زواج بالأجبار

الفصل الواحد وثلاثون

مرت كذه سنه واتقابلنا تاني بس وانتي مرات اخويا الصغير يااسيل
اسيل بصدمه:ايه اللي عمله اياد انت اللي مجتش يوم الخطوبه وبعدها يوم ماشفتك اعترفت بالحقيقه انك كنت بتضحك عليا ايه علاقه اياد بالموضوع ولأمستحيل انكم اخوات لإ
اسر باستخفاف:واضح ان اه مرت كذه سنه بس اياد مقلكيش الحقيقه قبل خطوبتنا اياد قدر يعرف اني كنت بضحك عليكي وكل همي هو فلوسك وبس واني اعرف بنات غيرك وسعتها اداني فلوس عشان ابعد عنك ومجيش الخطوبه ولو قابلتك اقولك اللي قولته سعتها والأ مش هيسبني في حالي رغم ان حد دالوقتي مستغرب انو عمل كده وحماكي مني ليه رغم ان مكنش بينكم اي حاجه بس مش مشكله اه خطتي ديه فشلت فاني مقدرتش اسيطر علي املاكك بس طلعت بفلوس حلوه برضو اختفيت فتره طويله بعدها قررنا نسيطر علي ريم من خلال عمتك هي اه كانت معجبه بأاياد بس لما عرفت انكم اتجوزتوا كانت رافضه تنفذ اللي احنا عايزينه وانها تتقرب منه ياه ياعيني لحد انهارده شايله ذنب اللي عملته ومتعرفش ان مكنتش في وعيها
اسيل بصدمه:يعني ايه مكنتش في وعيها معني كده ان عمتي متفقه معاكم من زمان
اسر بابتسامه خبيثه:حطنلها دوا نقدر بيه نسيطر عليها وتنفذ اللي احنا عايزينه من غير ماترفض وده اللي حصل سعتها من خلال لوم اللي حواليها وهي شبه كانت واعيه بس تحت سيطرتنا قدرت تتقبل فكره انها عملت كل ده بسبب انانيتها غبيه لانها خسرتنا فرصتنا التانيه وبعد اللي حصل خسرناها بس رغم ذكائك يااسيل مقدرتيش توصلي لحاجه وتعرفي ان كل ديه كانت خطتنا وصعب انك تقدري تدمريها من غير دليل
اسيل بتهديد:وانت ايه اللي يضمنك ان مقولش لكل
الحقيقه
اسر بضحك:اولا انتي محاميه نسيتي انك محتاجه دليل يثبت كلامك والحاجه التانيه متهيألي مش حابه تخسري باباكي ولاايه انتي عارفه انو مريض قلب وضغط وممكن مندلوش الدوا وسعتها هيموت وتبقي يتيمه وانتي الخسرانه في الاخر يااسيل
اسيل بعصبيه:انتو حيوانات استحاله تكونوا بشر كل ده عشان الفلوس
اسر بجديه:اكيد الفلوس كل حاجه يااسيل وصدقيني مش هتردد اعمل اي حاجه مقابل الفلوس الايام اللي جايه بينا كتير يااسيل واوعدك انك هتبقي مضطره تشوفيني كل يوم واعرفي اني ديه جزء صغير من الحقيقه كفايه كده عليكي عشان متنهريش سلام وسبتها ومشيت
اسيل بشرود:بعد مامشي فضلت طول الطريق بفكر في اللي قاله انا مش قدره اصدق ان اكتر انسان اذيته وجرحته بكلامي هو اللي حماني رغم ان مكنش بيربطنا حاجه بس ليه عمل كده كل مااقول ان ابتديت افهمه حاجه بتحصل بترجعني لنقطه الصفر وياترا ايه تاني مستخبي ومعرفوش حاجات كتير متلغبطه رجعت البيت بعد فتره بس شبه مكنتش في وعي بس فوقت علي صوتهم فبركز لقيته قدامي وجنبه نهي
نهي بابتسامه:اعرفكم بأبني اسر ويبقي اخوك الكبير يااياد
اياد بصدمه وانفعال:اسر ده يبقي ابنك ازاي وطالما هو كده ليه جايه تظهريه دالوقتي ومظهرتيش انك امه من ساعت ماجه يتقدم لأسيل وقال ايه اخويا الكبير ايه دليلك انو اخويا او بالمعني الاصح هو في كل الاحوال ابن غير شرعي وبالنسبه انو ابنك فصعب اننا نحدد مين ابوه
اسر بعصبيه:مسكته من ياقه قميصه اياد احترم نفسك اللي بتكلم عليها ديه تبقي امي والأمش هيحصل خير لقيته ضربني بالبوكس في وشي
اياد بعصبيه:ابعد ايدك ديه عني لقيته ردلي البوكس ومسكنا في بعض بعدها
اسيل بصدمه وقلق:لقتهم بيضربوا في بعض واستحاله يسيبوا بعض الألو واحد فيهم خلص علي التاني بس كفايه اياد ملقتش حل غير اني اجازف بحياتي وقف بينهم عشان يبعدوا بس كفايه انتوا الاتنين هتقتلوا بعض
اياد بعصبيه:سبيني يااسيل اقتله ونرتاح من كل ده
اسيل بعصبيه مفرطه:انت مجنون يااياد كفايه بقي يإما هتصل بالشرطه وانتوا عارفين ايه اللي هيحصل،وانت يااسر فكلتا الاحوال ان كنت ابن عمي اولأ فانت ليك انك تفضل عشان هي تبقي مرات عمي لأسف فياريت يعني تخليك معاها وملكش دعوه بعيلتي خالص ولما يبقي يانهي فيه اثبات ان اسر ابن عمي الغير الشرعي فسعتها يحلها ربنا غير كده انتوا الاتنين ابعدوا عن بعض سبتهم ومسكت ايد اياد ورحت اوضته جبت علبه الاسعافات حرام عليك يااياد مكنتش المفروض تعمل كده قربت من اياد عشان اعقمله الجرح اللي في وجهه
مي بجديه:هاتيها وانا هعقمله الجرح وبعدين كنتي المفروض تستأذني قبل ماتدخلي اوضتي انا واياد
اسيل بعصبيه مفرطه:استأذن مين انتي بتهزري صح ديه اوضتي اصلا انتي اللي تطلعي ياحلوه
مي باستفزاز:اه كانت اوضتك بس متنسيش اني انا مراته حاليا ولو كان عايزك مكنش اتجوز عليكي
اسيل بغضب مكتوم:اممم لقيت سكينه كانت محطوطه جنب طبق فاكهه فخدتها وقربت منها وشديت شعرها هااا عيدي اللي قولتيه تاني عشان تبقي اخرتك علي ايدي انهارده مش هتردد ابعدي عننا احسن واطلعي من اوضتي لاني انا مراته الوحيده وهفضل كده فاهمه ولالأ
مي بصدمه:انتي مجنونه ابعدي عني هتقطعي شعري حد يلحقني
نهي بصدمه:روحت علي الصوت واتصدمت لما شفت اسيل ماسكها من شعرها وبتهددها بسكينه اسيل اهدي وابعدي عنها وبطلي جنان
اسيل بعصبيه:وانتم لسه شوفتي جنان فاكره اني هصدق كذبكم الحقير ده مبقاش انا اسيل ومتعرفنيش كويس لاني متاكده وواثقه ان اياد مسحيل يتجوز عليا
                   ..........................
نوران بحزن:من ساعت ماقولت لوائل علي قراري واحنا بقينا شبه مبنتكلمش وهو بعد عني جدا بس انا لازم اتحمل عواقب اللي قررته مهما كانت سبت افكاري ديه كلها ورحت اشوف طنط ليلي لو محتاجه حاجه صباح الخير ياطنط
ليلي بتنهد:صباح النور يانوران
نوران بابتسامه:حابه اعملك حاجه ولو مدايقه من وجودي انا همشي
ليلي بجديه:لأ لو حابه اقعدي هسألك سؤال
نوران بابتسامه:اكيد اتفضلي قولي اللي انتي عيزاه
ليلي بتنهد:انتي فعلا بتحبي وائل يانوران ولا عشان بالنسبالك فرصه تغيري حياتك،بصي بصراحه انا عرفت كل حاجه عن حياتك وان ابوكي اتخلي عنكم وانتي صغيره ومامتك هي اللي ربتك وابتدت تتعب وانتي في الدراسه وكنتي بتشتغلي وتدرسي وتهتمي بتعبها بس ليه مفكرتيش تتجوزي من قبل كده وترتاحي من الهموم ديه كلها
نوران بابتسامه:انا مكنتش اقدر اتجوز واسيب ماما لوحدها كنت غصب عني هنشغل في حياتي رغم ان ده كان طلبها ديما ان اتجوز واعيش حطاتي ومش مهم هي هتبقي مبسوطه بس انا مكنتش هقدر اعمل ده هي تعبت كتير عشاني كانت ليا اب وام مجيش انا عشان تعبت اسيبها وامشي حته لو فضلت كل حياتي مكنتش هفكر ارتبط واسيبها ولما قابلت وائل وحبيته حاولت كتير اتجاهل المشاعر ديه والسبب الاول لان عارفه ان مستوانا الاجتماعي مختلف وهتحصل مشاكل كتير بسببه والحاجه التانيه ان مسبش ماما بعد فتره هو عرض عليا وانا وافقت بس كان عندي شرط ان افضل مع ماما وتبقي خطوبه لحد ماتتحسن بس ماما فاجئتني بانننا نكتب الكتاب واضح انها كانت حسه ان ده اخر يوم ليها وفعلا ماتت صدقيني كل حاجه جت بسرعه مقصدناش نخبي بس الظروف جت كده انا عارفه ان تصرفنا اكيد دايق حضرتك بس انا عارفه انك كنتي تتمني واحده احسن مني لوائل وانك مبتحبنيش بس انا جيت هنا عشان اكسب حضرتك واعتبرك زي ماما مش عشان اي حاجه تانيه بتمني تصدقيني
ليلي بملامح حزن:تمام يانوران انا كنت بفكر في اني لازم اجوز ابني لبنت في نفس الطبقه عشان يبقي بينهم توافق مكنتش بهتم بالحب بعد ماعيشت تجربه اختي بس نسيت حاجه اياد فكرني بيها ان عم الشخص الكويس ماكان بعيلته او هو غني اقد ايه انا غلطت نفس غلط بابا فكر ان جاسمين لما تتجوز حسام هتبقي مبسوطه لانهم من نفس الطبقه بس عمرها ماكانت مبسوطه كان مجرد اختيار خاطئ وثقت وحبت شخص غلط فضلت طول حياتي عندي عقده من فكره الحب خوفت علي ابني انو يتجرح من وراه انا ائذيتك بالكلام كتير اه كذه مره كنتي هتمشي بس مقدرتيش ورجعتي لو كنتي بتفكري في الفلوس مكنتش قدرتي تستحملي لدالوقتي كلامي معاكي انا اسفه يابنتي غلطت كتير في حياتي بسبب اسلوبي خليت ابني الوحيد بعيد عني وباللي عملته الفتره الاخيره بعدته اكتر محستش ان كده مش بحميه بس بأذيه وبضايقه
                     .................
نهي باستخفاف:وايه اللي خلاكي واثقه اوي كده اياد زيه زي اي شاب حته انو مختركيش والحاجه التانيه اللي يشوفك من يومين ميشوفكيش دالوقتي
اسيل بجديه:تمام بس محدش قالك انك اللي بتلعبي معاها ديه مش سهله يامدام نهي انا عارفه كل حاجه من يومين مش معني اني مثلت عليكم ان مصدقه يبقي ديه الحقيقه انا سمعتهم وهما بيتكلموا ولما مي هددته بانه لو جرب يعمل حاجه هتقولك وبعدين فيه دليل تاني تحبي اجبهولك ولاكفايه كده عليكي وحاجه كمان يانهي لو بابا جراله حاجه اعرفي كويس ان نهايه اعمالك ديه كلها علي ايدي ففكري بس تقربيله
نهي بجديه:واو يااسيل فاجئتيني كنت فكراكي اضعف من كده او استقليت بيكي بزياده بس فعلا كنت لازم اخد بالي اكتر من كده بس متخفيش اللي جاي اصعب لما نشوف ماتشوفي عيلتك بتدمر هتعملي ايه يااسيل
اسيل بسخريه ووعيد:تدمر ديه كلمه مستحيله يانهي وانتي فعلا ماتعرفنيش انا مش اسيل بتاعت زمان اللي ابنك ضحك عليها ووهمها بحاجات بس طلع ولاحاجه انا قدره اعمل حاجات متقدريش تتوقعيها وهحاسبك علي كل حاجه قديم وجديد وانسي فكره انك تعرفي تفريقينا او توقعي بينا لان كل مره هتفشلي ورحت زقيت مي عليها خديها معاكي بقي معدش وجودها ليه لازمه واحب اعرفها ان لو شوفتها قريب من البيت هقتلها بعد ماطلعت هي ونهي من الغرفه قفلت باب الاوضه ورحت قعدت مع جنب اياد وجبت المعقم عشان اعقمله الجروح لقيته مسك ايدي في ايه يااياد
اياد باستنكار:انتي كنتي فعلا عارفه كل حاجه قبل مااجيلك اما ليه حسستيني انك متعرفيش حاجه فعلا وانك عايزه تسبيني وليه متصذمتيش لما شوفتي اسر
اسيل بتنهد:اه عرفت قبلها لما سمعت كلامكم شكيت ورحت شوفت تسجيلات كاميرا بتاعت اوضتكم بعد ماحطيت لحارس منوم اللي تبع نهي وعرفت كل حاجه وبالنسبه لموضوع اسر حكتله كل حاجه حصلت من الاول مكنش ينفع اقولك سعتها غير لمااعرف بقيه الحقيقه وكمان عشان متقلقش عليا انا عارفه ان خلفت بوعدي ليك بس كله بسبب عصبيتك يااياد شوفت اللي عملته انهارده كنت خايفه منه
اياد بعصبيه:بعدتها عني ده مش مبرر يااسيل عشان تخبي عليا قولي انك انتي اللي اتغيرتي وبقيت انا اخر حاجه تهمك او شبه مش موجود في حياتي يااسيل
                             ............... 
ميرا بابتسامه:بمناسبه اننا قاعدين كده ومبنعملش حاجه فحكيلي بقي اتقابلتي انتي ومراد ازاي يعني اول مره شوفتوا بعض فين.
ريم بشرود:شوفته في الطياره كان قاعد جنبي
مراد بابتسامه:لأهي وقعت في حضني وديه كانت اول مره اشوفها فيها
ريم بخجل خفي:علفكره خضتني جيت امتي وكمان حد زقني فوقعت اعمل ايه يعني نصيبي كده كان نفسي اشتم الشخص اللي خبطني ووقعني
مراد بعفويه:الصراحه كان نفسي اشوفه عشان اشكره علي الوقعه الجميله ديه تخيلي انها كانت اول مره شوفتك فيها
ميرا بفرحه:بتخيلكم ياه مشهد ومثابله رومانسيه خالص وبعدين ايه اللي حصل شوفتوا بعض ازاي طيب خلوني اخمن اعجبتوا ببعض وخدتوا ارقام وقررتوا تتقابلوا
ريم بضحك:خالص ياميرا خلينا الصراحه نوعا ما اخوكي حاول يفتح معايا اي كلام كنوع من الدردشه وانا كنت مش معاه اصلا امكن هو سعتها استغلس اسلوبي ودعنا بعدها بعض في المطار مكنتش فاكره اننا هنتقابل بس حصل ده اليوم اللي بعده بليل عملت حادثه ومراد هو اللي نقلني لمستشفي وفضل مشرف علي حالتي لحد مافوقت من الغيبوبه بعدها بفتره يعني وبس كده متهيألي انك عارفه الباقي بعد فتره ميرا دخلت تنام وانا طلعت اقف في الشرفه شويه بس شردت قطع شرودي مجئ مراد وانه لف ايديه حول خصري
مراد بتساؤل:حبيبتي مشغوله بتفكر في ايه
ريم بتنهد:بفكر ارجع البيت بابا واحشني كمان انا تقلت عليكم بزياده انا كنت جايه اقعد هنا يومين بس الموضوع طول مش عارفه ازاي
مراد باستنكار:بعدت عنها انتي مجنونه ياريم هو ايه اللي تقلت عليكم انتي واعيه للي بتقوليه ليه في كل مره مصممه تثبتيلي بكلامك اني ولاحاجه بالنسبالك وانك بتعتبريني شخص غريب عنك
ريم بتنهد:انا مقصدتش كده يامراد ومن امتي اعتبرتك انك غريب عني وانت عارف انك بالنسبالي كل حاجه اه مبعرفش اعبر اوي بس انا قصدت اني مش حابه ادايقكم بوجودي اكتر وكمان اكيد بابا يعني محتاجني
مراد بعفويه:ومين قالك اننا مدايقين من وجودك ده حته ميرا اتعلقت بوجودك وحباه وبالنسبالي انا فاكيد حابب وجودك ومحتاجك معايا بس لو مش مرتاحه بوجودك هنا ومصممه مش هجبرك انك مترجعيش بيتك
ريم بابتسامه:قربت منه ولفيت ايدي حول عنقه امممم طالما محتاجني معاك فاكيد مش هخذلك واقولك اني ماشيه وبعدين انت لأسف مش مخلي سبب عشان اكون مش مرتاحه يامراد
                       ...................
اسيل بتعب:بعد ماخرج اياد وهو متعصب فضلت مستنياه لحد مارجع ممكن نتكلم بقي لان فضلت اتصل اقد كده وانت مش معبرني ممكن اعرف شايفني متغيره في ايه كل ده عشان خبيت عليك يااياد وانت عارف السبب
اياد بعصبيه:لانك متعرفيش اليومين اللي فاتوا عدوا عليا ازاي وانا حاسس ان ممكن اخسرك ومش لقي طريقه اقولك الحقيقه وكان لازم تقوليلي انو هو بس انتي فاجئتيني بانك عارفه كل ده
اسيل بعصبيه:تمام انا عارفه ان غلطت لما خبيت بس معرفتش اقولك ازاي خوفت من عصبيتك ديه تدمر كل حاجه، بس علي الاقل جاوبني يااياد ليه فضلت مخبي كل السنين ديه ان اسر مكنش هيجي الخطوبه وانك انت السبب وليه عملت كده...........
يكمل