زواج بالأجبار

الفصل التاني

عادل بابتسامه:اياد انت لسه صغير يابني لكن انا عشت كتير وخبرتي اكبر منك مينفعش تحكم علي علاقه وانت مدتهاش فرصه تبتدي اصلا عالموم انا خدت قراري مش هوافق اعمل العمليه غير بموافقتكم ايه رأيكم النهائي لو مازلتوا علي قراركم مش هجبركم واللي ربنا كتبهولي هيحصل
اياد :انا موافق ياجدو
عادل بابتسامه مجهده:وانتي يااسيل رأيك ايه موافقه تجوزي اياد ولالأ
اسيل بتردد:موافقه ياجدو
عادل بسعاده:تعالوا ياحبايبي ورحت حضنتهم متعرفوش انا فرحان بموافقتكم ازاي بكره يبقي كتب الكتاب ايه رأيكم
اياد:اللي تشوفه ياجدو تحب اناديلك بابا وعمي،رحت نادتهم عشان يروحوله
عادل بابتسامه :انا هطلع من المستشفي انهارده وبكره تجهزوا عشان كتب الكتاب احفادي،وانا كده اطمنت ممكن تكلموا الدكتور واي معاد يقوله هعمل العمليه فيه
حسام:الف مبروك ياحبايبي يلا روحوا وريحوا نفسكم عشان بكره
اياد:طيب يابابا سبناهم وطلعنا من المستشفي،وركبنا العربيه استغربت يعني انك وافقتي ومتكلمتيش يعني او اعترضتي كعادتك
اسيل بتعب:ارحت راسي علي الشباك عشان عارفه ان مفيش فايده وجدو مش مستحمل وضروري يعمل العمليه وهو مش موافق غير بموافقتنا والصراحه مش هستحمل لو جراله حاجه بسببي هو ده السبب فدماغك مترحش بعيد وتفتكر اني وافقت عشان هموت واتجوزك يعني
اياد:لأ متخفيش بنت عمي وعرفك كويس مبتعرفيش تفضلي من غير طوله لسان وللماضه،انا مش عارف جدو بيعمل فينا كده ليه اصلا صعب اننا نكمل كده
اسيل:انا عندي حل احنا ممكن نتطلق بعد عمليه جدو ونرتاح او نعتبر اللي هيحصل بكره ده محصلش وخلاص وكل واحد يعيش زي ماهو عايز
اياد:الحل الاول مش هيعجب حد وكمان مفيش سبب نتطلق بسببه،مش فهمك يعني ايه كل واحد يعيش زي ماهو عايز ماحنا عايشين في بيت واحد اصلا
اسيل:بمعني ان مش هتدخل فحياتك يااياد ولاانت ليك الحق تدخل في حياتي خلينا ولاد عم احسن وبعدين انا نفسي احذف انهارده وبكره من حياتي اصلا اه يارتني مرحتش لجدو انهارده مكنش حصل كل ده
اياد:لأمتخفيش كان هيحصل بكل الاحوال حتي لو الموضوع مكنش اتفتح انهارده
تاني يوم ،هويدا:اسيل قومي ياحبيبتي اجهزي عشان الماذون زمانه جاي
اسيل بتعب:انا مش قادره متاجلوها ياجماعه حرام يعني تجوزوني بالمنظر ده.
هويدا:اسيل اعقلي وبلاش فضايح قومي غيري هدومك واجهزي قدامك نص ساعه القيكي جاهزه و واقفه قدامي الفستان اهو
اسيل بتأفف:حاضر ياماما،رحت غيرت هدومي بس لبست فستان تاني قصير ولونه ازرق بكتف واحد وحطيت الميكب وسيبت شعري
محمد:روحي نادي لأسيل عشان تيجي
هويدا:حاضر لسه هقوم لقتها جايه بس اتصدمت من اللي لبساه قربت منها وهمست بقرب اذنها اسيل ايه اللي انتي لبساه ده انا مش قولت بلاش فضايح ملبستيش الفستان ليه
اسيل بابتسامه:محبتهوش ده احلي وبعدين انتو ايه مشكلتكوا مع الفستان مش المهم اني وافقت وخلاص وبعد شويه مضيت انا علي شويه اوراق ونفس الحكايه اياد وبعد كتب الكتاب سبتهم جوه وطلعت قعدت في الجنينه
اياد:عن اذنكم ياجماعه هروح اعمل مكالمه واجي طلعت دورت عليا فلقتها قعده فرحتلها اسيل ممكن نتكلم بدل مانتي هربتي من الكل وجيتي قعدتي هنا
اسيل:عايز ايه يااياد لو ناوي تتخانق ياريت تسيبني عشان مش مستحمله
اياد:ماشي افهم بايه تصرفك انهارده يااسيل الفستان ده كان اختيار مامتك مش انا وكمان مش شايفه ان الفستان قصير بزياده
اسيل:لأمش شايفه وانا معحبنيش الفستان المهم اننا  نتجوز وبس لكن انا مش مضطره اعمل كل حاجه في حياتي بالاجبار يااياد ومش مضطره اسمع تعليقك ده كمان
محمد:روحت علي الصوت اسيل اهدي مينفعش تكلمي كده هو مغلطش في اللي قاله فعلا الفستان قصير بزياده احمدي ربنا ان جدك تعب ودخلناه اوضته مش عارف كان هيقول ايه لو شافك كده وكمان من حق اياد انو يعلق لانه جوزك
اسيل:تمام يابابا خليك واقف مع ابن اخوك وانا هروح اقعد في اوضتي احسن
هويدا:جدكم عايزكم بس الاول روحي غيري هدومك يااسيل والبسي حاجه عدله
اسيل:طيب روحت غيرت هدومي واتجهت لغرفه جدو وكان معايا اياد،عامل ايه ياجدو ياحبيبي
عادل:انا دالوقتي كويس وحاسس نفسي مرتاح
اياد:يلا ياجدو عايزينك ترجع شباب وتبقي صحتك كويسه كمان
عادل بضحك:يارب،بص يااياد اقوم افتح الدولاب هتلاقي علبه حمرا جوه هاتها
اياد بضحك:قومت جبتها علبه ايه ديه ياجدو نويت تخطب ولاايه
عادل:اتلم ياواد وفتحت العلبه ديه الاسوره بتاعت مامتك ساعت تعبها وقبل ماتموت وصتني اني اشيلها واديها لمراتك اعرف ان مامتك كانت بتحبك كتير يااياد وكانت بتتمني تفضل معاك فتره اطول من كده وانا كنت بعزها زي بنتي فيك حاجات كتير منها، ودلوقتي الاسوره ديه من حق اسيل فلبسهالها
اياد بنظره حزينه:رحت لبستها لأسيل طيب ياجدو استأذن انا هروح انام تصبح علي خير
عادل:بعد ماخرج اسيل روحي شوفيه هو مش هينام بس هيفضل لوحده مضايق عمره مافكر يشارك وجعه لحد بالرغم ان لسه موضوع موت مامته ماثر عليه
اسيل بابتسامه:طيب ياجدو تصبح علي خير،اترددت كتير قبل مااروحله بس اللي استغربته ان عمري ماشفت النظره الحزينه اللي في عينيه زي ماشفتها انهارده وده اللي خلاني اروحله روحتله اوضته بس ملقتهوش فببص لقيته قاعد في الجنيه فنزلتله خبطت علي كتفه اياد فسح عشان اقعد بدل مانت واخد المكان كله كده
اياد بنبره حزينه:انا عايز افضل لوحدي مش حابب حد يعقد معايا يااسيل
اسيل بابتسامه:رحت زقيته وقعدت مش بمزاجكك علي فكره بيتي زي مهو بيتك لقيته هيقوم فرحت مسكت ايده عشان يفضل،انا جايه اقعد ازهقك شويه كعادتي زمانك اتعودت،عالموم لو مضايقك لبسي لأسوره مرات عمي فاممكن اقلعها عادي مش هضايق
اياد:لأ هضايق ليه ديه كانت وصيت ماما الاخيره علي الاقل احقق ليها اخر حاجه كانت عايزاها لو كانت موجوده انهارده هي اللي كانت لبستهالك،هو انتي كنتي جايه تقولي ده
اسيل بضحك:لأمش اوي قلت اغلس عليك شويه متهيألي مفيش غيري يزهقك في عشتك😂✋
اياد بنظره استغراب:اسيل انتي كويسه
اسيل:ليه مالي مانا كويسه اهو بتبصلي كده ليه
اياد:اصلي عمري ماشفتك بتكلمي معايا من غير خناق يعني ودالوقتي بتكلمي بهدوء فاستغربتك
اسيل بضحك:اه لقيتك مش في المود عشان اخانقك الصراحه وكمان عندي خبر مش متاكده انو هيعجبك😂✋
اياد بضحك:لأالصراحه طلعتي كريمه،اصدميني مانتي دايما بتجيبي اخبار لطيفه
اسيل:مكنتش اعرف اني اتشهرت اوي كده بس هقولك عمتو وجوزها وابنها وبنتها جايين بكره انا عن نفسي بفكر اطفش مع نفسك انت هروح اعزل في اي مكان الفتره اللي قاعدينها هنا
اياد بصدمه:طيب ماتعملي فيا خير وتخديني معاكي لحسن انا مش ناقصهم الصراحه
اسيل بضحك:وانا مالي ياعم مع نفسك😂✋،هروح مكتبي الصبح علي الله محدش يشوفني او ميكونوش لسه شرفوا وجم عشان مش نقصه وجع دماغ
اياد:لأمنا مش هلبس لوحدي يااسيل
اسيل بضحك:معلش يااياد تعيش وتاخد غيرها يلا تصبح علي خير😂،سبته ودخلت انام
تاني يوم الصبح،محمد بابتسامه:اهلا يامرڤت عامله ايه ياحبيبتي
مرڤت باستنكار:كويسه بس انتو فكرتوا تسألوا علي اختكم الوحيده الفتره ديه كلها
حسام:معلش بقي يامرڤت كنا مشغولين مع بابا الفتره ديه
طارق:امال فين عمي ياحسام
حسام:قاعد في اوضته تعالوا سلموا عليه ازيكم ياريم ومحمود
ريم بابتسامه:كويسين ياخالوا انا هستني شويه وبعدين ادخل لجدو
اسيل:مشيت بتسحب عشان محدش يشوفني فخبطت في حد فلقيته اياد
اياد:مالك ماشيه كده ليه يااسيل
اسيل:بهرب من غير ماحد يشوفني متهيألي كلهم دخلوا لجدو فانا ههرب قبل مايطلعوا تيجي معايا
اياد:طيب يلا جينا ننزل بسرعه قبل ماحد ياخد باله ومخدناش بالنا ان ريم كانت قعده في الجنب
ريم بابتسامه:اياد ورحت سلمت عليه وحضنته عامل ايه
اياد بابتسامه مصطنعه:انا كويس اه معلش مضطر امشي عشان ورايا شغل
اسيل بابتسامه:ازيك ياريم واضح انك مش شيفاني خالص صح عزراكي ياحبيبتي عامله ايه
ريم:كويسه اه معلش مخدتش بالي انك واقفه يااسيل
اسيل بضحكه خفيفه:سلامه الشوف ياريم متهيألي محتاجه تلبسي نضاره عشان تشوفي كويس يلا عن اذنك بقي متنسيش تروحي لدكتور وتبقي تقوليله بشوف ناس وناس لأ😉😊،كنت لسه هطلع من البيت بس ملحقتش
مرڤت:ايه يااسيل مش من الادب برضو انك تيجي تسلمي علي عمتك ولاتهربي كده
اسيل بابتسامه:معلش ياعمتو كان ورايا شغل فقولت لما ارجع اقعد مع حضرتك براحتنا ورحت سلمت عليها
مرڤت:نسيت اقولك مبروك انتي واياد
ريم:علي ايه ياماما بتباركلهم
مرڤت:اصل كان كتب كتابهم امبارح بس محدش قالنا مرضتش افتح الموضوع مع بابا عشان ميتعبش بس الهم والباقي علي اخواتي اللي مفكروش يقولولي،بس حابه اعرف يعني عمرهم مافضلوا من غير خناق هيكملوا حياتهم ازاي
اياد بابتسامه:والهي ياعمتي ديه حياتي انا واسيل واحنا حرين مع بعض انشاله نموت بعض متهيألي مش هتفرق مع حضرتك في حاجه
طارق:اياد انت ازاي تكلم عمتك كده متنساش انها اكبر منك
اياد بجديه:وانا مغلطتش ولااتعديت حدودي ياعمي لو محدش عايز يسمع حاجه متعجبهوش ميفتحش السيره ديه تاني احسن
مرڤت بعصبيه:منا مستنيه ايه من واحد مترباش عدل امه ماتت وسبته وهو صغير وابوه مكنش فاضيله،انت طالع زي امك بالظبط مبتحترمش حد
اياد بغضب مكتوم:عمتي انا بحذرك اياكي تجيبي سيره ماما احسن عشان كلمه كمان وهنسي انك عمتي سبت البيت بعصبيه
اسيل:سبتهم ورحت الحقه عشان ميأذيش نفسه اياد جيت افتح الباب بتاع العربيه لقيته مقفول اياد افتحلي الباب لقيته سابني ومشي بالعربيه فرحت ركبت عربيتي وقررت الحقه لقيته زود في السرعه جامد حاولت اكلمه مبيردش فضلت الحقه لحد ماوصل لبحيره صغيره ونزل من العربيه ركنت عربيتي ورحتله اعمل فيك ايه يااياد كده بهدلتني قولتلك افتحلي الباب وسيبتني ومشيت ورنيت عليك عشان توقف العربيه او تهدي السرعه مردتش اه عمتي غلطت بالكلام مكنش المفروض تقول كده بس انت كنت ممكن تأذي نفسك
اياد بصوت مخنوق:اسيل انا عايز افضل لوحدي محتاج ده فابعدي عني عشان عصبيتي متطلعش فيكي
اسيل باصرار:لأمش همشي انا هعقد حتي المكان حلو وياريت تقعد وتهدي ورحت شديته من ايده عشان يقعد بس طبعا اقدر علي مين وهو اطول واعرض مني اياد ممكن تقعد بقي واخيرا قعد بص اكيد عمتي مكنش قصدها اللي قالته هي قالت كده عشان متعصبه وبعدين انت عارفها فمتخدش بكلامها اوي
اياد بدموع جاهد في منعها من النزول:فيه كلام ممكن تتناسيه رغم انو بيجرحك وفي كلام لأ يااسيل مش ذنبي ان ماما ماتت وسبتني وانا صغير ديه حاجه بايد ربنا حتي محترمتش انها ميته ومش معانا وبتغلط في حقها،قالت الكلمه وهي متعصبه بس عمرها مافكرت انا كان احساسي ايه لما سابتني وماتت كنت بحس اني لوحدي
اسيل:مسكت ايده اياد اهدي او اقولك تعال نتمشي قطع كلامي بانه حضني انا الصراحه اتصدمت واترددت اني اضمه بس سبت ترددي ورحت ضميته لاني حسيت أنه محتاج ده
.............
في البيت،محمد بعصبيه:ميرڤت كلامك كان قاسي اوي مع اياد متهيألي انو زي ابنك ومش معني ان زمان كان فيه خلاف بينك وبين امه تقوليله كده انتي غلطتي
مرڤت:واللهي انا مغلطتش هو اللي غلط ويستاهل اللي سمعه وبعدين بتكلمني كده ليه متنساش يامحمد انك اصغر مني فمتعليش صوتك احسن
محمد:مفيش فايده من الكلام معاكي ورحت سايبهم وخرجت من البيت
مرڤت:ريم عايزاكي في موضوع تعالي
......................
اياد:خدت بالي فرحت بعدت عنها انا اسف يااسيل مقصدتش بس
قطعت كلامه بابتسامه:لأ عادي ولايهمك عادي بتحصل لما حد بيضايق يعني تعال نتمشي هنا الجو حلو والمكان كمان بس انت تعرفه منين
ايا بابتسامه:ماما دايما كانت بتجبني هنا وتعقد تلعب معايا،الصراحه صدمتيني بمعاملتك انهارده مع ريم
اسيل بضحكه خفيفه:لأ الصراحه ذوق مرات عمي كان حلو المكان تحفه،بالنسبه لريم فانا قصدت اللي قولته انت عارف اني مبحبهاش وكمان حبيت اقول كده عشان اشوف رده فعلها ايه
اياد:رده فعلها بالنسبه لأيه وعلي ايه
اسيل بضحك:لأمش معقول يااياد انك متعرفش ان ريم بتحبك وبتحاول تتقرب منك بأي طريقه عشان كده سلمت عليك وعملت نفسها مشفتنيش عشان انت كل اللي هي عايزاه😂✋
اياد بصدمه:صدقيني انتي مجنونه يااسيل مش معني ان مخدتش بالها منك وسلمت عليا يبقي هي بتحبني
اسيل بابتسامه:لأمش مجنونه وامكن قريب تصارحك وتقولك اياد انا بحبك😂،سعتها بقي اقولك مبروك عليك وسعتها واخيرا هنفرح بيك ياابن عمي العزيز😂✋بس بعد جوازك منها معرفكش انا مش بطقها اصلا
اياد باستغراب:واو جوزتيني كمان يااسيل حطيت ايدي في جيبي وقربت وهمست بجانب اذنها وهتجوز كام مره يااسيل كفايه مره وبعدين اول مره اشوف واحده عايزه تجوز جوزها الصراحه صدقت لما قولت عليكي مجنونه بدرجه عاليه يابنت عمي امشي يااسيل بدل مااولع فيكي
اسيل بدراما:ايه لأ هتولع فيا وتدفن جثتي هنا ومحدش يعرفلي مكان اااه يااااماميييي😮
اياد بضحك هستيري:بس اوفر يااسيل امشي لحسن اعملها فعلا واخلص منك سبتي كل كلامي ومسكتي في هولع فيكي منك لله يااسيل😂
اسيل بثقه:لأ اكيد مش ههون عليك تولع فيا صح ياياد😎✋
اياد بضحك:متثقيش في نفسك اوي كده😂،ومتقلقيش هتهوني عليا ومش هحس باي تانيب ضمير يااسيل😊✋
اسيل بصدمه:مكنش العشم ياابن عمي😒
....................
في البيت،ريم:ماما اللي بتقوليه مينفعش حاليا اياد اتجوز اسيل
مرڤت بابتسامه:بس ده مجرد كتب كتاب مش جواز يعني قدامنا لحد الفرح شويه
ريم:ماما انتي ناويه علي ايه
مرڤت بابتسامه خبيثه:هقولك..............
يتبع