يااياد عارف اني كنت مستنيه اللحظه ديه من سنين وهي اني اشوفك
اياد بضيق:انا تعبت ومعدتش قادر اعرف حاجه محتاجك جمبي ياماما سبتيني لوحدي مبقتش عارف اعرف الطريق الصح اللي امشي فيه جوايا خوف من العلاقات واني مقدرش اكمل لأخر واجرح اللي معايا وانا فعلا عملت كده بعصبيتي جرحت اسيل جوايا احساس اني لازم اصلح اللي عملته بس في نفس الوقت عقلي منعني حاسس اني لو استمريت هأذيها
چاسمين بابتسامه:خوفك من انك تأذيها يااياد اكبر دليل انك بتحبها بجد بس متخليش خوفك ده يتحكم فيك ويخليك بدل ماتحاول تحافظ علي علاقتكوا انت اللي تدمرها يااياد في العلاقات بالذات امشي ورا قلبك مش عقلك وكمان انت لازم تنسي الماضي ومتخلهوش يأثر علي حياتك يااياد امشي ورا قلبك وانت هتعرف الطريق الصح فين وانا واثقه انك هتلقيه وهتقدر تصلح اللي عملته كمان اوعدني بده يااياد انك تفكر مليون مره قبل ماتأذي حد وبالذات اسيل
اياد بابتسامه:اوعدك بده لقتها بتبسم ليا ولقتها ابتدت تختفي من قدامي لما فوقت لقيت شرطي واقف جنبي واني في العربيه هو ايه اللي حصل
الشرطي:حضرتك خبطت في الشجره ففقدت الوعي خلي بالك بعد كده وكمان الجو مش حلو فالاحسن تروح لان ممكن التلج يزيد ويقفل الطرق
اياد بابتسامه:تمام شكرا جدا وسبته وقررت ارجع البيت اكلم اسيل وصلت فنزلت من العربيه دخلت البيت اسيل يااسيل دورت عليه في البيت ملقتهاش فقلت امكن تبقي في الاوضه دخلت برضو ملقتهاش لفت انتباهي حاجه فرحت اشوفها لقيت ان حاجتها مش موجوده فابتديت اقلق روحت فتحت الدولاب فاتاكد شكي لما ملقتش هدومها لأمستحيل روحت لاوضه جدو اسيل فين ياجدو او مشيت من امتي
عادل بجديه:خدت حاجتها ومشيت يااياد ومعرفش هي راحت فين مرضتش تقولي كل اللي قالته انها حابه تسيبك عاي راحتك بس ممكن تلحقها لو انت عايز هي طلعت من شويه
اياد بقلق:ماشي طلعت جري من البيت ركبت العربيه وقودتها بعصبيه وانا جوايا خوف اني ملحقهاش ادعيت جوايا اني الحقها فضلت ارن عليها بس هي قافله الموبيل بعد ماكنت هوقف العربيه بسبب اني فقدت الامل لمحت نور عربيه بس بعيد فقودت بسرعه اتجاهه وبصعوبه بسبب الجو قدرت اني اتاكد من انها عربيتها كنت عارف انها مش هتوقف فمريت من جنبها ووقفت العربيه بالعرض عشان اوقفها ونزلت من العربيه
اسيل بصدمه:لقيت اياد واقف قدام العربيه فرملت قبل مااخبطه ونزلت بعصبيه انت مجنون فيه حد يقف كده
اياد بجديه:اه مجنون يااسيل انا ممكن اعمل اي حاجه عشان اوقفك انك تمشي معقول كنتي عايزه تسبيني وتروحي
اسيل بضيق:ده اللي كان هيحصل اذا كان دالوقتي اوبعدين لان الحقيقه هي اللي انت قولتها انت اتجبرت تجوزني زي مااتجبرت علي حاجات كتير
اياد بتنهد:لأمش الحقيقه يااسيل اه جوازنا كان كده الاول بس كل اللي حصل بعد كده مكنتش مجبر عليه انا فعلا بحبك يااسيل ومكدبتش في ده ولافي اي تصرف عملته او قولته انا لو كنت مجبر عليكي يااسيل كنت مستحيل افكر اقرب منك او المسك لأي سبب يكن انا كنت متعصب ومكنتش واعي للي بقوله انا عارف اني جرحتك بس مش لدرجه انك تقرري تسبيني يااسيل
اسيل بجديه:لو اعتبرنا ان كلامك حقيقي مش هتندم في المستقبل لانك مخترتش الانسانه اللي تكمل معاها
اياد بنبره خافته:لدرجاتي شيفاني وحش يااسيل بس هريحك اوعدك اني مش هندم في المستقبل ولاهفكر اخونك ولااتخلي عنك ولو عملت كده ابقي اقتليني او سبيني يااسيل وديه هتكون اخر مره نتكلم في طريقه جوازنا ايا يكن ايه اللي حصل سعتها فهو مش مهم اهم حاجه انك معايا انا مش هتحمل انك تسبيني انتي كمان انا مليش غيرك اتحمليني الفتره ديه بس قربت منها وحضنتها فحسيت برجفه في جسدها اسيل مالك
اسيل بابتسامة وتعب:الجو برد ولو فضلت اكتر من كده هاتجمد يااياد بعدت عنه فلازم امشي
اياد بصدمه:تمشي انتي قررتي خلاص يااسيل حته بعد اللي قولته
اسيل بضحك:مقولتش هسيبك وامشي بس لازم امشي بعربيتي لاني اكيد مش هسيبها هنا
                           ..................
نوران بغيظ:كنت بحاول اجيب حاجه من فوق الدولاب ومعرفتش فوقفت علي كرسي كنت بحاول اوصله وفاجئه لقيت وائل واقق تحت وساند بضهره علي الدولاب
وائل بضحك:بتعملي ايه فوق بس وانتي حته واقفه علي الكرسي ومش طايله وهتقعي في الاخر انزلي وانا هجبلك اللي انتي عيزاه
نوران برفض:لأمش عايزه مساعده منك فاجئه لقيته شالني انت ياعم نزلني انت مش شايل كيس بط طاطس معاك اوفف نكشتني ياوائل مش مسمحاك
وائل بضحك:شكلك حلو وانتي كده بالمقلوب يانوران عشان متعنديش معايا تاني ورحت نزلتها علي السرير ورحت جايبلها الشنطه اللي كانت عايزاها افهم كنتي عايزاها ليه ناويه تهاجري مثلا
نوران باستفزاز:اه هطفش منك عشان تبقي تشلني كده تاني هطلع اللي انا عيزاه بس وهنتقم منك،اهو لقيته
وائل بابتسامه:لقيته البوم صور ليها ولمامتها تمام ياستي كده اسيبك مع نفسك واروح ورايا حاجات اظبطها
نوران بتنهد:وائل فيه حاجه عايزه اقولها من يومين ومش عارفه وهي ان المفروض معاملتي مع مامتك متبقاش كده واني اعتبرها زي ماما وانا فعلا حاولت بس معرفتش اعمل ده معرفتش اكسبها انت عملت حاجات كتير عشاني وانا مقدرتش اعمل حاجه زي ديه
وائل بابتسامه:روحت قعدت جنبها ومسكت ايديها انا مش مضايق نهائيا لان عارف ماما كويس وانها صعب انها تتقبلك ده غير معاملتها هي اه طيبه بس ده غالبا مبتظهروش كتير بتفضل تبان قويه فيه حاجات كتير مربوطه باخالتي چاسمين انتي متعرفهاش وصلتها ان تخليها كده بس انا متاكد ان هيجي يوم وهتقدري تكسبيها وتعاملك زي بنتها بس هي محتاجه تتقبل الفكره الاول مش اكتر
                         .................
ريم بعفويه:اكلنا ياستي واتفرجنا علي الفيلم زي مانتي عايزه وكلمنا مراد مش هتنامي ولامش جيلك نوم لسه
ميرا بضحك:لأخلاص تعبت هروح انام مقعدتش اضحك ولااعمل كده من فتره طويله ياه هنخربها لما تيجي وتعيشي هنا يلاتصبحي علي خير وسبتها وطلعت اوضتي
ريم بابتسامه:رتبت الحاجه وطلعت عشان انام لسه هحط دماغي علي المخده لقيت موبيلي بيرن فلقيته مراد فاستغربت بس رديت الو يامراد انت مش لسه متصل من شويه
مراد بعفويه:اه اتصلت من شويه عشان اكلم ميرا ولما لقيت نفسي فاضي قلت اكلمك وانا متاكد ان ميرا مش جنبك وانك قاعده لوحدك كمان
ريم بتنهد:تمام فعلا ميرا نامت وانا كنت هعمل زيها بس انت دايما مستقصدني علفكره ونفسي اولع فيك عشان صحتني بدري وخضتني
مراد بضحك:عايزه تولعي فيا بس عشان صحيتك مش عشان سبب تاني يعني ياريم ومخبيه مثلا
ريم بغيظ:علفكره انا غلطانه اني رديت عليك وابقي فكر يامراد تدخل وتصحيني تاني وشوف هعمل فيك ايه حتي لو بابا هو اللي مدخلك ليا حساب معاه هو كمان عشان انتوا اتفقتوا عليا مكنتش فاكره ان بابا هيحبك اكتر مني مش عارف لو كان يعرفك من فتره اطول كان عمل ايه
مراد بضحك:عارفه هغامر واعملها تاني واشوف هتبقي تعملي ايه ياريم
ريم بضحك:انت حر مش مسئوله عن اللي هيحصلك فضلنا نتكلم كده لحد مانمت من التعب من غير مااحس
مراد:ريم ياريم واضح انها نامت فرحت قافل الخط ودخلت انام انا كمان
                            .................
عادل بابتسامه:لما لقتهم جايين مع بعض فرحت بتمني انكم مترجعوش وتسيبوا ايد بعض تاني وهقولك حاجه يااياد انا فعلا غلط كبير حاولت انكره كتير بس انا دالوقتي معترف بيه وعقابي هو ان ابني اللي حاولت اصلح حياته وعملت كل ده عشانه اتخلي عني وسبني انا خسرت ابني ومهما اتظاهرت بالقوه فقلبي هيفضل موجوع بس انت مش هتقدر تفهم كلامي ده معاك كل الحق انك تكره ورده فعلك بالنسبه ليه تبقي صعبه واعرف اني مش هوقفك بس كل خوفي اني اخسرك يااياد انا وعدت مامتك قبل ماتموت اني اكمل اللي مقدرتش عليه واحميك لحد اخر يوم في عمري وحته لو انت كارهني لاني خبيت عليك يااياد فهفضل وراك برضو
اياد بتنهد:انا مش بكرهك ياجدو بس انا الموضوع كان صعب عليا ومقدرتش اسيطر علي انفعالتي حسيت اني تايه ومش قادر القي الطريق وبالنسبه للي قولته فانا فاهم انك مدايق وموجوع من اللي عمله ومتقلقش مش هأذي نفسي لان رده فعلي محدش هيتوقعها وهقدر اخد حقي كويس انا هعمل اي حاجه عشان ادمرها هخسرها كل حاجه بس بالبطئ وكل اللي محتاجه دعواتك وبس ياجدو
عادل بتردد:بس يااياد انت متعرفش عن حياتها وعنها اي حاجه
اسيل بابتسامه خبيثه وفي نفسي:متقلقش ياجدو سيب الموضوع ده عليا واناهتصرف
تاني يوم الصبح،اسيل بابتسامه:الو ياريم عامله ايه
ريم:تمام كويسه يااسيل بالمناسبه كنت عايزاكي في موضوع ومش هينفع في الموبيل فهقابلك في الكافيه بعد ساعتين لاني مش في البيت
اسيل بجديه:اوكيه بس انتي فين بدري كده
ريم بضحك:في بيت مراد ومتفهمنيش غلط هو مسافر وميرا استغالتني وجبتني هنا لحد مامراد يرجع
اسيل بضحك:هفهمك غلط ليه ماهو مراد جوزك اصلا ماشي ياستي روحت علي الكافيه فلقتها قاعده معلش اتاخرت شويه
ريم بضحك:هو انتي من امتي بتيجي في معادك يااسيل انا اتعودت علي مواعيدك خلاص
اسيل بغيظ:ماشي ياريم بس كده حرام كفايه اياد عليا متبقوش انتوا الاتنين،ايه بقي الموضوع
ريم بجديه:بصي ياستي الموضوع يخص نهي انتي كنتي طلبتي معلومات عنها وانا عرفت حاجتين مهمين اول حاجه قدرت اوصل لسكنها القديم خالص اللي كانت قعده فيه ساعت ماكانت بتواعد خالي قبل مايجبلها شقه بس هو في منطقه مش حلوه بس هنضطر نروح عشان ندور علي حد من اهلها ونعرف اي حاجه عنها عن طريق اسمها وثانيا انا عرفت ان ليها ابن بس مش عارفه اذا كان من خالي او لأ الله اعلم يعني فلازم ندور علي ده
اسيل بصدمه:اقصدك ليها ابن غير شرعي
ريم بتنهد:اه بس معرفش عنه حاجه ولااسمه ولافين هو دالوقتي بس هو شاب يعني
اسيل بجديه:اممم لو طلع ابن خالي تبقي مصيبه ثانيه بس هنعرف ده ازاي كده هنضطر نروح بيتها القديم
ريم بيأس:هو ده الحل الوحيد بس مش عارفه نقول لحد ولانروح كده متهيألي محدش يعرف احسن ونتصرف احنا بمأن مراد مسافر واياد منضمنش انفعالته ومحمود بيذاكر عشان عنده امتحانات
اسيل بابتسامه:تمام هنروح انهارده بس اكيد مش بمنظرنا ده يعني احنا هنغير لبسنا ونغير في شكلنا شويه لان منضمش ان حد ممكن يكون علي تواصل معها وكده هنتفضح ويلاياريم عشان منتاخرش روحنا جهزنا نفسنا
ريم بضحك:منك لله يااسيل انا مش عارفه نفسي ولاانتي لو عديتي جنب اياد ابقي قابليني لو عرفك عالموم يلا خلينا نروح وامرنا لله حطيتي الحاجه اللي قولتلك عليها في الشنطه فهزت راسها بمعني اه طيب يلا
                              ....................
وائل  باستغراب:مالك يااياد طلبت اننا نتقابل وانت من سعتها ساكت ايه اللي مدايقك
اياد بتنهد:حكتله عن اللي حصل اليومين اللي فاتوا انا عارف ان فيه حاجه في دماغ اسيل ومش قايلالي عليها لانها عارفه اني هرفض وناويه تعملها وخايف توقع نفسها في مشاكل
وائل بتفهم:تمام عارف انك حاليا بتمر بمرحله صعبه شويه بس انت عارف اسيل كويس حته لو انت قولتلها ايه وحاولت تمنعها هتعمل اللي في دماغها وبعدين متخفش اوي كده اسيل قبل مابتعمل حاجه بتبقي مخططلها كويس وعارفه هتعمل ايه فايه مخوفك بقي
اياد بقلق داخلي:مش عارف ياوائل صدقني بس علي الاقل امكن لو كنت عارف مكنتش هبقي قلقان عليها وبعدين مش مرتاح للي جاي
وائل بابتسامه:بطل تفكير يااياد وانت مش هتحس بالاحساس ده
                          ..................
اسيل بجديه:لأواضح انو مش حلو ياريم انا مدخلتش منطقه زي كده بس معالنا فين البيت
ريم بعفويه:واضح انو هنشوف كتير لسه اخر الشارع ده بس استني اسأل سألت واحده ودالتنا علي العنوان وبعد شويه كنا تحت البيت
اسيل بتنهد:اخيرا وصلنا بقالنا كتير بنمشي فيه حلين اننا نسأل اي حد قديم في المنطقه او نطلع الشقه وامرنا لله
ريم بجديه:معتقدش هنلاقي حد ساكن هنا قرب30سنه اوف تعالي نتشجع ونطلع ونشوف مين اللي ساكن في الشقه ولو يعرف حاجه او هت و يقربها طلعنا الشقه وخبطنا بعد فتره فتح واحد كبير في العمر
الراجل:مين انتو الاتنين
اسيل بتنهد:احنا كنا جايين نسأل علي واحده كانت ساكنه هنا اسمها نهي ماهر فلو حضرتك تعرفها يعني
الراجل بتردد:انا معرفش حد بالاسم ده انتوا غلطتوا في العنوان
ريم بجديه:بس لسه هكمل لقيته قفل الباب في وشنا في حد يتعامل مع الناس كده،يعني احنا جينا لحد هنا وطلع العنوان غلط
اسيل بابتسامه:لأالعنوان مش غلط تردده اللي كان باين في نبره صوته وعلي ملامحه يدل انو يعرفها فعلا بس ياترا هو مين ويبقي ليها ايه.............
يكمل