زواج بالأجبار

الفصل السادس وثلاثون

ليلي بنبره قلقه:عشان المذاكرات مفهاش كل الحقيقه فيه جزء مفقود منها من فتره طويله انا عارفاه بس مقدرتش اقول الحقيقه لأياد لان كان صعب عليا اشوفه بيدمر قدام عينيا ياوائل
وائل بجديه:ايه هي الحقيقه اللي تخص خالتي ولوعرفها اياد هتدمره
ليلي بضيق:هي ان چاسمين  موتها مكنش طبيعي بمعني الكل عارف انها ماتت بالقلب وعقبال مااكتشفوا المرض مقدروش يلحقوها بس الحقيقه اللي عارفنها من الدكتور ومرضيش يعترف بيها تاني غير بعد الضغط لانه اتهدد هي ان سبب موتها ادويه كان حد بيحطلها بتسبب ضعف في عضلات الجسم وتدمره ومع الوقت اثرت علي القلب كمان ودمرته وحته كان جسمها ضعف انو يقدروا يعملولها عمليه زراعه قلب مكنتش هتستحمل والمسئول عن كل ده حسام چاسمين عرفت الحقيقه قبل ماتموت بكام يوم ومن طبيعتها انها بتكتب مذاكرات بعد موتها المذاكرات ديه اختفت ولما عمو عادل لقاها لقي فيه جزء مقطوع منها واللي هو جزء من الحقيقه فضل شايلها عنده لحد مالقها اياد
وائل بصدمه:وايه اللي خلاكوا تخبوا حقيقه زي ديه ومبلغتوش عنه وخد عقابه ليه عملتوا كده
ليلي بجديه:الشرطه محتاجه دليل واحنا لحد دالوقتي معناش اي دليل ضده ياوائل تفتكر انا فرحانه بان اللي قتل اختي وعذبها عايش بحريه ومستمتع بحياته وان كل السنين ديه مقدرتش اخد حقها واخلي روحها ترتاح للأسف مفيش في ايدي حاجه ياوائل
                        .................
اياد بقلق:كنت نايم بس بحرك ايدي ملقتش اسيل نايمه فقومت اشوف الساعه لقتها 4الفجر فشوفت الحمام ملقتش فطلعت بره دورت في كل حته وملقتهاش كان فاضل المطبخ فروحته فاتصدمت لما لقتها قعده علي الرخامه وبتاكل في كيس شيبسي ده غير برطمان الشكولاته اللي جنبها اسيل انتي كويسه
اسيل بعدم فهم:اه كويسه بس مالك بتبصلي كده ليه
اياد باستغراب:اول مره اشوفك بتاكلي في الوقت ده وخدت منها كيس الشيبسي وبعدين ده مش صحي ليكي جعانه كلي اي حاجه مفيده يااسيل
اسيل بتذمر طفولي:هات الكيس انا مزاجي اني اكله دالوقتي ملكش دعوه انت بلاش غلاسه يااياد
اياد بتنهد:لأيااسيل مش هتاكليه لانه مضر ليكي وللي في بطنك عندك فاكهه كلي زي مانتي عايزه وممكن اعملك اكل كمان بس ده لأ
اسيل بغيظ:بس انا مش عايزه الفاكهه يااياد انا عايزه اللي انت خدته مني وبعدين اكيد مش هاكل علي مزاجك
اياد بجديه:لأيااسيل هتاكلي علي مزاجي لقتها هتنزل من مكانها انتي هتعملي ايه يااسيل
اسيل باستخفاف:انت شايف ايه هنزل لاني مش هفضل هنا لبكره مثلا بمناسبه انك خدت مني الاكل اروح انام احسن
اياد بجديه:تمام وهتنزلي المسافه ديه كلها ازاي يااسيل لقتها هتنزل اهدي يامجنونه ورحت حملتها ورحت بيها لحد السرير متعملهاش تاني واقعدي زي الناس الطبيعيه في اي حته
اسيل بنفاذ صبر:طيب يااياد اي حاجه تانيه وبعدين من امتي كنت انسانه طبيعيه زي كل البشر اصلا،بالمناسبه ان مش جيلي نوم انت حابب تكون بنت ولاولد
اياد بتنهد:احتضنت وجهها بين كفي اذا كانت بنت او ولد فده حاجه متفرقش معايا يااسيل يعني الاتنين حبهم بس اهم حاجه عندي انك تقومي بالسلامه وبس
اسيل بابتسامه:امممم طول مانت جنبي انا كويسه بس انا من رأي انك تشغل نفسك وتروح شركتك وتشوف شغلك ولاايه
اياد بتنهد:بس انا مقدرش اسيبك لوحدك يااسيل في البيت واروح الشركه بتاعتي بس واضح انك عايزه تخلصي مني وتعملي اللي انتي عيزاه
اسيل بضحك:الصراحه يعني مش اوي تمام عارفه ان كلامك صح وانك خايف عليا كمان بس انا صعب اعمل كل ده وبالنسبالي متقلقش عليا الخدم موجودين والامن موجود يعني مش لوحدي اهو وعرفت ان طنط ليلي ونوران ووائل هيجوا علي بكره بليل فمش هبقي لوحدي اهو وريم ومراد ساكنين جنبنا كمان عايز ايه تاني
اياد بابتسامه:تمام يااسيل هشوف الموضوع
تاني يوم بليل،اسيل بابتسامه:تيجي تاكل معايا يااياد
اياد بنبره هادئه:لأشكرا كلي انتي واضح انهم جم ازيك ياوائل سلمت عليه لسه كنت هسلم علي خالتي لقتها خدتني بالحضن بطريقه غريبه
ليلي بابتسامه:وحشتني كتيرر ياحبيبي بعدت عنه بعد شويه انت كويس يااياد
اياد باستغراب:اه انا تمام وحضرتك كمان وحشتينا
نوران باستنكار:امال فين الاستاذه اللي مسألتش عليا ولاجت تسلم عليا
اسيل بضحك:ايوه انا اهو ورحت سلمت عليها معلش بقي كنت مشغوله الفتره اللي فاتت
ليلي بابتسامه هادئه:ازيك يااسيل تعالوا نقعد هااا بقي اخباركم ايه اياد انت متاكد انك كويس لانك كنت احسن من كده قبل مااسافر لو فيه حاجه عايز تقولها
اياد بتساؤل:من امتي كنتي بتهتمي بيا او تسألي عليا رغم اني ابن اختك الوحيده فضلتي علطول بعيده رغم اني كنت محتاجك وقتها بس امكن انتي بعدتي بسبب اني ابن حسام مثلا اللي قتل اختك
ليلي بصدمه:اياد الموضوع مش كده عمري مافكرت بالمنظر ده انا معترفه اني كان اسلوبي مش حلو وامكن حته اهملت وائل كمان بس ده ملوش علاقه باللي بتقوله انت زي مانت ابنه فانت ابن اختي يااياد الحاجه الوحيده اللي فاضللي منها انت واخد منها كتير   فيه اسلوبك او ملامحك استحاله اكون بكرهك اولا بوجود حسام كان صعب افضل معاك يااياد بس اللي خلاني اسيب وائل معظم الوقت معاك وهو اني مكنتش حابه تبقي وحيد وانكم تبقوا اخوات واصحاب وفي نفس الوقت كل فتره بطمن عليك من خلاله انا عارفه ان مكنش صح اللي عملته وكان المفروض اصمم وافضل معاك بس انا مقدرتش انا أسفه بس صدقني انت غالي عندي امكن اكتر من ابني
اياد بتنهد:بكلامك ده انتي كنتي تعرفي الحقيقه وان المذاكرات ناقصه ازاي قدرتوا تخبوا عليا حاجه زي ديه
ليلي بتردد:انا مستعده اقولك اللي حصل سعتها وليه خبينا عليك بس متفكرش تعمل اي حاجه من غير تفكير لما لقيته هز راسه كملت كلامي الدكتور هو اللي قالنا علي موضوع الدوا هو ممكن كنا نعملها عمليه زراعه قلب بس بسبب الدوا ده جسمها ضعف لدرجه انها مكنتش هتستحمل عمليه خطيره زي ديه عارف هي كانت عايزه حسام ليه قبل ماتموت كانت عايزه تسأله ليه عمل فيها كده رغم انها مأذتوش وكانت عايزه تفضل معاك وبس هو طبعا مجاش وهي ماتت سعتها المذاكرات بتاعتها اختفت وملقنهاش غير بعد فتر هت بس كان الجزء مقطوع منها وجدك شالها عنده بعد كده هو عمل كل ده عشان الفلوس حته قبل ماتتعب بفتره كان بيهددها بيك وانها تتنازل عن بعض املاك ليها فكانت بتتنازل فسبيل انو يسيبك بس طمعه موقفش لحد هنا وفضل لحد ماخلص عليها سبب اني مقولنلكش ولاانا ولاجدك فده عشانك يااياد احنا خوفنا عليك اولا لان الحقيقه هدمرك زي دالوقتي والحاجه التانيه انك تأذي نفسك او تعمل حاجه تضيع بيها نفسك لان حته الدكتور اللي قال الحقيقه حسام هدده بعيلته فمقدرش يشهد في المحكمه وسافر قبلها بيوم
اياد بضيق:متقلقيش ياخالتوا انا حلفت بحياه اسيل اني مش هعمل حاجه غير في الوقت المناسب وهستني الفتره ديه علي الاقل لما تقوم بالسلامه
ليلي بعدم فهم:تقوم بالسلامه هي اسيل تعبانه
اسيل بضحك:لأ ياطنط مش تعبانه هو قصده لما اولد يعني
ليلي بفرحه:انتي حامل يااسيل الف مبروك ياحبايبي يعني هتكبروني وهبقي قريب تيته
اسيل بضحك:اه هتبقي تيته بس حلوه وقموره تعالي معايا يانوران وانت وائل عايزاكم في حاجه وخدتهم ورحت قعدت بره
ليلي بابتسامه:روحت قعدت جنبه اياد متستغربش اللي هقوله بس انا بجد حابه نكون عايله ونبتدي من جديد وصدقني انا مش هفكر ابعد تاني لان اكتشفت ان حياتي كلها بقعدتي وسطيكم بس طبعا لوانت مش عايزني يااياد انا مستعده اريحك وامشي لقيته حضني
اياد بنبره حزينه:اكيد مش هتسبيني انتي كمان ياخالتوا خسرت ماما من زمان ومش حابب اخسرك
خليكي معايا امكن بوجودك جنبي احس ان ماما موجوده معايا عارفه انها وحشتني جدا اوقات كتير بتمني لوكانت تبقي معايا وتقدر توصلني لطريق الصح
ليلي بتنهد:هي كمان وحشتني ولو كانت موجوده كان زمانها افتخرت بيك يااياد عارف ليه لانك احترمت علاقتك انت واسيل ووافقت تتخلي عن كل حاجه بتفكر فيها عشانها هي وابنك انت مستحيل تبقي شبه حسام باي شكل وغير كده كمان ربنا مبيضيعش حق حد واختي اتظلمت كتير عارف ان ربنا بيستجيب لدعوه المظلوم حته لوعدي فتره طويله كل اللي عايزاه منك يااياد ان متخليش الماضي يدمر حياتك ولادالوقتي ولابعدين
                          .................
مراد باستغراب:مالك قعده لوحدك هنا كده ليه ياريم
ريم بابتسامه:ولاحاجه حبيت الجو هنا بس علفكره بابا عازمنا علي الغدا بكره انا وانت وميرا طبعا وبفكر ابيت هناك او اقعد يومين عندك مشكله
مراد بتنهد:تمام ياريم هفضي نفسي بكره عشان نروح وبالنسبه لانك عايزه تروحي تقعدي يومين فده من حقك يعني واكيد مش هاخدك من باباكي مثلا ليكي الحريه تروحي وتقعدي وقت مانت عايزه رغم انك هتوحشيني بس انا مش من حقي امنعك ولااتحكم فيكي ياريم
ريم بابتسامه:رحت سندت راسي علي كتفه عارف اني بحبك كتير يامراد وبشكر الصدفه اللي جمعتنا ببعض في الطياره وبعدين الحادثه بجد ربنا يخليك ليا وبالمناسبه انا مش هقدر اطول اصلا
مراد بابتسامه:اممم انتي كنتي احلي صدفه في حياتي ياريم قدرتي تخليني اتغير وابقي شخص مختلف انا عارف انك متعرفيش عني حاجات كتير وطبعا من حقك تعرفي السبب اللي خلاني عايش بعد موت اهلي كانت ميرا لاننا ملناش غير بعض اه هو بينا فرق سن وكان الفتره ديه بالنسبالي صعبه لان احنا مكناش اغنيه كنا عيله عاديه عايشه علي اقدها كان حلمي اني ابقي دكتور وده حقتته ويوم الحادثه كانوا رايحين سينما ومنها يغيروا جو حاولوا يقنعوني كتير اني اروح معاهم بس انا كان ورايا مذاكره بسبب قرب الامتحانات فراحت معاهم ميرا وبعد فتره لقتهم بيتصلوا بيا يقولولي العربيه اتقلبت من مكان عالي ولما روحت كان منظر العربيه مدمر علي الاخر طلعوا ماما وبابا مجرد جثث الدم مغرقهم وميرا حصلت معجزه وطلعت عايشه لما نقلوها المستشفي كانت مدمره مفيش حته في جسمها سليمه ده غير الدم اللي فقدته بعت كل حاجه كانت موجوده عندنا عشان علاجها كان همي كله انها تعيش دورت علي شغل اشتغلت في اماكن كتير ومهمنيش ان مثلا يكون شغلي ايه كان همي كله اقدر اوفر الفلوس وفي نفس الوقت كنت بذاكر وبصرف علي دراستي فاجئه بعد ماكنت شاب مش شايل هم حاجه غير مذاكرته بقيت متحمل كل حاجه بعدت عن الكل وامكن مكنتش ببقي فاضي فضلت حوالي سنه في المستشفي وبعد كده طلعت بس كانت محتاجه مراعيه فضلت كده لحد ماتخرجت وكنت حاطط في دماغي ان مفكرش ادخل الحب حياتي لاني مش هقدر اتخلي عن ميرا وممكن اللي احبها متحبش وجودها فضلت فتره لحد مااشتغلت في مستشفي دكتور وبقيت بشتغل ليل ونهار عشان اوفر ليها حياه افضل لحد ماجبت البيت ده من كام سنه وحياتنا بقت افضل من الاول
ريم بابتسامه:مكنش ضروري تتكلم يامراد وتضايق نفسك لان لو كل واحد فضل يفكر في ماضيه او اللي عاشه هيبقي هنحبس نفسنا في الماضي وبس،وبعدين مش معني كلامي اني مش عايزه اسمعك بس الفكره اني مش عايزاك تضايق مش اكتر بس طول مانت عايز تكلم هفضل سمعاك لاخر
                          ................
بعد مرور خمس شهور
اسيل بضحك:ونبي ياريم هديها عشان تعبتني معاها
نوران باستنكار:بقي كده يااسيل مانتي لازم تحسي بيا ان انهارده فرحي وانا متوتره وانتي قعده زي الكوره تضحكي عليا مش تهديني
اسيل باقتضاب:انا مش كوره علفكره انا حامل زي القمر وبعدين بضحك لانك اوفر افتكري اللي عملتيه يوم فرحي لما كنت قلقانه كنتي بتقولي ايه سعتها
ريم بضحك:خلاص انتوا الاتنين مش كده وبعدين مقولتناش يااسيل ناويه تسمي البنوته ايه لما تيجي بجد نفسي ابقي عمتوا اوي
اسيل بابتسامه:لأمفكرتش قدامي تلت شهور افكر براحتي بقي وبعدين انتي هتبقي خالتوا وعمتوا متنسيش ده بس مش ناويه تفرحينا باي حاجه يازفته انتي وتعملي فرحك انتي ومراد
ريم بتنهد:تمام بالنسبه انك بتكلمي علي فرحنا فمحددناش الصراحه انا ببقي مشغوله في شغلي وهو كذلك بس كده بس يعني خلينا في نوران دالوقتي تعالي نروح نشوف التجهيزات
اسيل بابتسامه:يلا ياستي لسه ورانا حاجات كتير وواضح انك هتموتيني قبل ماتعملي الفرح انا هروح اشوف التجهيزات
ليلي بنفاذ صبر:اسيل حبيبتي بتعملي ايه روحي ارتاحي ولاانتي استغلتي عدم وجود اياد
اسيل بتنهد:اه فعلا استغليت انو مشغول مع وائل لانه كل مايشوف وشي يقولي ارتاحي كلي كذه لحد ماتعبت فمتبقيش انتي كمان ياطنط كفايه واحد انا كويسه نفسي اريحكم وبعدين انا لسه قدامي تلت شهور عالموم انا رايحه اجيب حاجه من اوضتي وراجعه لما دخلت الاوضه اتصدمت لما لقتهم قاعدين التلاته بيتكلموا هو انتوا هنا بتعملوا ايه انتوا الاتنين ورحت شاورت علي مراد واياد مش وراكوا حاجات ولاايه بدل مانتوا قاعدين تكلموا واكيد زهقتوا العريس
مراد بضحك:لأمورناش اي حاجه يااسيل وبعدين هو مشتكاش وبعدين انتي مش كنتي من طرف العروسه مالك بالعريس بقي
اياد بابتسامه:تصدق معاك حق يامراد خليكي بقي مع العروسه بقي وسبينا في حالنا
اسيل بغيظ:لما بقيتوا انتوا التلاته اصحاب الدنيا خربت مش عارفه اتجمعتوا ازاي بس معالنا انتوا الاتنين كملوا اللي وراكوا عشان منتاخرش وخدت اللي انا عايزاه وسبتهم واتجهت لغرفه نوران بس قبل مااوصل لغرفه اصتدمت بشخص اه انا اسفه مخدتش بالي لما شفت وجهه اتصدمت انت..........
يكمل