زواج بالأجبار

الفصل التاسع عشر

ليلي بسخريه:اديها ظهرت علي حقيقتها عمر ماللبس بيغير مستوي الانسان مين البنت الوقحه ديه ياوائل اللي سيبها تكلمني كده وازاي تنزل مستواك ليها وتقبل تدخلها حياتك ماترد عليا
وائل بجديه:بس كفايه ممكن نتكلم في هدوء او تديني فرصه اشرحلك قبل ماتفسري كل حاجه علي مزاجك نوران بتكون مراتي انا كنت ناوي اقولك بس ملحقتش
ليلي بسخريه وصدمه:مراتك ناوي تقولي امتي لما تخلف مثلا ياوائل انت ناسي ان عندك ام قبل ماتفكر تجوز لازم تعرف مش جاي تقولي دالوقتي كنت ناوي اقولك وانا استحاله اوافق ان بنت زي ديه تبقي مرات ابني الوحيد انت عايز الناس تقول عليا ايه ديه فضيحه لو حد عرف
اسيل بصدمه:لما سمعت صوتهم روحتلهم طنط ليلي ممكن نعقد ونتكلم بهدوء هي الفكره ان كل حاجه جت بسرعه بعدين نوران كويسه وهي صحبتي من زمان
ليلي بعصبيه:اسيل اسكتي خالص مش عايزه اسمع صوتك وانتي واياد اللي مفكرش يقول لخالته الوحيده علي فرحه،وانت يااستاذ وائل اتجوزت امتي ومين هي ديه اهلها مين وفين
وائل بجديه:اولا هو كتب كتاب مش فرح زي مانتي متخيله وكان من كام يوم وبالنسبه لمامتها فهي الله يرحمها هي وباباها فيه حاجه تانيه ورحت ماسك ايد نوران وقبل مااطلع لما تهدي ياماما نبقي نتكلم لكن بالمنظر ده صعب ورحت واخدها ومشيت
نوران بعصبيه:بعد ماطلعنا من البيت انت كنت عارف كويس ان كل ده هيحصل عشان كده مرضتش تقولها من الاول لحد ماوصلنا لكده انا استحاله استحمل كلامها ده انا هرجع بيتي ياوائل قولتهالك قبل كده ان الفرق بينا كبير وصعب نفضل مع بعض كنت لسه هنزل من العربيه لقيته مسك ايدي
وائل بضيق:افهم من كلامك انك بتتخلي عني يانوران انتي بتفكري في نفسك وبس انا لما ماقولتلهاش من الاول كان لانها مش هتوافق وانا كنت بحبك وعايزك معايا لكن انتي مش عايزه تفهمي ده انا مخترتش حياتي ديه دايما بتفهمي كلامي غلط فعلا صعب تستمر علاقتنا وانا اللي بحاول بس يانوران عشان كده انا مش هجبرك علي حاجه ورحت مشيت بالعربيه لحد بيتها ورحت منزلها انا اسف علي اللي حصل انهارده ده اللي كنتي عيزاه عن اذنك يانوران وسيبتها ومشيت
                              ............
طارق بابتسامه:هو انا ممكن اسألك سؤال لو مش هتدايق
مراد بضحكه خفيفه:متقلقش ياعمي قول اللي انت عايزه انا مش هفكر ادايق منك
طارق:كنت هسألك عن اهلك مش اكتر
مراد بابتسامه:ماما وبابا ماتوا من عشر سنين في حادثه العربيه اتقلبت بيهم وانا معنديش غير اخت اسمها ميرا اصغر مني مش عايشه هنا عشان الجامعه بتاعتها فبتجيلي في الاجازات بس وبالنسبه لبقيت اهلي فانا معرفش عنهم حاجه الصراحه فكنت هقول لو ناجل الخطوبه وتبقي بعد اسبوعين عشان هي حاليا عندها امتحانات ومش هتقدر تيجي لو مفيش مشكله فده
طارق بابتسامه:الله يرحمهم،لأطبعا معنديش مشكله وكمان عشان نتعرف عليها طيب هسيبكم وهروح اشوف بقي الاكل
ريم بابتسامه:مقولتليش يعني ان عندك اخت اصغر منك واضح انك مخبي حاجات كتير
مراد بضحك:في ايه ياريم مجتش مناسبه مش اكتر وبعدين ميرا لذيذه جدا وهتحبيها وهخبي ايه تاني يعني هي اخر سنه ليها السنادي وهتيجي تزهقني في البيت
ريم بفرحه:لأانا عندي حل تحلي انا وهي نبقي صحاب ولو معملتش اللي احنا عايزينه نتفق عليك في يوم ونخلص عليك ايه رأيك يامراد تخيل معايا
مراد بصدمه:لأحرام واحده فيكم تبقي عاقله انا عارف ان ميرا مجنونه تبقي انتي كمان ههاجر واسبلكم البيت سعتها
ريم بضحك وثقه:ابقي قابلني يامراد لو عملتها
                          ................
اسيل بقلق:اوففف ردي بقي لو شفتهم هولع فيهم هما الاتنين موبيلهم مغلق ومرجعوش لحد دالوقتي وبعدين هي ليها حق طنط ليلي زودتها بزياده لقيته لف ايده حول خصري
اياد بابتسامه مطمئنه:ممكن تهدي شويه هما مش صغيرين فهتلقيهم حابين يعقدوا لوحدهم فسبيهم حتي لو مش بعض فاكيد نوران هترجع وبعدين عادي كنا متوقعين ده احيانا بحس ان بابا وخالتو شبه بعض جدا مبيفكروش غير في نفسهم يلاامكن هي كمان تفكر تجوز
اسيل باستياء:لأكفايه هي لوحدها ديه مبيعجبهاش حاجه انا مش عارفه وائل مستحمل ازاي وياعيني علي نوران شوفت عملت فيا ايه لما اتكلمت هو بصحيح عمي فين عرفت من بابا انو سافر
اياد بضيق وانفعال:اه سافر يقضي شهر عسل واحتمال بعد مايرجع مايقدرش ينزل الشركه فكان بيقولي عشان اتحمل انا الشغل كله عشان حضرته هو يعيش حياته عشان هو عريس وعايز يعيش حياته قطعت كلامي بقبله حاوطت خصرها لقربها مني وابادلها القبله بشغف متناسيا كل مشاكلي واللي حواليا
                           ................
وائل بتعب:لما لقيت الوقت اتاخر واكيد نامت فقررت ارجع البيت وانا بفكر ايه اللي هيحصل لحد ماوصلت البيت ودخلت اوضتي وقفلت الباب ورحت رميت الجاكيت باهمال وقعدت علي الكنبه وارجعت راسي لورا نوران بنظره خبيثه:مشيت بهدوء وجيت وقربت من اذنه وبصوت عالي شويه وائل🤗👏
وائل بصدمه وخضه:في ايه لما فتحت النور لقتها نوران منك لله عايزه تموتيني بازمه قلبيه😨
نوران بضحك:شكلك فظيع الصراحه كانت فكره عبقريه مني انا عارفه وبعدين مانت عايش اهو مجرالكش حاجه😂✋
وائل بغيظ:ماشي يانوران بس تقريبا انك قررتي ترجعي بيتك وتسبيني يعني ايه اللي رجعك دالوقتي
مفيش حاجه اتغيرت
نوران بابتسامه:رحت قعدت جنبه بعد ماسبتني وهديت وفكرت لقيت ان اللي عملته وقولته اليومين في حقك مش صح وان ظلمتك كتير نوعا ما انت معملتليش حاجه غير انك وقفت جنبي وقت ماكنت محتاجه ده واتحملت تصرفاتي وانا جيت مع اول مشكله كنت هتخلي عنك وده نوعا ما انانيه بس اوعدك مش هيتكرر تاني انا هفضل معاك حتي لو مامتك قالت ايه هستحمل عشانك
وائل بصدمه:نوران انتي بتكلمي بجد انا عارف ان ماما صعب حد يستحملها واللي انتي شفتيه ده حاجه قليله
نوران بضحك:متقلقش انا بتكلم بجد وباللي شفته انهارده متوقعه الاسوء عشان متصدمش
وائل بابتسامه:لو عملت حاجه مش هتعملي كعادتك وتعترضي
نور باستغراب:مش هعمل حاجه بس ايه لقيته شدني لحضنه ولف ايده حول خصري ليقربني منه اكتر ودفن وجهه في عنقي فلااراديا بادلته العناق وائل انت لسه مضايق مني
وائل معترضا:لأ مش مضايق منك وبعدين لوكده اكيد مش هتلقيني حضنك كده يعني واعرفي ان صعب اضايق منك بس ادايقت لما فكرت انك ممكن تبعدي عني وتسبيني
نوران بابتسامه:معتقدش هقدر ابعد تاني ياوائل
                          ................
تاني يوم الصبح،اسيل بنعاس:ايه الصوت ده يااياد قوم شوف في ايه
اياد بتعب:مش قادر اقوم قطع كلامي تخبيط علي الباب اوفف لو طلع وائل هدبحه بفتح الباب لقتها خالتوا ليلي
ليلي بجديه:روح اغسل وشك انت ومراتك عشان عيزاكم كلكم
اياد باستفسار:طيب مينفعش انام ساعه كمان واتكلمي مع وائل براحتك
ليلي بتهديد:انا قولت اللي عندي لو مكنتش موجرد خلال عشر دقايق ورجعت تنام مش هخبط المرادي وهدخل وشوف هعمل ايه بقي وسبته ومشيت🙄
اياد:اسيل قومي انا هدخل اغسل وشي واغير هدومي تكوني صحيتي بعد فتره طلعنا وقعدنا بره
اسيل بنعاس:طنط ليلي يعني وجودي ايه لازمته عندك اياد اهو انا بجد مش قدره وبعدين محدش بيصحي بدري يوم الاجازه😴
ليلي بجديه:اخرسي يااسيل وفوقي واخيرا شرفتوا بقالكم سنه عشان تيجوا
وائل:معلش ياماما خير ايه سر الاجتماع الصباحي ده
ليلي بغرور:اولا علم اللي انت اختارتها ان اللي حصل امبارح ميتكررش وحاجه كمان وايه اللي هيخليني اثق في انها مش ضحكه عليك عشان توصل لفلوسك مهي ديه كل افكار الناس اللي من الطبقه المتوسطه زيها كده وبالنسبالك يااسيل صدمتيني بانك تعرفي الاشكال ديه ممكن تبقي ترتقي شويه في اختيارتك لناس ولاتحبي افكرك باختيارك لأسر اللي كان غلط
اياد بعصبيه:لإكده كتير ايه اللي جاب السيره ديه ليه بتفتحي في مواضيع قديمه هتستفيدي ايه لقيت اسيل ضغطت علي ايدي
اسيل بجديه:استني يااياد انا فهمه أيه اللي عايزه تقوليه احب اقولك ان نوران مش صحبتي وبس ديه اختي اعرفها من سنين واخر همها الفلوس اللي بتفكري فيها ووائل ساعت مااخترها فمكرش في الفرق اللي بتكلمي عليه لان الانسان روحه وشخصيته اهم من مستواه او مين اهله اومكانته ايه في المجتمع فيه ناس كتير غنيه وليها مكانه بس فقيره لانها معندهاش مشاعر ولاقلب لغتهم الفلوس وبس وعمر مالفلوس ماهي بتكون مصدر السعاده انا اه غلطت في اختياري لأسر بس عادي هو ماضي دالوقتي وكل ماهفتكر هيبقي درس ليا مش حاجه خايفه تتعرف او ابقي محرجه
ليلي بضحكه عاليه:واو يااسيل من امتي العقل ده كله وبعدين انتي غلطانه لان الفقير هو اللي معندوش حاجه
اسيل بابتسامه:ولاعقل ولاحاجه انا اعرف ناس ليهم مكانه في المجتمع وفلوس كتير بس لأسف خسروا كتير فضلوا الفلوس علي سعادتهم وسعاده ولادهم وبقت كل همهم منظرهم قدام الناس فات عمرهم وبعدوا عن ابنهم وبسبب غرورهم خسروا شخص كان بيحبهم بس الندم مش هيرجعه لانه مات ايه فايده الفلوس قدام عيله بتحب بعض وسعيده ياطنط ليلي وده اللي فيه ناس كتير غنيه معندهمش بيعايروا الطبقه المتوسطه عشان عشتهم علي قدهم رغم انهم عندهم عيوب كتير بيخافوا تظهر عشان شكلهم مع ذلك بيتقوا علي غيرهم
ليلي بعصبيه:قصدك بالكلام ده علي مين يااسيل
اسيل بابتسامه مستفزه:ولاحد ياطنط بتكلم عمتا معصبه نفسك ليه ورحت مسكت ايد نور وران يلاعن اذنكم بقي وخدتها ورحت اوضتي وقفلت الباب ياه مش مصدقه نفسي خلصت من الصداع ده
نوران بابتسامه:انتي صدمتيني يااسيل من امتي كل ده يابنتي وبتكلمي بكل الهدوء ده
اسيل بضحك:هي اللي ابتدت وتستاهل ومكنش هينفع معها الصوت العالي هي زمانها بتولع بره اصلا،وبعدين ده انتي فاتك اللي عملته في نهي فطع كلامي رنين موبيلي فلقتها ريم فرديت اهلا يابنتي تمام خلاص نتقابل احنا التلاته في الكافيه يلاباي،يلانجهز بقي عشان نخرج ونهرب من البيت
نوران:خلاص هروح اجهز واجي
اسيل بضحك:بس يابت تعالي اختاري حاجه تعرفي تلبسيها ونطقم مع بعض بصي تعالي نغير انتي البسي الفستان ده هيطلع حلو وانا هلبس ده وبعد فتره كنا جهزنا استني رايحه فين
نوران:هو الباب مش من الناحطه ديه برضو
اسيل بخبث:لأماحنا مش هنطلع من الباب دهفيه بابا خلفي لڤيلا هنطلع منه عشان مش نقصه ازعاج بعد ماطلعما وركبنا العربيه
نوران:بس هما ميعرفوش اننا طلعنا فهيقلقوا
اسيل بضحكه خفيفه:متقلقيش هبعت رساله لأياد وهو يبقي يقول لوائل بعد فتره كنا وصلنا الكافيه ولقينا ريم قعده معلش اتاخرنا عليكي
ريم بضحك:لأعادي ياقلبي منا عارفاكي ان مواعيدك حلوه اقعدوا
اسيل بحزن مزيف:كده ياريم ظالمني واللهي منها لله اللي كانت السبب اه معلش يانوران نسيت اني بتكلم علي حماتك😕
نوران بتعب:بس بقي لحسن دماغي وجعتني انا مش عارفه ايه جابها يارب تسافر ونرتاح
ريم بضحك:اه طنط ليلي هي جت ياعيني عليكم بس يانوران متقلقيش اسيل بتعزها فمش هتسكت لو قالت حاجهوبعدين انسوا ده كله فيه خبر نوعا ماحلو وده سبب اني طلبتكم تيجوا
اسيل بابتسامه:متقلقيش قمت بالواجب قبل مااجي بس قوليلي ايه الخبر الحلو
ريم بابتسامه:خطوبتي بعد اسبوعين هسيبك تعرفي هو مين يااسيل
اسيل بفرحه:متقوليش دكتور مراد  فلقتها هزت راسها بان اه مقولتش انا كده قولتيلي لأده الدكتور بتاعي واحنا اصدقاء وبس كنتي بتضحكي عليا ياريم
ريم بابتسامه:لأفعلا سعتها كنا كده هو اللي فاجئني حتي مقاليش اصلا وحكتلهم اللي حصل بس الصراحه شكلي كان مسخره يوميها الصدمه كانت صعبه عليا
نوران بضحك:اه الف مبرو ياستي بس اشمعني اسبوعين ومش ناويه تعرفينا عليه
ريم بفرحه:الله يبارك فيكي عشان اخته عندها امتحانات وهو معندوش غيرها لان اهله متوفيين بس كده،انا عندي حل احنا نتفق علي يوم ونتجمع كلنا بس حزنت ملامحي طبعا لو اياد حابب ده لاني عارفه انو مش طايقني ومش هيحب الموضوع فبلاش مش حابه ادايقكم اكتر
اسيل بجديه:ريم الموضوع ده بقاله فتره ليه منفتحش صفحه جديده وبعدين متنسيش اننا عيله ومفيش انسان مبيغلطش في حياته
ريم بتوتر:بصي يااسيل الموضوع قدم اه بس انا غلطت كتير لما سمعت كلام ماما قبل ماافكر وفكرت ائذيكم انا لحد دالوقتي مش قدره اسامح نفسي فمستحيل يقدر يسامحني عارفه في الفتره ديه عرفت معني انك تشوفي حد عزيز عليكي موجوع بتحسي انك انتي اللي بتتوجعي اكتر منه واعتذاري عمره ماهينسي اللي فات بحد متعرفيش لما قربت منك ومن نوران حسيت باختلاف بجد انا عمري ماكان ليا اصدقاء كلهم كانوا مزيفيين بس انا بحسكم زي اخواتي،نفسي اننا نتجمع كعيله وجدو بس ديه حاجه مستحيله
اسيل بابتسامه هادئه:ريم انتي اتغيرتي كتير وده باين من كلامك وتصرفاتك الفتره اللي فاتت غيرت فيكي كتير الحادثه ومننكرش برضو ان مراد ليه تأثير انا عندي حل حلو تعالي نروح علي البيت
ريم بعدم فهم:وبعدين ايه اللي ناويه عليه يااسيل
اسيل بابتسامه خبيثه:ملكيش فيه هتعرفي تعالي كلنا روحنا علي البيت ازيك يابابا واحشني امال فين ماما وبعدين جيبالك مفاجئه وطلعت جبت ريم تعالي هسيبكم تكلموا وتعالي يانوران ورانا شغل واياكي تهربي ياريم
ريم بجديه:بعد مامشيوا خالوا انا كنت حابه قبل مااكمل لقيته حضني
محمد بابتسامه:عامله ايه ياريم كده برضو تبعدي الفتره ديه كلها ومتسأليش علي خالك
ريم بدموع:انا اسفه جدا ياخالوا بس بعد اللي حصل اخر مره عملت حادثه وقضيت فتره في المستشفي ولما جيت هنا كنت خايفه اجي انا غلطت كتير وصعب انكم تسامحوني انا اسفه ياخالوا صدقني مقصدتش كل اللي حصل
محمد بابتسامه:ريم مر وقت طويل وانا عارف ان كل ده حصل بسب مامتك يوميها انسي ياحبيبتي كل واحد بيغلط بس يعترف بغلطه، واناعمري في حياتي ماشفتك كده مكنتيش بتعتذري ودالوقتي اعتذرتي والدموع والندم في عينيكي وده كفايه ياريم انتي بالنسبالي زيك زي اسيل واياد بنتي
ريم بابتسامه ودموع:انا مش عارفه اقول ايه بس انتوا كويسين جدا معايا حتي بعد المشاكل اللي عملتها انا بعتذر عن كل لحظه فكرت فيها ائذيكم
عادل بضحك:بس دراما انتوا الاتنين بنتك ياطارق بقت كده ازاي
ريم بفرحه:جدو ورحت جريت عليه حضنته وحشتني كتير الصراحه بجد شكرا جدا يااسيل ديه احلي مفاجئه
اسيل بضحك:بس لسه المفاجئه مخلصتش تعالوا نعقد عقبال مايجوا بعد ماراحوا يعقدوا الباب خبط انا هروح افتح فلقيته شخص غريب انت مراد صح
مراد بابتسامه:اه انا مراد بماانك عارفه اسمي يبقي مغلطتش في العنوان صح
اسيل بضحك:انا اسمي اسيل اكيد سمعت عني من ريم عالموم العنوان صح عمو طارق وريم جوا ثانيه هناديلك ريم
ريم بابتسامه:فيه ايه يااسيل استني اتفاجئت بمراد ايه ده انت هنا جيت امتي
مراد بضحك:لسه جاي من شويه عمي طارق كلمني وقالي اجي علي هنا
اسيل بابتسامه:الصراحه كانت خطتي انا ياريم خليت عمي يكلمه عشان يجي نتعرف عليك وهو يتعرف علينا عالموم ادخلوا وانا شويه وهاجي بعد مادخلوا لقيت اياد ووائل جم
اياد بقلق:مالك يااسيل قلتي انك تعبانه حسه بايه
اسيل بتردد وخوف خفي:اه اياد انا كويسه متقلقش انا قولت كده عشان تيجي لانك مكنتش هتيجي غير كده بص اوعي تتعصب جدو جوه وهيدايق
اياد:..........
يكمل